വേനല്‍കാലത്ത് സ്വാദിഷ്ടമായൊരു മൊജിറ്റോ വീട്ടിൽ തന്നെ തയ്യാറാക്കിയാലോ. പച്ച മുന്തിരി ഉപയോഗിച്ച് എളുപ്പത്തിൽ തയ്യാറാക്കുന്ന ഒരു കിടിലൻ മൊജിറ്റോ റെസിപ്പിയാണ് ഇവിടെ പരിചയപ്പെടുത്തുന്നത്.
ചേരുവകൾ
പച്ച മുന്തിരി – 1 കപ്പ്
വെള്ളം- 2 കപ്പ്
കറുത്ത ഉപ്പ് (കാരുപ്പ്)- 1 നുള്ള്
തയ്യാറാക്കുന്ന വിധം
- മുന്തിരിയും വെള്ളവും കൂടി മിക്സിയിൽ അടിച്ചെടുക്കുക. ശേഷം അരിപ്പയിൽ അരിച്ചെടുക്കുക. ഇതിലേക്ക് കറുത്ത ഉപ്പ് ചേർക്കുക.
- പുതിനയില, തേൻ, ഒരു നാരങ്ങയുടെ നീര് എന്നിവ ചേർത്ത് നന്നായി ഇളക്കി യോജിപ്പിക്കുക.
- ഒരു ചെറിയ പാത്രത്തിൽ മുളകു പൊടിയും ഉപ്പും മിക്സ് ചെയ്ത് അതിലേക്ക് ക്ലാസ് കമിഴ്ത്തി വച്ച് ഗ്ലാസ്സിന്റെ വശങ്ങളിൽ ഈ മുളകുപൊടി- ഉപ്പ് പൗഡർ പതിപ്പിക്കുക.
- ഇതിലേക്ക് തയ്യാറാക്കി വച്ച മൊജിറ്റോ ഒഴിക്കുക. ആവശ്യാനുസരണം ഐസും സോഡയും ചേർക്കുക. സോഡ വേണ്ടാത്തവർക്ക് സ്പ്രൈറ്റ് ഉപയോഗിക്കുകയുമാവാം.
