ശരീരഭാരം നിയന്ത്രിക്കുന്നതിനായി നമ്മൽ പല വിധത്തിലുളള ഭക്ഷണങ്ങളും കഴിക്കാറുണ്ട്. മിക്കവരും ഓംലെറ്റാണ് അതിനായി തിരഞ്ഞെടുക്കുന്നത്.എന്നാൽ മുട്ടയിൽ നിന്ന് മാറി ചിക്കൻ ഓംലെറ്റ് തയാറാക്കി നോക്കിയാലോ.എളുപ്പത്തിൽ ഉണ്ടാക്കാവുന്ന ചിക്കൻ ഓംലെറ്റ് പരിചയപ്പെടുത്തുകയാണ് ഫുഡ് ബ്ളോഗറായ ഫാത്തിമ.
ചേരുവകൾ:
- ചിക്കൻ – ആവശ്യാനുസരണം
- ഉപ്പ്- ആവശ്യത്തിന്
- മുളക് പൊടി- 3/4 ടീ സ്പൂൺ
- മഞ്ഞൾ പൊടി- 1/4 ടീ സ്പൂൺ
- നാരങ്ങ നീര്-1 ടീ സ്പൂൺ
- എണ്ണ-3/4 ടേബിൾ സ്പൂൺ
- വെളുത്തുള്ളി- 2 അല്ലി
- മുട്ട-2 എണ്ണം
- കുരുമുളക് പൊടി- 3/4 ടീ സ്പൂൺ
- മല്ലിയില- ആവശ്യത്തിന്
- സവാള-1 1/2 ടേബിൾ സ്പൂൺ
- ക്യാരറ്റ്-1 ടേബിൾ സ്പൂൺ
- ബീൻസ്-1 1/2 ടേബിൾ സ്പൂൺ
- കാപ്സിക്കം-1 ടേബിൾ സ്പൂൺ
- പച്ചമുളക്- 1 എണ്ണം
പാകം ചെയ്യുന്ന വിധം:
- ചെറിയ കഷ്ണങ്ങളായി അരിഞ്ഞ ചിക്കനിലേക്ക് ഉപ്പ്, മുളക് പൊടി, മഞ്ഞൾ പൊടി, നാരങ്ങ നീര് എന്നിവ ചേർത്ത് മിക്സ് ചെയ്യുക.
- ശേഷം പാൻ ചൂടാക്കി എണ്ണയിൽ ചിക്കൻ ചെറുതായി വറുത്തെടുക്കാവുന്നതാണ്.
- ഇതിലേക്ക് വെളുത്തുള്ളിയും ചേർത്ത് കൊടുക്കാം.
- മുട്ടയിൽ കുരുമുളക്പൊടി, മല്ലിയില, ഉപ്പ് എന്നിവ ചേർത്ത് ബീറ്റ് ചെയ്ത് മാറ്റിവയ്ക്കുക.
- സവാള, ക്യാരറ്റ്, ബീൻസ്, കാപ്സിക്കം, പച്ചമുളക് എന്നിവ നല്ലവണ്ണം വഴറ്റിയ ശേഷം ചിക്കൻ ഇട്ടു കൊടുത്ത് മിക്സ് ചെയ്യുക.
- അവസാനമായി മുട്ട ഒഴിച്ച് കൊടുത്ത് ഒംലെറ്റ് രൂപത്തിലാക്കിയെുക്കാവുന്നതാണ്.
