മൊരിഞ്ഞ ദോശ വേണോ? എങ്കിൽ ഈ 5 വിദ്യകൾ ഓർത്തോളൂ

അരിയും ഉഴുന്നും അരച്ച് തയ്യാറാക്കിയ മാവ് പുളിപ്പിച്ചെടുത്താണ് സാധാരണ ദോശ തയ്യാറാക്കാറുള്ളത്. അതുപയോഗിച്ച് വളരെ കട്ടി കുറച്ച് ക്രിസ്പിയായി ദോശ ചുട്ടെടുക്കാൻ ഒരു പ്രത്യേക കഴിവ് തന്നെ വേണം.

മാവ്

പായ്ക്കറ്റുകളിൽ നിറച്ച് വ്യത്യസ്ത ദോശ മാവുകൾ കടകളിൽ ലഭ്യമാണ്. പക്ഷേ രുചി അറിഞ്ഞ് കഴിക്കണം എങ്കിൽ അത് വീട്ടിൽ തന്നെ അരച്ചെടുക്കണം. അതിന് 2 കപ്പ് അരി, 1/2 കപ്പ് ഉഴുന്ന്, 1/2 ടീസ്പൂൺ ഉലുവ എന്നിവ വെള്ളത്തിൽ 5 മണിക്കൂർ എങ്കിലും കുതിർത്തു വയ്ക്കാം. ശേഷം അവ അരച്ചെടുക്കാം. അത് ഒരു പാത്രത്തിൽ 6 മണിക്കൂർ പുളിപ്പിക്കാൻ മാറ്റി വയ്ക്കാം. ഇത് ദോശ ചുടാൻ ഉപയോഗിക്കാൻ.

പാൻ

സാധാരണ ഇരുമ്പ് തവയാണ് ദോശ ചുടാൻ ഉപയോഗിക്കാറുള്ളത്. എന്നാൽ നോൺസ്റ്റിക്ക് പാനുകളും അതിന് ഉപയോഗിക്കാം. ദോശ തവ അടുപ്പിൽ വച്ച് നന്നായി ചൂടാക്കാം. ശേഷം അതിലേയ്ക്ക് ഏതാനും തുള്ളി എണ്ണ പുരട്ടാം. അതിലേയ്ക്ക് വേണം മാവ് ഒഴിക്കാൻ.

അടുപ്പ് കൂട്ടൽ

അടുപ്പിൽ കൂടിയ ഫ്ലെയ്മിൽ വേണം തവ ചൂടാക്കാൻ വയ്ക്കാം. മാവ് ഒഴിച്ചതിനു ശേഷം മീഡിയം ഫ്ലെയ്മിൽ വയ്ക്കാം.

ദോശ മറിച്ചിടേണ്ട വിധം

മാവ് ഒഴിച്ചതിനു ശേഷം മുകളിലെ മാവ് ഉണങ്ങി വരുമ്പോൾ ചുറ്റും അൽപം നെയ്യ് ഒഴിച്ചു കൊടുക്കാം. ശേഷം ദോശ മറിച്ചിടാം. ഗോൾഡൻ ബ്രൗൺ നിറമായി വുരമ്പോൾ പാത്രത്തിലേയ്ക്കു മാറ്റാം.

ക്രിസ്പി ദോശ

ദോശ കൂടുതൽ ക്രിസ്പായാക്കാൻ മാവിലേയ്ക്ക് റവ ചേർക്കാവുന്നതാണ്. കറുമുറു ദോശ കഴിക്കാൻ താൽപര്യമുള്ളവർക്ക് ഈ വിദ്യ ഉപയോഗിക്കാം. മാവ് ഒഴിച്ച് കട്ടി കുറച്ച് പരത്താൻ ശ്രദ്ധിക്കാം.