വൈകീട്ട് ചായയ്‌ക്കൊപ്പം നല്ല ചൂടു പലഹാരം അതു മലയാളിക്കു നിർബന്ധമാണ്. ഉഴുന്നുവട, പരിപ്പുവട, സമൂസ പോലുള്ള വിഭവങ്ങളാണ് അധികമായും ഈവനിങ്ങ് സ്‌നാക്‌സ് എന്ന പേരിൽ കഴിക്കുന്നത്. എന്നാൽ കുറച്ച് വ്യത്യസ്‌തമായ ഒരു വിഭവം പരീക്ഷിച്ചാലോ? വീട്ടിൽ ബാക്കി വരുന്ന ചോറു വച്ച് ഒരു ഉഗ്രൻ നാലു മണി പലഹാരമുണ്ടാക്കാം. ബ്ളോഗറായ ശിഖ ഷെട്ടിയാണ് ഈ വിഭവം പരിചയപ്പെടുത്തുന്നത്.
ചേരുവകൾ:
- ചോറ്- 2 കപ്പ്
- സവാള- 1
- ക്യാരറ്റ്- 1/2
- കാപ്‌സിക്കം – 1/2
- ഉടച്ചെടുത്ത ഉരുളക്കിഴങ്ങ് -1/2
- കുരുമുളക് പൊടി- 1 ടീ സ്‌പൂൺ
- ഉപ്പ്- ആവശ്യത്തിന്
- മുളക് പൊടി- 1 ടീ സ്‌പൂൺ
- മല്ലി പൊടി- ആവശ്യത്തിന്
- റവ – 1 ടേബിൾ സ്‌പൂൺ
- ജീരകം പൊടിച്ചത്- 1 ടീ സ്‌പൂൺ
പാകം ചെയ്യുന്ന വിധം:
- സവാള, ക്യാരറ്റ്, കാപ്‌സിക്കം എന്നിവ എണ്ണയിൽ വഴറ്റിയെടുക്കുക
- ശേഷം ചോറിലേക്ക് വഴറ്റിയ പച്ചകറികൾ, ഉരുളക്കിഴങ്ങ്, കുരുമുളക് പൊടി, ഉപ്പ്, മുളക് പൊടി, ജീരകം പൊടിച്ചത്, മല്ലി പൊടി, റവ എന്നിവ ചേർത്ത് നല്ലവണ്ണം മിക്‌സ് ചെയ്യുക
- മിക്‌സ് ചെയ്‌ത ശേഷം ചെറിയ രൂപത്തിൽ പരത്തിയെടുക്കാം
- ഇവ എണ്ണയിൽ വറുത്തെടുത്ത് ചൂടോടെ കഴിക്കാവുന്നതാണ്
