വർഷങ്ങളോളം കേടുകൂടാതെ സൂക്ഷിക്കാവുന്ന കിടിലൻ വെട്ടു മാങ്ങ അച്ചാർ

അച്ചാറിൽ കേമൻ മാങ്ങ അച്ചാറാണെന്ന് മലയാളികൾ പൊതുവെ പറയാറുണ്ട്.​ നല്ല നാടൻ എണ്ണ മാങ്ങ അച്ചാറോ?. ഇവ തമ്മിൽ എന്ത് വ്യത്യാസമെന്നാണോ? നല്ലെണ്ണയിൽ വറുത്തെടുത്ത പുളിയൻ പച്ചമാങ്ങ കഷ്ണങ്ങളിലേക്ക് വറുത്തെടുത്ത മസാലകൾ ചേർത്തിളക്കിയെടുത്തു നോക്കൂ. കണ്ടാൽ തന്നെ കൊതിപ്പിക്കുന്ന കിടിലൻ ഐറ്റമാണിത്. തയ്യാറാക്കിയാൽ ഏറെ നാൾ കേടുകൂടാതെ സൂക്ഷിക്കാം, എന്നാൽ രുചി അറിഞ്ഞാൽ ഭരണി കാലിയാകുന്ന വഴിയറിയില്ല. വിദേശത്തേയ്ക്ക് പോകുന്ന ഉറ്റവർക്ക് കൊടുക്കൻ ഇതിലും നല്ല സ്പെഷ്യൽ വിഭവം വേറെയില്ല.  ധാത്രി എന്ന യൂട്യൂബ് ചാനലാണ് അത് എങ്ങനെ തയ്യാറാക്കാം എന്ന് പരിചയപ്പെടുത്തി തരുന്നത്. ട്രൈ ചെയ്തു നോക്കൂ

ചേരുവകൾ

• മാങ്ങ-  11/2  കിലോ
• മുളകുപൊടി- 1 കപ്പ്
• കാശ്മീരി മുളകുപൊടി- 1 കപ്പ്
• ഉപ്പ്- ആവശ്യത്തിന്
• കായം- 1 ടേബിൾസ്പൂൺ
• നല്ലെണ്ണ- 75 മില്ലി
• കടുക്- 6 ടേബിൾസ്പൂൺ
• ഉലുവ- 4 ടേബിൾസ്പൂൺ

തയ്യാറാക്കുന്ന വിധം

• ഒന്നര കിലോ നാടൻ മാങ്ങ നന്നായി കഴുകി തുടച്ചെടുക്കാം അവ ചെറിയ കഷ്ണങ്ങളായി അരിഞ്ഞു വയ്ക്കാം.
• അടികട്ടിയുള്ള ഒരു പാത്രം അടുപ്പിൽ വച്ച് കടുക്, ഉലുവ എന്നിവ എണ്ണ ചേർക്കാതെ വറുത്തെടുക്കാം.
• ചൂടാറിയതിനു ശേഷം അത് രണ്ടും പൊടിക്കാം.
• പാനിലേയ്ക്ക് മുളകുപൊടി, മഞ്ഞൾപ്പൊടി, ആവശ്യത്തിന് ഉപ്പ്, കടുകും, ഉലുവ പൊടിച്ചത് എന്നിവ ചേർത്തിളക്കി യോജിപ്പിക്കാം.
• ശേഷം അടുപ്പണച്ച് കായപ്പൊടി ചേർക്കാം.
• കഷ്ണങ്ങളാക്കിയ മാങ്ങയിലേയ്ക്ക് ചൂടാക്കിയ മസാലപ്പൊടികൾ ചേർക്കാം.
• ഒപ്പം 50 മില്ലി നല്ലെണ്ണ ചെറുചൂടോടെ ഒഴിക്കാം.
• ചേരുവകൾ നന്നായി ഇളക്കി യോജിപ്പിക്കാം.
• ഇത് ഒരു ദിവസം മുഴുവൻ അടച്ചു മാറ്റി വയ്ക്കാം.
• പിറ്റേ ദിവസം ഇത് കഴുകി ഉണക്കിയെടുത്ത ഭരണയിലേയ്ക്കു മാറ്റി സൂക്ഷിക്കാം. 

Read More:

• മാവ് അരച്ചെടുത്ത് സമയം കളയേണ്ട, ഒരു കപ്പ് റവയിൽ ഇൻസ്റ്റൻ്റായി തയ്യാറാക്കാം ഇഡ്ഡലി
• വെളിച്ചെണ്ണയിൽ വഴറ്റിയെടുത്ത ചുവന്നുള്ളിയും ചക്കപ്പഴവും ചേർന്ന കിടിലൻ ചോറ്
• പഞ്ഞി പോലെ സോഫ്റ്റാണ് ഈ ഇഡ്ഡലി, അരിയും ഉഴുന്നും അരയ്ക്കുമ്പോൾ ഇതു കൂടി ചേർക്കൂ
• ഗോതമ്പോ അരിപ്പൊടിയോ വേണ്ട, ഇനി നാടൻ ഇലയട രുചികരമായി തയ്യാറാക്കാം ഈ രണ്ട് ചേരുവകൾ ഉണ്ടെങ്കിൽ
• നാരങ്ങ മുതൽ വെള്ളരി വരെ; അടുക്കള വൃത്തിയോടെ സൂക്ഷിക്കാൻ ഇവയും സഹായിക്കും
• ഒരു പിടി കറിവേപ്പില ഉണ്ടെങ്കിൽ ഉച്ചയൂണിന് സ്വാദിഷ്ടമായ അച്ചാർ റെഡി
• വിഷുവിനൊരുക്കാം തൃശൂർ സ്പെഷ്യൽ വിഷുക്കട്ട
• ആരോഗ്യത്തിന് ഗുണകരം ഈ ലഡ്ഡു, പഞ്ചസാരയും കടലമാവും ഇല്ലാതെ തയ്യാറാക്കാം
• ഒരു കപ്പ് കടലമാവുണ്ടെങ്കിൽ മൈസൂർ പാക്ക് കഴിക്കാം മതിവരുവോളം
• പൂപോലെ സോഫ്റ്റ് അപ്പം വേണോ? മാവ് അരയ്ക്കുമ്പോൾ ഇക്കാര്യങ്ങൾ ശ്രദ്ധിക്കാം
• അരി ഏതുമാകട്ടെ തേങ്ങ ചോറിൻ്റെ റെസിപ്പി ഓർത്തിരുന്നോളൂ
• തൈരും ചുവന്നുള്ളിയും ഇങ്ങനെ ചെയ്തു നോക്കൂ, സ്വാദിഷ്ടമായ കറി റെഡി മിനിറ്റുകൾക്കുള്ളിൽ
• മലബാറിൻ്റെ സ്വന്തം പാൽ പത്തിരി രുചികരമായി തയ്യാറാക്കാൻ ഇതാ ഒരു വിദ്യ