ഇനി കോയിൻ പൊറോട്ട വീട്ടിൽ തയ്യാറാക്കാം വീശിയടിക്കാതെ തന്നെ

കേരളീയരുടെ ഇഷ്ട വിഭവങ്ങളിൽ മുൻപന്തിയിലാണ് പൊറോട്ട. പൊറോട്ടയുടെ കൂടെ അതിന്റെ കുഞ്ഞൻ രൂപമായ കോയിൻ പൊറോട്ടയ്ക്ക് ആരാധകർ ഏറെയാണ്. ഹോട്ടലുകളിലും തട്ടുകടകളിലും മാത്രം കണ്ടുവരുന്ന ഈ ചെറു പൊറോട്ടയുടെ രുചി ഒന്ന് വേറെ തന്നെയാണ്. ഓരോന്നും നാണയം പോലെ ചെറുതായതുകൊണ്ട് തന്നെ എണ്ണ കുറച്ചുമത, മൊരിഞ്ഞ അരികുകളോടെ ലെയറുകൾ വേർതിരിഞ്ഞു കിട്ടാനും എളുപ്പമാണ്. പുറമെ ക്രിസ്പിയായും അകത്ത് മൃദുവുമായിരിക്കുന്ന ഈ കൊച്ചുമിടുക്കൻ പൊറോട്ട വീട്ടിൽ ഉണ്ടാക്കിയെടുക്കുന്നത് ഒരു വലിയ വെല്ലുവിളിയായി പലരും കണക്കാക്കാറുണ്ട്.

Also Read: ബേക്കറി സ്റ്റൈൽ പഫ്സ് ഇനി വീട്ടിൽ തയ്യാറാക്കാം ഓവനില്ലാതെ തന്നെ

എന്നാൽ പൊറോട്ട ഉണ്ടാക്കുന്നതിൻ്റെ ആ അടിയും പറത്തലും ഒന്നുമില്ലാതെ, വളരെ ലളിതമായ ചില വിദ്യകൾ ഉപയോഗിച്ച് ഈ സ്വാദിഷ്ടമായ കോയിൻ പൊറോട്ട നമുക്ക് അടുക്കളയിൽ ഉണ്ടാക്കാം. സാലു തൻ്റെ യൂട്യൂബ് ചാനലിലൂടെയാണ് അത് തയ്യാറാക്കുന്ന വിധം പരിചയപ്പെടുത്തി തരുന്നത്. 

Also Read: പഴവും മുട്ടയും വേണ്ട, ഇനി പാൻ കേക്ക് ഇങ്ങനെ തയ്യാറാക്കി നോക്കൂ

ചേരുവകൾ

• മൈദ
• മുട്ട
• പഞ്ചസാര
• ഉപ്പ്
• വെള്ളം
• എണ്ണ 

Also Read: ഒരു മുട്ട മതി, ഇനി ആരും കൊതിക്കുന്ന രുചിയിൽ കിടിലൻ ബ്രേക്ക്ഫാസ്റ്റ് തയ്യാറാക്കാം

തയ്യാറാക്കുന്ന വിധം

• ഒരു ബൗളിൽ അൽപ്പം മൈദ എടുത്ത് ഒരു മുട്ട പൊട്ടിച്ചൊഴിക്കാം.
• അതിലേക്ക് അൽപ്പം പഞ്ചസാരയും ഉപ്പും ചേർത്തിളക്കാം.  
• ആവശ്യത്തിന് വെള്ളം കൂടി ഒഴിച്ചിളക്കി യോജിപ്പിക്കാം.
• മാവ് രണ്ട് മണിക്കൂർ മാറ്റി വയ്ക്കാം.
• തയ്യാറാക്കിയ മാവിൽ നിന്ന് ചെറിയ ഉരുളകളെടുത്ത് കട്ടി കുറച്ച് പരത്താം.
• നീളത്തിൽ ചെറിയ കഷ്ണങ്ങളായി മുറിക്കുക. അവ ചുരുട്ടിയെടുക്കാം.
• ഒരു പാൻ അടുപ്പിൽ വച്ച് ആവശ്യത്തിന് എണ്ണയൊഴിച്ചു ചൂടാക്കുക. അതിലേക്ക് പൊറോട്ട വെച്ച് ഇരുവശങ്ങളും ചുട്ടെടുക്കാം.

Read More: പഞ്ഞിപോലുള്ള കുബ്ബൂസ് ഇനി വീട്ടിൽ ചുട്ടെടുക്കാം, ഇത്രമാത്രം ചെയ്താൽ മതി