scorecardresearch

ഇംഗ്ലണ്ട് – കൊളംബിയ മത്സരം വീണ്ടും നടത്തണം; ഫിഫയ്ക്ക് പരാതിയുമായി രണ്ടര ലക്ഷം ആരാധകര്‍

FIFA World Cup 2018: പെനാല്‍റ്റി അനാവശ്യമായിരുന്നുവെന്നാണ് ആരാധകര്‍ പറയുന്നത്

FIFA World Cup 2018: ഇംഗ്ലണ്ടിനെതിരെ പെനാല്‍റ്റി ഷൂട്ടൗട്ടില്‍ പരാജയപ്പെട്ടായിരുന്നു കൊളംബിയ ലോകകപ്പില്‍ നിന്നും പുറത്തായത്. എന്നാല്‍ ആ പരാജയത്തെ അംഗീകരിക്കാന്‍ കൊളംബിയന്‍ ആരാധകര്‍ക്ക് ഇതുവരേയും സാധിച്ചിട്ടില്ല. അതുകൊണ്ട് ഇംഗ്ലണ്ട്-കൊളംബിയ പ്രീക്വാര്‍ട്ടര്‍ മ്്ത്സരം വീണ്ടും നടത്തണമെന്ന് ആവശ്യപ്പെട്ട് രംഗത്തെത്തിയിരിക്കുകയാണ് ആരാധകന്‍. കളി വീണ്ടും നടത്തണമെന്ന് ആവശ്യപ്പെട്ട് രണ്ട് ലക്ഷത്തിലധികം ആളുകളാണ് ഫിഫയ്ക്ക് പരാതി നല്‍കിയിരിക്കുന്നത്.

പെനാല്‍റ്റി ഷൂട്ടൗട്ടില്‍ 4-3 നായിരുന്നു കൊളംബിയയുടെ പരാജയം. നിശ്ചിത സമയത്തിനിടെ ഇംഗ്ലണ്ടിനായി നായകന്‍ ഹാരി കെയ്‌നായിരുന്നു ഗോള്‍ നേടിയത്. ഹാരി കെയ്‌നെ കൊളംബിയന്‍ താരം സാഞ്ചസ് വീഴ്ത്തിയതിന് കിട്ടിയ പെനാല്‍റ്റിയാണ് കെയ്ന്‍ തന്നെ ഗോളാക്കി മാറ്റിയത്. എന്നാല്‍ ഈ പെനാല്‍റ്റി അനാവശ്യമായിരുന്നുവെന്നാണ് ആരാധകര്‍ പറയുന്നത്.

ഇത് ചൂണ്ടിക്കാണിച്ചു കൊണ്ട് നിരവധി പേരാണ് മണിക്കൂറുകള്‍ക്കകം ഫിഫയുടെ ഔദ്യോഗിക സൈറ്റിലെ പരാതിയില്‍ ഒപ്പിട്ടിരിക്കുന്നത്. ഏകദേശം 235000 പേര്‍ ഇതിനോടകം പരാതിയില്‍ ഒപ്പിട്ടിട്ടുണ്ട്. എന്നാല്‍ ഈ പരാതിയ്ക്ക് സാധുതയില്ലെന്നും അതിനാല്‍ കളി വീണ്ടും നടത്തില്ലെന്നുമാണ് അധികൃതരുടെ നിലപാട്.

ക്വാര്‍ട്ടറില്‍ സ്വീഡനെയാണ് ഇംഗ്ലണ്ട് നേരിടുക. നാളെയായിരിക്കും ഇംഗ്ലണ്ടും സ്വീഡനും തമ്മിലുള്ള മത്സരം.

Stay updated with the latest news headlines and all the latest Fifa news download Indian Express Malayalam App.

Web Title: Fans signs petition for rematch of england columbia match