scorecardresearch

Latest News

Brazil vs Switzerland FIFA World Cup 2018 Highlights: കാനറികളെ കൂട്ടിലടച്ച് സ്വിസ്‌പ്പട(1-1)

FIFA World Cup 2018, Brazil vs Switzerland Highlights: ആദ്യ പകുതിയില്‍ ഫിലിപ്പ് കുട്ടീഞ്ഞോ നേടിയ ലോങ്റേഞ്ചറില്‍ കാനറികള്‍ ലീഡ് നേടിയെങ്കിലും രണ്ടാം പകുതിയില്‍ സൂബറിന്റെ ഹെഡ്ഡര്‍ ഗോളില്‍ സ്വിസ്സ് പട സമനില പിടിക്കുകയായിരുന്നു.

FIFA World Cup 2018 ,  Brazil vs Switzerland Highlight : ഫിഫ ലോകകപ്പിന്റെ ഗ്രൂപ്പ് ഇ മത്സരത്തില്‍ പാരമ്പര്യ ഫുട്ബോള്‍ ശക്തികളായ ബ്രസീലിനെ സ്വിറ്റ്സര്‍ലാന്‍ഡ് സമനിലയില്‍ തളച്ചു. ആദ്യ പകുതിയില്‍ ഫിലിപ്പ് കുട്ടീഞ്ഞോ നേടിയ ലോങ്റേഞ്ചറില്‍ കാനറികള്‍ ലീഡ് നേടിയെങ്കിലും രണ്ടാം പകുതിയില്‍ സൂബറിന്റെ ഹെഡ്ഡര്‍ ഗോളില്‍ സ്വിസ്സ് പട സമനില പിടിക്കുകയായിരുന്നു.

ഇതോടെ ഗ്രൂപ്പ് ഇ യില്‍ മൂന്ന് പോയന്‍റോടെ സെര്‍ബിയ ഒന്നാംസ്ഥാനക്കാരായി. ബ്രസീലും സ്വിറ്റ്സര്‍ലന്‍ഡും ഓരോ പോയന്‍റുമായി രണ്ടാം സ്ഥാനത്താണ്.

പറന്നുയര്‍ന്നും ചിറകറ്റുവീണും കാനറികള്‍ Highlights

01:25 ഫുള്‍ടൈം !!

01:23 ലാസ്റ്റ് ചാന്‍സ് !! സ്വിസ്സ് ബോക്സിനരികില്‍ ഫ്രീകിക്ക് ! നെയ്മര്‍ എടുത്ത മികച്ചൊരു ഫ്രീകിക്ക് ഹെഡ് ചെയ്യാന്‍ ശ്രമിച്ചെങ്കിലും വിജയം കണ്ടില്ല..
01:18 ക്ലോസ് ചാന്‍സ് !! സ്വിസ്സ് ബോക്സില്‍ ബ്രസീലിന്റെ ഒരു മനോഹര ഹെഡ്ഡര്‍ ഗോള്‍കീപ്പര്‍ തടുക്കുന്നു.. കളി അധികസമയത്തിലേക്ക്..
01:16 കളി തൊണ്ണൂറ് മിനുട്ടുകളിലേക്ക് കടക്കുമ്പോള്‍ വിജയം കണ്ടെത്താനുള്ള കഠിന ശ്രമത്തിലാണ് ബ്രസീല്‍. വലത് വിങ്ങില്‍ നിന്നും വന്ന ക്രോസില്‍ ഹെഡ്‌ കണ്ടെത്താനുള്ള നെയ്മറിന്റെ ശ്രമം സ്വിസ്സ് ഗോളി കയ്യിലൊതുക്കുന്നു.
01:09 ഷോട്ട് !! ഫെര്‍മീഞ്ഞോ !! ഇടത് വിങ്ങില്‍ നിന്നും ഫെര്‍മീഞ്ഞോയുടെ ഷോട്ട്.. ഇഞ്ചുകള്‍ അകലത്തില്‍ പുറത്തേക്ക്..
01:08 സബ്സ്റ്റിറ്റ്യൂഷന്‍ : സ്വിറ്റ്സര്‍ലന്‍ഡിന്റെ സെഫറോവിക്കിന് പകരം എമ്പോളോ
01:06 സബ്സ്റ്റിറ്റ്യൂഷന്‍ : ബ്രസീലിന്റെ ജീസസിന് പകരം ഫെര്‍മീഞ്ഞോ
00:59  സബ്സ്റ്റിറ്റ്യൂഷന്‍ : ബെഹ്‌റാമിക്ക് പകരം സകറിയ
00:58  സ്വിസ്സ് താരം ബെഹ്റാമിക്ക് മഞ്ഞക്കാര്‍ഡ്.
00:55  സബ്സ്റ്റിറ്റ്യൂഷന്‍ : ബ്രസീലിന്റെ പോളീഞ്ഞോയ്ക്ക് പകരം അഗസ്റ്റോ
00:53  ഫ്രീകിക്ക് ! ബ്രസീല്‍.. സ്വിസ്സ് ബോക്സിനരികില്‍ വച്ച് ബ്രസീലിന് ഫ്രീകിക്ക്. നെയ്‌‌മറിനെ ഫൗള്‍ ചെയ്തതിനാണ് കിക്ക്. ഷാറിന് മഞ്ഞക്കാര്‍ഡ്. നെയ്മര്‍ എടുത്ത ദുര്‍ബലമായ ഫ്രീകിക്ക് സ്വിസ്സ് പ്രതിരോധ മതിലിന്റെ കാലുകളിലേക്ക്..
00:52  അത്യന്തം അപകടകരമായ മുന്നേറ്റമാണ് ബ്രസീലിയന്‍ ഹാഫില്‍ ഷക്കീരി നയിക്കുന്നത്
00:45  സബ്സ്റ്റിറ്റ്യൂഷന്‍ : കസ്മെയ്‌രോയ്ക്ക് പകരം ഫെര്‍ണാണ്ടീഞ്ഞോ
00:38  ഗോള്‍ ! ! സ്വിറ്റ്സര്‍ലന്‍ഡ് ! സൂബര്‍ ! ബ്രസീലിയന്‍ ബോക്സിലേക്ക് ഷാക്കിരി തുടുത്തുവിട്ട സെറ്റ് പീസില്‍ സൂബറിന്റെ മനോഹരമായ ഹെഡ്ഡര്‍.. സമനില വീണ്ടെടുത്ത് സ്വിസ്സ് പട !
00:36  മികച്ചൊരു സ്വിസ്സ് മുന്നേറ്റം. ബ്രസീലിയന്‍ ബോക്സില്‍ കുറിയ പാസുകള്‍ തീര്‍ത്ത സ്വിസ്സ് മുന്നേറ്റത്തെ മാഴ്സലോ തടുക്കുന്നു..കോര്‍ണര്‍
00:34  രണ്ടാം പകുതിയിലേക്ക്.. !
00:17  ഹാഫ്ടൈം !

00:16  കോര്‍ണര്‍ ! ആദ്യപകുതിയിലെ അവസാന അവസരമെന്നോണം ബ്രസീലിന് കോര്‍ണര്‍. കോര്‍ണര്‍ കിക്കില്‍ ഹെഡ് ചെയ്യാനുള്ള ശ്രമം. തിയാഗോ സില്‍വയുടെ ഹെഡ്ഡര്‍ സ്വിസ്സ് പോസ്റ്റ്‌ താണ്ടി വെളിയിലേക്ക്.
00:14  ആദ്യപകുതി അവസാനത്തിലേക്ക് കടക്കുന്നു..
00:09  ബ്രസീലിന്റെ ഇടത് ബോക്സില്‍ നിന്നും സൂബര്‍ എടുത്ത ഷോട്ട് തിയാഗോ സില്‍വയുടെ മുഖത്തേക്ക്. അല്‍പസമയം തടസപ്പെട്ട ശേഷം കളി പുനരാരംഭിക്കുന്നു.
00:04  സ്വിറ്റ്സര്‍ലന്‍ഡിന്റെ ഇടത് വിങ്ങര്‍ ഷാഖിരിക്ക് മാത്രമാണ് ഇതുവരേക്കും എന്തെങ്കിലും സമ്മര്‍ദം ചെലുത്താനായത്. അറ്റാക്കിങ് സ്വഭാവമുള്ള നായകന്‍ മാഴ്സലോയുടെ മുന്നേറ്റങ്ങള്‍ ഒരുപക്ഷെ ബ്രസീലിന് വിനയായേക്കും..
00:00  മഞ്ഞ കാര്‍ഡ് ! നെയ്മറിനെ ഫൗള്‍ ചെയ്തതിന് സ്വിസ്സ് നായകന്‍ ലിച്സ്റ്റേയ്നര്‍ക്ക് മഞ്ഞക്കാര്‍ഡ്. ബ്രസീല്‍ എടുത്ത ഫ്രീക്കിക്ക് സ്വിസ്സ് പ്രതിരോധിക്കുന്നു.
23:59  കൂടുതല്‍ സമയം പന്ത് കൈവശം പെടുത്താനാണ് സ്വിറ്റ്സര്‍ലന്‍ഡ് ശ്രമിക്കുന്നത്. എന്നാല്‍ മധ്യനിരയില്‍ കസ്മെയ്‌റോയുടെയും പോളീഞ്ഞോയുടെയും ഇടപെടലുകളില്‍ ബ്രസീല്‍ പന്ത് വീണ്ടെടുക്കുന്നു.
23:49  ഗോള്‍ !! കുട്ടീഞ്ഞോ !
ഇടത് വിങ്ങില്‍ നിന്നും നെയ്മറിന്റെ മുന്നേറ്റം, നെയ്മര്‍ പോളീഞ്ഞോയിലേക്ക്, പോളീഞ്ഞോയുടെ ഷോട്ട് സ്വിസ്സ് തടുക്കുന്നു പന്ത് കൈപറ്റിയ കുട്ടീഞ്ഞോയുടെ ലോങ്ങ്‌ റേഞ്ചര്‍ ! വളഞ്ഞു പൊന്തിയ പന്ത് പോസ്റ്റിന്റെ വലത് കോര്‍ണറിലേക്ക്.. ! വാട്ട് എ ഷോട്ട് !! കുട്ടീഞ്ഞോ സ്ക്രീമര്‍ !

23:46  സ്വിസ്സ് ബോക്സിനടുത്ത് ബ്രസീലിന് ഫ്രീകിക്ക് !
നെയ്മറിനെ ഫൗള്‍ ചെയ്തതിനാണ് ഫ്രീകിക്ക്. നെയ്മര്‍ എടുത്ത ഫ്രീകിക്ക് സ്വിസ്സ് പ്രതിരോധ മതിലിലേക്ക്..
23:41  ബ്രസീലിന്റെ മികച്ചൊരു മുന്നേറ്റം : ഇടതുവിങ്ങില്‍ നെയ്മര്‍, നെയ്മര്‍ പന്ത് കുട്ടീഞ്ഞോയ്ക്ക് കൈമാറുന്നു. ഇടത് ബോക്സില്‍ രണ്ട് പ്രതിരോധ താരങ്ങളെ കബളിപ്പിച്ച് കുട്ടീഞ്ഞോയുടെ പാസ് നേരെ പോളീഞ്ഞോയിലേക്ക്. പോളീഞ്ഞോയുടെ ഷോട്ട് ! തലനാരിഴയ്ക്ക് വലത് പോസ്റ്റിന് വെളിയില്‍..
23:37  സ്വിസ്സര്‍ലാന്‍ഡിന്റെ രണ്ട് മുന്നേറ്റങ്ങളെ നിഷ്പ്രഭമാക്കി തിയാഗോ സില്‍വ
23:36  മെല്ലെ തുടങ്ങുന്ന ബ്രസീല്‍ പതുക്കെപ്പതുക്കെ തങ്ങളുടെ സ്വത്തസിദ്ധമായ അക്രമ ഫുട്ബോളിലേക്ക് കടക്കുകയാണ്. വലത് വിങ്ങില്‍ നിന്നും വില്ല്യന്‍ കൊടുത്ത ക്രോസ് നെയ്മറിലേക്ക് എത്തിയില്ല. നെയ്മറിനെ സ്വിസ്സ് പ്രതിരോധതാരം വലിച്ചിടുന്നു. പ്രതിരോധ താരത്തിന് റഫറിയുടെ വാണിങ് !
23:33 ആദ്യ രണ്ട് മിനുട്ടില്‍ സ്വിസ്സ് മുന്നേറ്റം.

23:31 കിക്കോഫ്‌ !

23:25 ഫോര്‍മേഷന്‍
4-2-3-1 ഫോര്‍മേഷനിലാണ് കാനറികള്‍ ഇറങ്ങുന്നത്. അതെ ഫോര്‍മേഷനില്‍ തന്നെ ഇറങ്ങാനാണ് സ്വിറ്റ്സര്‍ലന്‍ഡും തീരുമാനിച്ചിരിക്കുന്നത്.

23:20 സ്വിറ്റ്സര്‍ലന്‍ഡിനെ നേരിടുന്ന ബ്രസീലിയന്‍ ടീമില്‍ പരുക്കേറ്റ സൂപ്പര്‍താരം നെയ്മര്‍ കളിക്കും

FIFA World Cup 2018,  Brazil vs Switzerland Highlights: റഷ്യന്‍ ലോകകപ്പില്‍ ഏറ്റവും ശക്തരായ ടീമുകളില്‍ ഒന്നുമായാണ് ടിറ്റോയുടെ പരിശീലനത്തിലുള്ള ബ്രസീല്‍ റഷ്യയിലേക്ക് പറന്നത്. കഴിഞ്ഞ ലോകകപ്പിലേറ്റ കനത്ത പരാജയത്തിന്റെ നാണക്കേടില്‍ നിന്നും കരകയറാന്‍ വിജയിക്കുക എന്നത് മാത്രമാകും കാനറികള്‍ക്ക് മുന്നിലുള്ള വഴി.

Stay updated with the latest news headlines and all the latest Fifa news download Indian Express Malayalam App.

Web Title: Fifa world cup 2018 live streaming brazil vs switzerland live score bra vs sui