അടുക്കളയിലെ സിങ്കിൽ പറ്റിപ്പിടിച്ചിരിക്കുന്ന കറകൾ നീക്കം ചെയ്യാൻ ഈ എളുപ്പമാർഗങ്ങൾ പരീക്ഷിക്കൂ

അടുക്കളയിൽ ഏറ്റവും ഉപയോഗമുള്ള ഇടമാണ് സിങ്ക്. സ്ഥിരമായി ഉപയോഗം മൂലം കറകൾ പിടിച്ചിരിക്കുന്ന സിങ്ക് നിങ്ങൾ എപ്പോഴൊക്കെ വൃത്തിയാക്കാറുണ്ട്?

ദിവസവും സിങ്ക് വൃത്തിയാക്കുന്നതാണ് നല്ലത്. അതിനു പറ്റിയില്ല എങ്കിൽ ആഴ്ചയിൽ രണ്ട് തവണയെങ്കിലും ക്ലീൻ ചെയ്യാൻ മറക്കരുത്.

ബേക്കിങ് സോഡ

സിങ്കിലേയ്ക്ക് കുറച്ച് ബേക്കിങ് സോഡ വിതറാം. 5 മിനിറ്റിനു ശേഷം വിനാഗിരി അതിനു മുകളിലേയ്ക്ക് ഒഴിക്കാം. ശേഷം സ്ക്രബർ ഉപയോഗിച്ച് കഴുകാം.

നാരങ്ങ

അര കപ്പ് നാരങ്ങ നീരിലേയ്ക്ക് ഒരു ടീസ്പൂൺ ബേക്കിങ് സോഡ ചേർത്തിളക്കി യോജിപ്പിക്കാം. ഇത് സിങ്കിലേയ്ക്ക് ഒഴിക്കാം. 10 മിനിറ്റിനു ശേഷൺ ചൂടുവെള്ളം ഒഴിച്ച് കഴുകി കളയാം.

ഹൈഡ്രജൻ പെറോക്സൈഡ്

ബേക്കിങ് സോഡയിലേയ്ക്ക് ഹൈഡ്രജൻ പെറോക്സൈഡ് ചേർത്ത് പേസ്റ്റ് രൂപത്തിലാക്കാം. ഇത് ഒരു ബ്രെഷ് ഉപയോഗിച്ച് സിങ്കിൽ പുരട്ടാം. ശേഷം സ്ക്ര ഉപയോഗിച്ച് ഉരസി വെള്ളം ഒഴിച്ചു കഴുകാം.

സിങ്കിൻ്റെ കുഴലുകൾ വൃത്തിയാക്കാൻ

സിങ്കിൻ്റെ കുഴലുകൾ വൃത്തിയാക്കാൻ വളരെ പ്രയാസമാണ്. സിങ്ക് വൃത്തിയാക്കിയതിനു ശേഷം ബേക്കിങ് സോഡയിലേയ്ക്ക് വിനാഗിരിയും കുറച്ച് ചൂടുവെള്ളവും ഒഴിച്ച് മിശ്രിതമാക്കാം. ഇത് പൈപ്പിലേയ്ക്ക് ഒഴിക്കാം. ഏൽപം സമയത്തിനു ശേഷം തണുത്ത വെള്ളം ഒഴിക്കാം.