സണ്ണി സൈഡ് അപ്പ് റോസ്റ്റിൻ്റെ റെസിപ്പി ഇതാണ്

മുട്ടയിൽ ധാരാളം പോഷകങ്ങൾ അടങ്ങിയിട്ടുണ്ട്.  കോളിൻ, ഫോളേറ്റ്, വിറ്റാമിൻ ഡി, വിറ്റാമിൻ​ ബി,  അയഡിൻ,  ഉയർന്ന നിലവാരമുള്ള പ്രോട്ടീൻ, എന്നിവയൊക്കെ നൽകാൻ മുട്ടയ്ക്കു കഴിയുന്നു. ഇതിൽ അടങ്ങിയിരിക്കുന്ന ആരോഗ്യകരമായ കൊഴുപ്പുകളും ആൻ്റിഓക്‌സിഡൻ്റുകളും തലച്ചോറിൻ്റെയും കണ്ണിൻ്റെയും ആരോഗ്യം മെച്ചപ്പെടുത്താൻ സഹായിക്കുന്നു. മുട്ടയിൽ ഹൃദയത്തിന് ഗുണം ചെയ്യുന്ന ഒമേഗ 3-ഫാറ്റി ആസിഡുകൾ അടങ്ങിയതിനാൽ ഹൃദ്രോഗം, സ്ട്രോക്ക് എന്നിവയ്ക്കുള്ള സാധ്യത കുറയ്ക്കും. ഹൃദയാരോഗ്യത്തെ പ്രോത്സാഹിപ്പിക്കുന്ന ബീറ്റൈൻ, കോളിൻ എന്നിവയും മുട്ടയിലുണ്ട്. മുട്ടയിൽ പ്രേട്ടീൻ കൂടുതലാണ്. അതിനാൽ അമിതമായി വിശപ്പു തോന്നില്ല. ബ്രേക്ക്ഫാസ്റ്റിനൊപ്പം കഴിക്കാൻ തിരഞ്ഞെടുക്കാൻ പറ്റിയ മികച്ച ഭക്ഷണമാണ് മുട്ട. വെറുതെ മുട്ട പുഴുങ്ങി കഴിക്കണം എന്നു നിർബന്ധമില്ല. പകരം ഒരു സ്പെഷ്യൽ മുട്ട റോസ്റ്റ് റെസിപ്പി പരിചയപ്പെടാം. ബിഗ്ബോസ് സീസണോടെ ട്രെൻഡിങ്ങായ സണ്ണി സൈഡ് അപ്പ് മുട്ട റോസ്റ്റിൻ്റെ റെസിപ്പി ഷെഫ്ന തൻ്റെ ഇൻസ്റ്റഗ്രാം പേജിലൂടെ പങ്കുവെയ്ക്കുന്നുണ്ട്.

ചേരുവകൾ

• വെളിച്ചെണ്ണ
• സവാള
• ഉപ്പ്
• ഇഞ്ചി
• വെളുത്തുള്ളി
• പച്ചമുളക്
• കറിവേപ്പില
• കാശ്മീരി മുളകുപൊടി
• മഞ്ഞൾപ്പൊടി
• ഗരംമസാല
• തക്കാളി
• മുട്ട

View this post on Instagram

A post shared by Shefna Hashim (@shefnahashim)

തയ്യാറാക്കുന്ന വിധം
ഒരു പാൻ അടുപ്പിൽ വെച്ച് അൽപ്പം വെളിച്ചെണ്ണയൊഴിച്ച് ഒരു സവാള അരിഞ്ഞതിലേയ്ക്ക് ആവശ്യത്തിന് ഉപ്പും ചേർത്ത് വേവിക്കുക. ഇതിലേയ്ക്ക് അൽപ്പം ഒരു ടേബിൾസ്പൂൺ ഇഞ്ചിയും വെളുത്തുള്ളിയും അരച്ചതും,  കറിവേപ്പിലയും, പച്ചമുളകും ചേർത്തിളക്കുക. ശേഷം രണ്ട് ടീസ്പൂൺ കാശ്മീരി മുളകുപൊടി, ഒരു ടീസ്പൂൺ മല്ലിപ്പൊടി, കാൽ ടീസ്പൂൺ മഞ്ഞൾപ്പൊടി, കാൽ ടീസ്പൂൺ ഗരം മസാല എന്നിവ ചേർത്തിളക്കി ഒരു തക്കാളിയുടെ പകുതി ചെറുതായി അരിഞ്ഞത് ചേർത്ത് വേവിക്കുക. തക്കാളി വെന്ത് ഉടഞ്ഞതിനു ശേഷം രണ്ട് മുട്ട പൊട്ടിച്ചതു കൂടി ചേർത്ത് പാൻ​ അടച്ചു വെച്ച് വേവിക്കു. ഇരു വശങ്ങളും വെന്തു കളിഞ്ഞ് ചൂടോടെ വിളമ്പാം. 

Read More

• കറിവേപ്പില ദിവസങ്ങളോളം കേടുകൂടാതെ സൂക്ഷിക്കാൻ​ ചില പൊടിക്കൈകൾ
• ഉണക്കമാന്തൾ ഇനി ഇങ്ങനെ വറുത്തു നോക്കൂ
• കൂൺ ഫ്രൈ രുചികരമാക്കാൻ ഒരു സ്പെഷ്യൽ റെസിപ്പി
• ഈ മാജിക് ചിക്കൻ റോസ്റ്റ് തയ്യാറാക്കാൻ മൂന്ന് ചേരുവകൾ ധാരാളം
• അൽപ്പം കടല ചേർത്താൽ വെണ്ടയ്ക്ക ഫ്രൈ ഇനി കൂടുതൽ രുചികരമാകും
• നാവിൽ കൊതിയൂറും പച്ചമാങ്ങ മിഠായി തയ്യാറാക്കാം
• സവാള ഉണ്ടെങ്കിൽ ഇനി ദിവസും ചമ്മന്തി തയ്യാറാക്കി ബുദ്ധിമുട്ടേണ്ട
• കോവയ്ക്ക ഇങ്ങനെ ഫ്രൈ ചെയ്തു നോക്കൂ
• മൂന്നു ചേരുവകൾ കൊണ്ട് തയ്യാറാക്കാം കലാഖണ്ട്
• ജാൻവി കപൂറിനു പ്രിയപ്പെട്ട പരിപ്പു കറി, തയ്യാറാക്കുന്നത് ഇങ്ങനെയാണ്
• രുചികരവും ആരോഗ്യപ്രദവുമായ റാഗി ഹൽവ, തയ്യാറാക്കാൻ​ വളരെ എളുപ്പം
• ചോറിനൊപ്പം നാടൻ മുരിങ്ങയില കറിയും, തയ്യാറാക്കി നോക്കൂ
• ചിക്കൻ 65 വരെ മാറി നിൽക്കും ഈ കൂൺ വിഭവത്തിനു മുന്നിൽ