ഇനി പഴവും പാലും മതി, രുചികരമായ അപ്പം തയ്യാറാക്കാം

അരികൊണ്ടുള്ള ദോശയും അപ്പവും കഴിച്ചു മടുത്തോ?. എങ്കിൽ ഒരു പഴവും പാലും മതി രുചികരമായ അപ്പം തയ്യാർ. രാവിലെയോ വൈകിട്ടോ, എപ്പോൾ വേണമെങ്കിലും തയ്യാറാക്കാവുന്ന ഇൻസ്റ്റൻ്റ് അപ്പമാണിത്.  ഇവാസ് വേൾഡ് എന്ന യൂ ട്യൂബ് ചാനലാണ് ഈ വെറൈറ്റി അപ്പം തയ്യാറാക്കുന്ന വിധം പരിചപ്പെടുത്തി തരുന്നത്.

ചേരുവകൾ

• നെയ്യ്
• പഴം
• പാൽ
• സേമിയ
• പഞ്ചസാര
• മുട്ട
• പാൽ
• ഏലയ്ക്കാപ്പൊടി
• ഉപ്പ്
• പഞ്ചസാര
• നെയ്യ്

തയ്യാറാക്കുന്ന വിധം

• ചീനച്ചട്ടി അടുപ്പിൽ വെച്ച് ഒരു ടീസ്പൂൺ നെയ്യൊഴിച്ചു ചൂടാക്കുക.
• ചൂടായ നെയ്യിലേയ്ക്ക് ഒരു പഴം ചെറുതായി അരിഞ്ഞതു ചേർത്ത് ഇളക്കിയെടുത്തു മാറ്റിവെയ്ക്കുക.
• മറ്റൊരു പാൻ അടുപ്പിൽവെച്ച് ഒരു കപ്പ് പാൽ അതിലേയ്ക്കൊഴിച്ചു തിളപ്പിക്കുക. തിളച്ച പാലിലേയ്ക്ക് ഒരു കപ്പ്  വറുത്ത സേമിയ ചേർക്കുക.
• പാൽ വറ്റി വരുമ്പോൾ രണ്ടു ടേബിൽ സ്പൂൺ പാലുകൂടി ചേർത്തിളക്കി അടുപ്പിൽ നിന്നും മാറ്റി തയ്യാറാക്കി വെച്ചിരുന്ന പഴം കൂടി ചേർക്കുക.  
• ഒരു ബൗളിൽ നാലു മുട്ട പൊട്ടിച്ചൊഴിച്ചതിലേയ്ക്ക് ഒരു ടേബിൽ സ്പൂൺ ഏലയ്ക്കാപ്പൊടിയും, ഒരു നുള്ള് ഉപ്പ്, രണ്ടു ടേബിൾ സ്പൂൺ പഞ്ചസാര, അരക്കപ്പ് പാൽ എന്നിവയും ചേർത്തിളക്കുക.
• തുടർന്നു മാറ്റിവെച്ചിരിക്കുന്ന പാലിലേയ്ക്കിതു ചേർത്തിളക്കിയെടുക്കുക. വളരെ കുറഞ്ഞ ഫ്ലെയ്മിൽ ഒരു പാൻ അടുപ്പിൽ വെച്ച് ആവശ്യത്തിനു മാവൊഴിച്ച് അപ്പം ചുട്ടെടുക്കാം. . 

Read More

• അവലും തൈരും മതി, തയ്യാറാക്കാം വെറൈറ്റി വിഭവം
• മീൻ ഇനി ഇങ്ങനെ ഫ്രൈ ചെയ്തു നോക്കൂ
• പപ്പടം കൊണ്ട് തേനപ്പം തയ്യാറാക്കി നോക്കൂ
• ചക്കപ്പഴം ഉണ്ടോ?എങ്കിൽ ദോശ ഇങ്ങനെ തയ്യാറാക്കി നോക്കൂ
• ഇഡ്ഡലി ബാക്കിയുണ്ടോ?ഇങ്ങനെ ചെയ്തു നോക്കൂ
• നിങ്ങൾ ചക്കര മാങ്ങ കഴിച്ചിട്ടുണ്ടോ?സിംപിളാണ് റെസിപ്പി