ഒരു ഉരുളക്കിഴങ്ങ് മതി, ഉച്ചയൂണ് രുചികരമാക്കാൻ മറ്റൊരു കറിയും വേണ്ട

ചോറിനും ചപ്പാത്തിക്കും മറ്റ് വിഭവങ്ങൾക്കുമൊപ്പം എപ്പോഴും മികച്ച ഒരു സൈഡ് ഡിഷാണ് ഉരുളക്കിഴങ്ങ് ഫ്രൈ. എന്നാൽ തിരക്കിട്ട ജീവിതത്തിൽ എളുപ്പത്തിൽ, എന്നാൽ നല്ല രുചിയോടെ എങ്ങനെ ഇത് തയ്യാറാക്കാം എന്നാകും പലരുടെയും ചിന്ത. അതിനുള്ള ഉത്തരമാണ് ഈ മസാല ഫ്രൈ. വളരെ കുറച്ച് ചേരുവകൾ ഉപയോഗിച്ച് മിനിറ്റുകൾക്കുള്ളിൽ ഇത് തയ്യാറാക്കാം. 

Also Read: ഉച്ചയൂണ് കഴിക്കാൻ മടിതോന്നില്ല, ചോറ് വേവിച്ചെടുക്കുമ്പോൾ ഇവ ചേർക്കൂ

ചെറുതായി അരിഞ്ഞ് ഉരുളക്കിഴങ്ങിലേയ്ക്ക് മസാലകൾ കൂടി ചേരുമ്പോൾ രുചി വർധിക്കും എന്നതിൽ സംശയമില്ല. വൈശാലി തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: ഒരു സ്പൂൺ തേങ്ങ പോലും വേണ്ട, കടലക്കറി രുചികരമാക്കാൻ ഈ മസാലക്കൂട്ട് മതി

ചേരുവകൾ

• ഉരുളക്കിഴങ്ങ്
• എണ്ണ
• കടുക്
• ഉരുളക്കിഴങ്ങ്
• കറിവേപ്പില
• ഉള്ളി
• മഞ്ഞൾപ്പൊടി
• മുളകുപൊടി/സാമ്പാർ പൊടി
• ഉപ്പ്

View this post on Instagram

A post shared by Vaishalibalachandar (@mom_of_boysvaishu)

Also Read: ചോറ് കുറച്ച് പകരം ഇവ ഉൾപ്പെടുത്തൂ, ഉച്ചയൂണിന് ശീലമാക്കാം ഈ റൈസ് സാലഡ്

തയ്യാറാക്കുന്ന വിധം

• ഉരുളക്കിഴങ്ങ് തൊലി കളഞ്ഞ് കഴുകിയെടുത്ത് ചെറിയ കഷ്ണങ്ങളാക്കി വെള്ളത്തിൽ കുതിർത്തു വയ്ക്കാം. ഒരു പാനിൽ വെളിച്ചെണ്ണ ഒഴിച്ച് അടുപ്പിൽ വയ്ക്കാം.
• എണ്ണ ചൂടായി കഴിയുമ്പോൾ കടുക് ചേർത്തു പൊട്ടിക്കാം.
• ഇതിലേയ്ക്ക് ഉഴുന്ന് പരിപ്പും, കറിവേപ്പിലയും ചേർത്തു വറുക്കാം. ശേഷം ചെറുതായി അരിഞ്ഞ ഉള്ളി ചേർത്തു വഴറ്റാം.
• ഉള്ളിയുടെ നിറം മാറി വരുമ്പോൾ ഉരുളക്കിഴങ്ങ് ചേർക്കാം. ഒപ്പം മഞ്ഞൾപ്പൊടിയും ഉപ്പും ചേർത്തിളക്കി യോജിപ്പിക്കാം. 
• അൽപ സമയം പാൻ അടച്ചു വച്ചു വേവിക്കാം. ഏകദേശം 5 മുതൽ 7 മിനിറ്റ് വരെ വേവിക്കാം.
• ഉരുളക്കിഴങ്ങ് പാനിൽ ഒട്ടിപിടിക്കാതിരിക്കാൻ ഇടയ്ക്ക് ഇളക്കി കൊടുക്കണം.
• ഉരുളക്കിഴങ്ങ് കഷ്ണങ്ങൾ വെന്ത് ക്രിസ്പിയായി വരുമ്പോൾ അടുപ്പണയ്ക്കാം. ഇനി ചൂടോടെ ചോറിനൊപ്പം വിളമ്പി കഴിച്ചു നോക്കൂ. 

Read More: ഇത് അറിഞ്ഞാൽ ഉള്ളി വട ഇനി കൂടുതൽ ക്രിസ്പിയായി വറുക്കാം