scorecardresearch
Latest News

എളുപ്പത്തിൽ തയ്യാറാക്കാം മുരിങ്ങയില മുട്ട തോരൻ

മുരിങ്ങയിലയും മുട്ടയും ഉപയോഗിച്ച് എളുപ്പത്തിൽ തയ്യാറാക്കാവുന്ന തോരൻ

എളുപ്പത്തിൽ തയ്യാറാക്കാം മുരിങ്ങയില മുട്ട തോരൻ

ഏറെ പോഷകസമ്പുഷ്ടമായ ഒന്നാണ് മുരിങ്ങയില. മുരിങ്ങയിലയും മുട്ടയും ഉപയോഗിച്ച് എളുപ്പത്തിൽ തയ്യാറാക്കാവുന്ന ഒരു തോരന്റെ റെസിപ്പി പരിചയപ്പെടാം. ഡോക്ടർ സ്വാതി റിജിൽ ആണ് ഈ റെസിപ്പി പരിചയപ്പെടുത്തുന്നത്.

ചേരുവകൾ:

  • മുരിങ്ങയില- 2 കപ്പ്
  • മുട്ട-2 എണ്ണം
  • ചെറിയ ഉള്ളി- 10 എണ്ണം
  • ചുവന്ന മുളക്- ആവശ്യത്തിന്
  • കടുക്- ആവശ്യത്തിന്
  • വെളിച്ചെണ്ണ- 2 ടീസ്പൂൺ
  • തേങ്ങ ചിരകിയത്- കാൽ കപ്പ്
  • ഉപ്പ്- ആവശ്യത്തിന്
  • മഞ്ഞൾപൊടി- അര ടീസ്പൂൺ
  • മുളകുപൊടി- അര ടീസ്പൂൺ

തയ്യാറാക്കുന്ന വിധം​:

  • ഒരു പാനെടുത്ത് വെളിച്ചെണ്ണ ഒഴിച്ച് ചൂടാകുമ്പോൾ കടുകുപൊട്ടിക്കുക. ഇതിലേക്ക് ചുവന്ന മുളക്, പച്ചമുളക്, ചെറിയ ഉള്ളി എന്നിവ ചേർത്ത് വഴറ്റുക.
  • ശേഷം മുരിങ്ങയിലയും ചേർക്കാം.
  • മുരിങ്ങയില വഴന്നു വരുമ്പോൾ ഇതിലേക്ക് ചിരകിവച്ച തേങ്ങ കൂടി ചേർക്കുക.
  • ശേഷം അര ടീസ്പൂൺ മഞ്ഞൾപൊടിയും അത്ര തന്നെ മുളകുപൊടിയും ചേർത്ത് ഇളക്കി യോജിപ്പിക്കുക.
  • പാനിലേക്ക് രണ്ടു മുട്ട കൂടി പൊട്ടിച്ച് ഒഴിച്ച് നന്നായി ഇളക്കി വേവിച്ചശേഷം ഇറക്കിവച്ച് ഉപയോഗിക്കാം.

Read more: അസാധ്യരുചിയുമായി കബാലി ചിക്കൻ; റെസിപ്പി

Stay updated with the latest news headlines and all the latest Food news download Indian Express Malayalam App.

Web Title: Drumsticks leaves egg thoran muringayila moringa leaf easy recipe