അടുക്കള വെട്ടിത്തിളങ്ങും ദിവസം മുഴുവൻ സുഗന്ധം നിൽക്കും, ഇതുപയോഗിച്ചു നോക്കൂ

കരിയും പുകയും നിറഞ്ഞ അടുക്കള ഇനി എന്നും വൃത്തിയോടെയും സുഗന്ധത്തോടെയും സൂക്ഷിക്കാൻ ഇത് ഉപയോഗിക്കാം.

എല്ലാ മാസവും ഫ്ലോർ ക്ലീനിങ് ലിക്വിഡുകൾ വാങ്ങിക്കൂട്ടാറുണ്ടോ? എങ്കിലിനി പകരം അവ വീട്ടിൽ തയ്യാറാക്കി ഉപയോഗിക്കൂ. അടുക്കളയിൽ തന്നെ സുലഭമായ ചേരുവകൾ അതിനായി ഉപയോഗിക്കാം.

ചേരുവകൾ

ചൂടുവെള്ളം- 2 കപ്പ്, വിനാഗിരി- 3 ടേബിൾസ്പൂൺ, ഡിഷ് വാഷ് സോപ്പ്- 1 ടീസ്പൂൺ

തയ്യാറാക്കുന്ന വിധം

ഒരു ചെറിയ ബൗളിലേയക്ക് രണ്ട് കപ്പ് ചൂടുവെള്ളമെടുക്കാം. അതിലേയ്ക്ക് മൂന്ന് ടേബിൾസ്പൂൺ വിനാഗിരിയും, ഒരു ടീസ്പൂൺ ഡിഷ് വാഷ് സോപ്പും ചേർത്ത് യോജിപ്പിക്കാം. ഈ മിശ്രിതം ഒരു സ്പ്രേ ബോട്ടിലിലേയ്ക്കു മാറ്റി സൂക്ഷിക്കാം, ആവശ്യാനുസരണം ഉപയോഗിക്കാം.

ഉപയോഗിക്കേണ്ട വിധം

വിട്ടു മാറാത്ത കറകൾ ഉള്ളയിടത്ത് ഈ ലിക്വഡ് സ്പ്രേ ചെയ്യാം. അൽപ സമയത്തിനു ശേഷം ഒരു സ്പോഞ്ച് അല്ലെങ്കിൽ കോട്ടൺ തുണി ഉപയോഗിച്ച് തുടച്ചു നീക്കം ചെയ്യാം. ഗ്യാസ് സ്റ്റൗ, കിച്ചൺ ക്യാബിൻ എന്നിവയൊക്കെ വൃത്തിയാക്കാനും ഇത് ഉപയോഗിക്കാം.