ക്രിസ്പിയായി മീൻ ഫ്രൈ ചെയ്തെടുക്കണോ? എങ്കിൽ ഈ ചേരുവകൾ ഉപയോഗിക്കാം

മീൻ വിഭവങ്ങോടുള്ള പ്രിയം മലയാളികൾക്ക് ഏറിക്കൊണ്ടിരിക്കുകയാണ്. അധികം ആളുകൾക്കും കറിയേക്കാൾ മീൻ ഫ്രൈ ചെയ്തു കഴിക്കുന്നതിനോടാണ് പ്രിയം. എന്നാൽ അമിതമായ എണ്ണ മയം ആരോഗ്യത്തിന് നല്ലതല്ല. വറുത്തെടുക്കുന്ന ഭക്ഷണങ്ങൾ കൊളസ്ട്രോളിന് കാരണമായേക്കും. അതോർത്ത് ഇഷ്ടപ്പെട്ട ഭക്ഷണം ഒഴിവാക്കേണ്ട. വളരെ കുറച്ച് എണ്ണ ഉപയോഗിച്ച് ക്രിസ്പിയായി മീൻ വറുത്തെടുക്കാൻ ഒരു വിദ്യയുണ്ട്. ഈ റെസിപ്പി ട്രൈ ചെയ്തു നോക്കൂ.

ചേരുവകൾ

• മീൻ- 250 ഗ്രാം
• കാശ്മീരിമുളകുപൊടി- 3 ടേബിൾസ്പൂൺ
• ജീരകം- 1/2 ടീസ്പൂൺ
• മഞ്ഞൾപ്പൊടി-  1/2 ടീസ്പൂൺ
• വെളുത്തുള്ളി- 1/2 ടീസ്പൂൺ
• ഇഞ്ചി- 1 കഷ്ണം
• വിനാഗിരി- 2 ടീസ്പൂൺ
• ഉപ്പ്- ആവശ്യത്തിന്
• റവ- 1/2 കപ്പ്
• അരിപ്പൊടി- 1/2 കപ്പ്

Also Read: മീൻ വറുക്കുമ്പോൾ ഈ സൂത്രപ്പണി ഒന്നു പരീക്ഷിച്ചുനോക്കൂ

തയ്യാറാക്കുന്ന വിധം

• വെളുത്തുള്ളി, ഇഞ്ചി എന്നിവയോടൊപ്പം ജീരകം ചേർക്കാം.
• ഇതിലേയ്ക്ക് മുളകുപൊടി, മഞ്ഞൾപ്പൊടി, വിനഗിരി ഉപ്പ് എന്നിവ ചേർത്ത് നന്നായി അരച്ചെടുക്കാം.
• കഴുകി വൃത്തിയാക്കിയ മീനിലേയ്ക്ക് അരച്ചെടുത്ത ഈ മസാലപ്പൊടികൾ പുരട്ടി 10 മിനിറ്റ് മാറ്റി വയ്ക്കാം.
• ഒരു ബൗളിൽ അരിപ്പൊടിയും റവയും യോജിപ്പിച്ചു വയ്ക്കാം.
• 10 മിനിറ്റിനു ശേഷം മീൻ കഷ്ണങ്ങൾ ഇതിൽ മുക്കിയെടുക്കാം.
• അടി കട്ടിയുള്ള ഒരു പാത്രം അടുപ്പിൽ വച്ച് ആവശ്യത്തിന് വെളിച്ചെണ്ണ ഒഴിച്ചു ചൂടാക്കാം.
• അതിലേയ്ക്ക് മീൻ കഷ്ണങ്ങൾ ചേർത്തു വറുക്കാം.
• മുകളിൽ അൽപം നാരങ്ങ നീര് പിഴിഞ്ഞൊഴിച്ച് ചൂടോടെ ചോറിനൊപ്പം കഴിക്കാം.
• ഇത് തയ്യാറാക്കാൻ റവയോടൊപ്പം അരിപ്പൊടി ചേർക്കണം എന്ന് നിർബന്ധമില്ല. ലഭ്യത അനുസരിച്ച് ഉപയോഗിക്കാം.

Read More

• കറുമുറു കഴിക്കാൻ പായ്ക്കറ്റ് മിക്സചർ വാങ്ങേണ്ട, ഒരു പിടി അവൽ ഇങ്ങനെ ചെയ്തെടുക്കൂ
• മധുരമൂറുന്ന മാങ്ങ പുഡ്ഡിംഗ് തയ്യാറാക്കാം സിംപിളായി, ഈ 4 ചേരുവകൾ കൈയ്യിലുണ്ടോ?
• അരിപ്പൊടി വേണ്ട, പൂ പോലുള്ള ഗോതമ്പ് പാലപ്പം ഇൻസ്റ്റൻ്റായി ചുട്ടെടുക്കാം
• കുറച്ച് എണ്ണയിൽ ക്രിസ്പിയായി പൂരി വറുക്കാൻ മാവിൽ ഇത് കൂടി ചേർക്കൂ
• ചുട്ടുപൊള്ളുന്ന ചൂടത്തും ഉന്മേഷം നേടാൻ റാഗി ജ്യൂസ് ശീലമാക്കൂ
• മൈദ വേണ്ട, ഒരു കപ്പ് തേങ്ങ ഉണ്ടെങ്കിൽ നാവിൽ അലിഞ്ഞു ചേരും ഹൽവ റെഡി
• പഴം കൈയ്യിലുണ്ടോ? എങ്കിൽ ഈ ഡെസേർട്ട് ട്രൈ ചെയ്യാം
• മാമ്പഴ ജ്യൂസ് ഈ രീതിയിൽ തയ്യാറാക്കി നോക്കൂ
• കറ പിടിച്ച കുക്കർ വൃത്തിയാക്കാൻ ഇവ ഉപയോഗിച്ചു നോക്കൂ
• ഇഡ്ഡലി പൂപോലെ സോഫ്റ്റായി കിട്ടാൻ ഇങ്ങനെ പരീക്ഷിച്ചു നോക്കൂ