ദാഹമകറ്റാൻ മാത്രമല്ല, ഊർജ്ജത്തിനും ഉന്മേഷത്തിനും ഇനി ഇത് ദിവസവും കുടിക്കൂ

ദാഹം അകറ്റാൻ പറ്റിയ ഏറ്റവും മികച്ച പാനീയമാണ് ലസ്സി. തൈരിന്റെ ഗുണങ്ങളും വെള്ളരിയുടെ തണുപ്പും ചേർന്ന ഒരു ഉന്മേഷദായകമായ പാനീയമാണ് കുക്കുമ്പർ ലസ്സി. ഇഞ്ചി, മല്ലിയില, മസാലകൾ എന്നിവ ചേർത്ത് ഉണ്ടാക്കുന്ന ഈ തനത് ലസ്സി റെസിപ്പി വീട്ടിൽ വളരെ എളുപ്പത്തിൽ തയ്യാറാക്കാവുന്ന ഒന്നാണ്. ശരീരത്തിന് ഉന്മേഷവും തണുപ്പും നൽകുന്ന ഈ പാനീയം എങ്ങനെ ഉണ്ടാക്കാമെന്ന് പരിചയപ്പെടാം.

Also Read: ഊർജ്ജവും ഉന്മേഷവും വീണ്ടെടുക്കാം, രാവിലെ ഇത് കഴിച്ച് ദിവസം തുടങ്ങൂ

ചേരുവകൾ

• കട്ടിയുള്ള തൈര്- 1 കപ്പ് 
• വെള്ളരിക്ക- 1 എണ്ണം 
• ഐസ് ക്യൂബുകൾ- 1/2 കപ്പ് 
• മല്ലിയില- ഒരു പിടി 
• കറുത്ത ഉപ്പ് - ആവശ്യത്തിന് 
• കുരുമുളക് പൊടി- ആവശ്യത്തിന് 
• അരിഞ്ഞ ഇഞ്ചി- 1 ടേബിൾ സ്പൂൺ 

Also Read:5 ദിവസം കൊണ്ട് സൊയമ്പൻ വൈൻ തയ്യാറാക്കാം യീസ്റ്റില്ലാതെ തന്നെ

Also Read: തിളക്കമുള്ള ചർമ്മത്തിന് ഒരു കിടിലൻ ഡ്രിങ്ക്, ട്രൈ ചെയ്തു നോക്കൂ

തയ്യാറാക്കുന്ന വിധം

• മല്ലിയില, വെള്ളരി, ഇഞ്ചി എന്നിവ നന്നായി കഴുകി വൃത്തിയാക്കാം. ശേഷം ഇവ ചെറുതായി അരിഞ്ഞ് തയ്യാറാക്കി വെക്കാം.
• ഒരു ബ്ലെൻഡർ എടുത്ത് അതിലേക്ക് കട്ടിയുള്ള തൈര് ഐസ് ക്യൂബുകൾക്കൊപ്പം ചേർക്കാം, ഇത് നന്നായി പതഞ്ഞു വരുന്നതുവരെ ഒന്നോ രണ്ടോ തവണ ബ്ലെൻഡ് ചെയ്യാം.
• അവസാനമായി, അരിഞ്ഞു വെച്ച മല്ലിയില, ഇഞ്ചി, വെള്ളരിക്ക എന്നിവ ചേർക്കുക. ഒപ്പം ആവശ്യത്തിന് കറുത്ത ഉപ്പും കുരുമുളക് പൊടിയും ചേർത്ത് ഒരിക്കൽ കൂടി നന്നായി ബ്ലെൻഡ് ചെയ്യാം.
• തണുപ്പിച്ച ഗ്ലാസുകളിലേക്ക് ലസ്സി ഒഴിച്ച് ഉടൻ തന്നെ വിളമ്പാം.

Read More: ദഹനാരോഗ്യം മെച്ചപ്പെടുത്താം, ദിവസവും ഇത് കുടിക്കൂ