scorecardresearch
Latest News

എളുപ്പത്തിൽ തയ്യാറാക്കാം സ്വാദിഷ്ടമായ ബ്രൊക്കോളി- മുട്ട തോരൻ

പോഷക സമ്പുഷ്ടമായ ബ്രൊക്കോളി ഉപയോഗിച്ച് തയ്യാറാക്കാവുന്ന ഒരു ഈസി തോരൻ റെസിപ്പി

എളുപ്പത്തിൽ തയ്യാറാക്കാം സ്വാദിഷ്ടമായ ബ്രൊക്കോളി- മുട്ട തോരൻ

ഏറെ ആരോഗ്യഗുണങ്ങളുള്ള പച്ചക്കറികളിൽ ഒന്നാണ് ബ്രൊക്കോളി. കാബേജിന്റെ കുടുംബത്തില്‍ പെടുന്ന ഈ പച്ചക്കറി പോഷക സമ്പുഷ്ടമാണ്. എന്നാൽ ബ്രൊക്കോളി എങ്ങനെയൊക്കെ ഭക്ഷണത്തിൽ ഉൾപ്പെടുത്താം എന്ന രീതിയിൽ പലർക്കും സംശയങ്ങളേറെയാണ്. വേവിച്ചും വേവിക്കാതെയുമൊക്കെ കഴിക്കാവുന്ന ഒന്നാണ് ബ്രൊക്കോളി.

ബ്രൊക്കോളിയും മുട്ട തോരനും ഉപയോഗിച്ച് എളുപ്പത്തിൽ തയ്യാറാക്കാവുന്ന ഒരു തോരൻ പരിചയപ്പെടാം. ഫുഡ് ബ്ലോഗറായ ഡോക്ടർ സ്വാതി റിജിൽ ആണ് റെസിപ്പി പരിചയപ്പെടുത്തുന്നത്.

ചേരുവകൾ

  • ബ്രൊക്കോളി- 1
  • മുട്ട- 3 എണ്ണം
  • കടുക്- 1 ടീസ്പൂൺ
  • ചുവന്നമുളക്- 2
  • കറിവേപ്പില- ആവശ്യത്തിന്
  • ഉപ്പ്- ആവശ്യത്തിന്
  • സവാള- 1
  • വെളുത്തുള്ളി- 4 അല്ലി
  • വെളിച്ചെണ്ണ- ആവശ്യത്തിന്
  • മഞ്ഞൾപ്പൊടി- അര ടീസ്പൂൺ
  • മുളകുപൊടി- 1 ടീസ്പൂൺ
  • തേങ്ങ ചിരകിയത്- ഒരു പിടി

തയ്യാറാക്കുന്ന വിധം:

  • ബ്രൊക്കോളി പൊടിയായി അരിയുക.
  • ഒരു മൺച്ചട്ടിയെടുത്ത് അടുപ്പിൽ വച്ച് ചൂടാക്കി വെളിച്ചെണ്ണയൊഴിച്ച് മൂപ്പിക്കുക. ശേഷം കടുക്, കറിവേപ്പില, ചുവന്നമുളക്, വെളുത്തുള്ളി, സവാള അരിഞ്ഞത് എന്നിവയിട്ട് നന്നായി വഴറ്റുക.ഇതിലേക്ക് ബ്രൊക്കോളി ചേർക്കുക
  • ശേഷം ഉപ്പും മഞ്ഞൾപ്പൊടിയും മുളകുപൊടിയും ചേർക്കുക.
  • തേങ്ങ ചിരകിയതും ചേർത്ത് നന്നായി ഇളക്കി മൂടിവയ്ക്കുക.
  • ഒന്നു വെന്തു കഴിയുമ്പോൾ മുട്ട പൊട്ടിച്ച് ഒഴിച്ച് ചിക്കിയെടുക്കാം. സ്വാദിഷ്ടമായ ബ്രൊക്കോളി- മുട്ട തോരൻ റെഡി.

Stay updated with the latest news headlines and all the latest Food news download Indian Express Malayalam App.

Web Title: Broccoli egg stir fry broccoli egg thoran recipe