ബ്രെഡും മുട്ടയും ഉണ്ടോ? ബ്രേക്ക്ഫാസ്റ്റ് സിംപിളാക്കാം ഒപ്പം രുചികരവും: Turkish Breakfast Recipe

Turkish Breakfast Recipe: 'സിൽബിർ' എന്ന പേര് കേൾക്കുമ്പോൾ തന്നെ അറിയാം, ആളൊരു വിദേശിയാണെന്ന്. പേര് പോലെ തന്നെ രുചിയും ചേരുവകളും വ്യത്യസ്തമാണ്, എന്നാൽ തയ്യാറാക്കാൻ വളരെ എളുപ്പവും. ബ്രെഡും, മുട്ടയും, തൈരുമാണ് പ്രധാന ചേരുവകൾ. കേൾക്കുമ്പോൾ വിരുദ്ധമായി തോന്നാമെങ്കിലും കഴിച്ചു തുടങ്ങിയാൽ പിന്നെ ദിവസവും ഇതിനായി കൊതിക്കും.

മസാലകൾ ചേർത്ത് ഒട്ടും പുളിയില്ലാത്ത തൈരും, മഞ്ഞക്കരു പൊട്ടാത്ത (പോച്ച്ഡ് എഗ്ഗ്) മുട്ടയും, വെണ്ണയിൽ ടോസ്റ്റ് ചെയ്തെടുത്ത ബ്രെഡുമാണ് വേണ്ടത്. ഇവയെല്ലാം വളരെ എളുപ്പത്തിൽ ലഭ്യമായ ചേരുവകളാണ്. ഫൈവ് സ്റ്റാർ സ്റ്റൈലിൽ ബ്രേക്ക്ഫാസ്റ്റ് വീട്ടിൽ തയ്യാറാക്കാൻ ഈ റെസിപ്പി ട്രൈ ചെയ്യൂ.

ചേരുവകൾ

• വെണ്ണ
• ബ്രെഡ്
• മുട്ട
• വറ്റൽമുളക് ചതച്ചത്
• കുരുമുളകുപൊടി
• ഉപ്പ്
• പച്ചമുളക്
• മല്ലിയില
• ഒലിവ് എണ്ണ
• തൈര്
• പപ്രിക്ക പൗഡർ അല്ലെങ്കിൽ കാശ്മീരി മുളകുപൊടി

തയ്യാറാക്കുന്ന  വിധം

• ഒരു പാൻ അടുപ്പിൽ വച്ച് ചൂടാക്കാം.
• അതിലേയ്ക്ക് ഒരു ടേബിൾസ്പൂൺ വെണ്ണ ചേർത്തു ചൂടാക്കി ബ്രെഡ് ടോസ്റ്റ് ചെയ്തെടുക്കാം. 
• പാനിലേയ്ക്ക് രണ്ട് മുട്ട പൊട്ടിച്ചൊഴിച്ച് മുകളിൽ ഉപ്പ് ചേർത്ത് പോച്ച്ഡ് എഗ്ഗ് തയ്യാറാക്കി മാറ്റാം. 
• അതേ പാനിലേയ്ക്ക് കുറച്ചു കൂടി വെണ്ണ ചേർത്ത് ഒരു ടീസ്പൂൺ വറ്റൽമുളക് ചതച്ചതും, ഒരു ടീസ്പൂൺ പപ്രിക്ക പൗഡറും അല്ലെങ്കിൽ കാശ്മീരി മുളകുപൊടി, ചേർത്തിളക്കി മാറ്റാം. 
• ഒരു പാത്രത്തിൽ കുറച്ച് മല്ലിയില ചെറുതായി അരിഞ്ഞതെടുക്കാം.
• പച്ചമുളകും ആവശ്യത്തിന് ഉപ്പും, ഒരു ടേബിൾസ്പൂൺ ഒലിവ് എണ്ണയും മല്ലിയിലയിലേയ്ക്കു ചേർത്തിളക്കി യോജിപ്പിക്കാം.
• മറ്റൊരു പാത്രത്തിൽ ഒട്ടും പുളിയില്ലാത്ത കട്ടത്തൈരെടുക്കാം.
• അതിൽ ഒരല്ലി വെളുത്തുള്ളി ചതച്ചതും, ഒരു ടീസ്പൂൺ ചതച്ച വറ്റൽമുളകും, ഒരു ടീസ്പൂൺ കുരുമുളകുപൊടിയും, ഒരു ടീസ്പൂൺ കാശ്മീരിമുളകുപൊടി അല്ലെങ്കിൽ പപ്രിക്ക പൗഡറും, ആവശ്യത്തിന് ഉപ്പും ചേർത്തിളക്കി യോജിപ്പിക്കാം.
• മാറ്റി വച്ചിരിക്കുന്ന മല്ലിയിലയും, മസാല മിക്സും ചേർക്കാം.
• അതിനു മുകളിലായി മുട്ട വയ്ക്കാം. ടോസ്റ്റ് ചെയ്ത ബ്രഡ് മുട്ടയ്‌ക്കൊപ്പം എടുത്ത് തൈരിൽ മുക്കി കഴിച്ചു നോക്കൂ.

Read More

• അങ്കമാലിക്കാരുടെ പോർക്ക് വരട്ടിയത് കഴിച്ചിട്ടുണ്ടോ? ഇത്തവണ ക്രിസ്മസിന് ഇതാവട്ടെ സ്പെഷ്യൽ
• സൂപ്പർ ഹെൽത്തി ഈ റാഗി ഉപ്പുമാവ്
• മൈദയും ഓവനും വേണ്ട, അഞ്ച് മിനിറ്റിൽ കേക്ക് റെഡി പപ്പായ ഉണ്ടെങ്കിൽ
• നിറം കണ്ട് ഞെട്ടേണ്ട, സോഫ്റ്റും രുചികരവുമായ പുട്ടാണ്
• നാടൻ ഊണ് കഴിക്കാം, ഉണക്കചെമ്മീൻ ചേർത്ത് ചോറ് ഇങ്ങനെ പാകം ചെയ്യൂ
• അവലുണ്ടോ? തയ്യാറാക്കാം ഈ 5 വിഭവങ്ങൾ വ്യത്യസ്ത രുചിയിൽ
• ഓറഞ്ചിൻ്റെ തൊലി മാറ്റി വച്ചോളൂ, കിടിൻ കറി തയ്യാറാക്കാം
• ദോശയ്‌ക്കൊപ്പം വിളമ്പാൻ രുചികരമായ 5 ചമ്മന്തികൾ
• ഓവനില്ലാതെ ബ്രെഡ് തയ്യാറാക്കിയാലോ? മധുരക്കിഴങ്ങും മുട്ടയും മതി
• പഴുത്ത പഴം ഉണ്ടെങ്കിൽ തയ്യാറാക്കാം ഈ 10 വിഭവങ്ങൾ