പന്നൂൻ വധശ്രമ ഗൂഢാലോചന ഇന്ത്യയുടെ ആഗോള പ്രതിച്ഛായയെ ബാധിക്കുമോ ? യുഎസുമായുള്ള ബന്ധത്തിന് എന്ത് സംഭവിക്കും?

ന്യൂയോർക്കിൽ ഖലിസ്ഥാൻ നേതാവ് ഗുർപത്വന്ത് സിംഗ് പന്നൂനെ കൊലപ്പെടുത്താൻ ഗൂഢാലോചന നടത്തിയതായി ആരോപിക്കപ്പെടുന്നതിൽ ഇന്ത്യൻ രഹസ്യാന്വേഷണ ഉദ്യോഗസ്ഥൻ ഉള്ളതിനാൽ ഇന്ത്യയും യുഎസും വലിയ നയതന്ത്ര വെല്ലുവിളിയെ അഭിമുഖീകരിക്കുന്നു.

യുഎസ് ജസ്റ്റിസ് ഡിപ്പാർട്ട്‌മെന്റിന്റെ കുറ്റപത്രത്തിൽ ആരോപണ വിധേയനായ ഉദ്യോഗസ്ഥന്റെ പേര് ഉൾപ്പെടുത്തിയിട്ടില്ല, മുഖ്യ ഗൂഢാലോചനക്കാരനായ സിസി-1 എന്ന് മാത്രമാണ് പരാമർശിക്കുന്നത്.

കുറ്റപത്രം അനുസരിച്ച്, 2023 മെയ് മാസത്തിലോ അതിനടുത്തോ, പന്നൂനെ വധിക്കാൻ ഇന്ത്യൻ ഉദ്യോഗസ്ഥൻ  ഒരു നിഖിൽ ഗുപ്തയെ റിക്രൂട്ട് ചെയ്തു.  ജി 7ലും, ക്വാഡ് (ഓസ്‌ട്രേലിയ, ഇന്ത്യ, ജപ്പാൻ, യുണൈറ്റഡ് സ്റ്റേറ്റ്‌സ് എന്നിവയ്‌ക്കിടയിലുള്ള നയതന്ത്ര ശൃംഖല) നേതാക്കളുടെ ഉച്ചകോടിയിൽ യുഎസ് പ്രസിഡന്റ് ജോ ബൈഡനൊപ്പം പങ്കെടുക്കാൻ പ്രധാനമന്ത്രി നരേന്ദ്ര മോദി ഹിരോഷിമയിലേക്ക് പോയ മാസമായിരുന്നു ഇത്. അതേ മാസം തന്നെ, പരസ്പര താൽപ്പര്യമുള്ള മേഖലകളിൽ സാങ്കേതിക സഹകരണവും സഹ-ഉൽപാദനവും അതിവേഗമാക്കാൻ ശ്രമിക്കുന്ന ഇന്ത്യ-യുഎസ് പ്രതിരോധ വ്യവസായ സഹകരണ റോഡ്മാപ്പ് ധാരണയായി.

"സെക്യൂരിറ്റി മാനേജ്‌മെന്റ്," "ഇന്റലിജൻസ്" എന്നിവയിൽ ചുമതലയുള്ള "സീനിയർ ഫീൽഡ് ഓഫീസർ" എന്നാണ് ഉദ്യോഗസ്ഥൻ സ്വയം വിശേഷിപ്പിച്ചതെന്ന് കുറ്റപത്രത്തിൽ പറയുന്നു. അദ്ദേഹം മുമ്പ് സെൻട്രൽ റിസർവ് പൊലീസ് സേനയിൽ സേവനമനുഷ്ഠിക്കുകയും" സൈനിക കാര്യങ്ങളിലും," "ആയുധങ്ങൾ" എന്നിവയിൽ "ഉദ്യോഗസ്ഥ പരിശീലനം" നേടുകയും ചെയ്തിട്ടുണ്ടെന്നും പറയുന്നു.

ഒരു ഇന്ത്യൻ ഗവൺമെന്റ് ഉദ്യോഗസ്ഥനെതിരെ ചുമത്തിയ ഏറ്റവും നേരിട്ടുള്ള ആരോപണങ്ങളിൽ ഒന്നാണിത്, പക്വമായ രീതിയിൽ കൈകാര്യം ചെയ്തില്ലെങ്കിൽ, ഇന്ത്യ-യുഎസ് ബന്ധങ്ങളിൽ നിഴൽ വീഴ്ത്താനുള്ള സാധ്യതയുണ്ട്.

കുറ്റപത്രത്തിലേക്കെത്തുന്നത്

തീർച്ചയായും കുറ്റപത്രം പ്രതീക്ഷിചിരുന്ന ഇന്ത്യൻ സർക്കാർ, അതിന് മണിക്കൂറുകൾക്ക് മുമ്പ്, സ്വമേധയാ പ്രസ്താവന പുറത്തിറക്കി, “കാര്യത്തിന്റെ പ്രസക്തമായ എല്ലാ വശങ്ങളും” അന്വേഷിക്കാൻ നവംബർ 18 ന് ഒരു ഉന്നതതല അന്വേഷണ സമിതി രൂപീകരിച്ചതായി അതിൽപറഞ്ഞു. പന്നൂനെ കൊലപ്പെടുത്താനുള്ള  ഗൂഢാലോചനയെക്കുറിച്ച് യുഎസ് നൽകിയ വിവരങ്ങൾ പരിശോധിച്ച് വരികയാണെന്ന് ഇന്ത്യ പറഞ്ഞതിന് ദിവസങ്ങൾക്ക് ശേഷമാണ് ഇത്.

കമ്മിറ്റിയുടെ ഘടന പരസ്യമാക്കിയിട്ടില്ല, പക്ഷേ അത് ഇന്ത്യൻ വിദേശകാര്യ മന്ത്രാലയത്തിന്റെ നോമിനി ഒഴികെ, രഹസ്യാന്വേഷണ, അന്വേഷണ, നിയമ-നിർവ്വഹണ ഏജൻസികളിൽ നിന്നുള്ള ഇന്ത്യൻ ഉദ്യോഗസ്ഥരും ഉന്നതരുമായിരിക്കാൻ സാധ്യതയുണ്ട്.

വാഷിംഗ്ടണും ന്യൂഡൽഹിയും തമ്മിൽ മാസങ്ങൾ നീണ്ട നയതന്ത്ര, രഹസ്യാന്വേഷണ തലത്തിലുള്ള സംഭാഷണങ്ങൾക്ക് ശേഷമാണ് യുഎസ് കുറ്റപത്രം നൽകിയിരിക്കുന്നത്.

ജൂലൈയിൽ യുഎസ് ഭരണകൂടം ഗൂഢാലോചനയെക്കുറിച്ച് അറിഞ്ഞപ്പോൾ, യു‌എസ് എൻ‌എസ്‌എ ജേക്ക് സള്ളിവൻ ആഗസ്റ്റ് ആദ്യം ഉക്രെയ്‌നിൽ നടന്ന ഒരു മീറ്റിങ്ങിന്റെ ഭാഗമായി ജിദ്ദയിൽ എൻഎസ്‌എ അജിത് ഡോവലിനെ കണ്ടു. ഒരാഴ്‌ചയ്‌ക്കുള്ളിൽ സിഐഎ ഡയറക്ടർ വില്യം ബേൺസ് ഇന്ത്യയിലെത്തി രഹസ്യാന്വേഷണ വിഭാഗത്തിലെ ഉന്നതരെ കണ്ടു.

ഇത് ഒരു സെൻസിറ്റീവ് സമയമായതിനാൽ-ജി 20 ഉച്ചകോടിക്ക് മുമ്പായിരുന്നു. അതുകൊണ്ട് തന്നെ വധശ്രമത്തെ കുറിച്ചുള്ള സംഭാഷണങ്ങൾ ഇന്ത്യയും യുഎസ്സും  സഹകരിച്ച ജി 20യിലെ ആശയവിനിമയ ചർച്ചകളിൽ നിന്ന് ഒഴിവാക്കി.

ജി 20 ഉച്ചകോടിക്ക് ഒരു ദിവസം മുമ്പ്, സെപ്റ്റംബർ എട്ടിന് മോദിയും ബൈഡനും തമ്മിലുള്ള കൂടിക്കാഴ്ചയ്ക്ക് ശേഷം, ഒരു സംയുക്ത പ്രസ്താവന പുറപ്പെടുവിച്ചു, "സ്വാതന്ത്ര്യം, ജനാധിപത്യം, മനുഷ്യാവകാശങ്ങൾ, ഉൾപ്പെടുത്തൽ (inclusion), ബഹുസ്വരത, എല്ലാ പൗരന്മാർക്കും തുല്യ അവസരങ്ങൾ എന്നിവയുടെ പങ്കിട്ട മൂല്യങ്ങൾ നമ്മുടെ രാജ്യങ്ങൾ അനുഭവിക്കുന്ന വിജയത്തിന് നിർണായകമാണെന്നും ഈ മൂല്യങ്ങൾ നമ്മുടെ ബന്ധത്തെ ശക്തിപ്പെടുത്തുമെന്നും,” നേതാക്കൾ വീണ്ടും ഊന്നിപ്പറഞ്ഞു.

ഇന്ത്യയുടെ പ്രതികരണം

സമാനമായ കനേഡിയൻ ആരോപണങ്ങൾ ഇതുവരെ നിരസിച്ച രീതി പരിഗണിക്കുമ്പോൾ, യുഎസിനോട് ഇന്ത്യയുടെ സമീപനം അനുനയത്തിന്റേതാണ്.

മറ്റൊരു ഖാലിസ്ഥാൻ വിഘടനവാദിയായ ഹർദീപ് സിങ് നിജ്ജാറിന്റെ കൊലപാതകത്തിൽ ഇന്ത്യൻ ഏജൻസികളുടെ പങ്കുണ്ടെന്ന് കാനഡ പ്രധാനമന്ത്രി ജസ്റ്റിൻ ട്രൂഡോ ആരോപിച്ചിരുന്നു. ഇന്ത്യ ഇത് കണക്കാക്കിയില്ല, മാത്രമല്ല കാനഡയെ "ഭീകരവാദികൾ, തീവ്രവാദികൾ, സംഘടിത കുറ്റകൃത്യങ്ങൾ" എന്നിവയുടെ "സുരക്ഷിത സങ്കേതം" എന്ന് വിളിക്കുകയും ചെയ്തു - സമീപ വർഷങ്ങളിൽ ഒരു പാശ്ചാത്യ രാജ്യത്തിനെതിരെ  അതിന്റെ ഏറ്റവും മൂർച്ചയുള്ള വാക്കുകൾ പ്രയോഗിച്ചു. സാധാരണയായി പാകിസ്ഥാനും അഫ്ഗാനിസ്ഥാനും വേണ്ടി മാറ്റിവച്ച  ഭാഷ.

എന്നാൽ യുഎസ്, ഉന്നയിച്ച ആരോപണങ്ങൾ പരസ്യമായതോടെ, ഇന്ത്യയുടെ സമീപനം സഹകരണത്തിന്റേതായി.  വാസ്തവത്തിൽ, കാനഡയിലെ ഇന്ത്യൻ പ്രതിനിധി കുറ്റപത്രം പരസ്യമാകുന്നതിന് ദിവസങ്ങൾക്ക് മുമ്പ് ഒരു സൂചന നൽകി, അവിടെ അദ്ദേഹം യുഎസ് നൽകുന്ന വിവരങ്ങളെ "നിയമപരമായി അവതരിപ്പിക്കാവുന്നതാണ്" എന്ന് പറഞ്ഞു.

കേസുകൾ തികച്ചും വ്യത്യസ്തമാണെങ്കിലും, അവസാനമായി ഒരു ഇന്ത്യൻ ഉദ്യോഗസ്ഥ യുഎസ് നിയമ നിർവ്വഹണ ഏജൻസികളുടെ നിയമക്കുരുക്കിൽ പെട്ടത് ന്യൂയോർക്കിലെ മുൻ ഡെപ്യൂട്ടി കോൺസൽ ജനറൽ ദേവയാനി ഖോബ്രഗഡെ ആയിരുന്നു.

ഒരു വിസ തട്ടിപ്പ് കേസിൽ യുഎസിൽ ദേവയാനി ഖോബ്രഗഡയെ 2013 ഡിസംബറിൽ അറസ്റ്റ് ചെയ്തു. ഇത്  നയതന്ത്രപ്രതിസന്ധിയിലേക്ക് നയിച്ചു, ഇന്ത്യ രാജ്യത്തെ അമേരിക്കൻ നയതന്ത്രജ്ഞർക്കുള്ള ചില പ്രത്യേകാവകാശങ്ങൾ പിൻവലിച്ചു. 2014 മെയ് മാസത്തിൽ മോദി അധികാരത്തിൽ വരുന്നതുവരെ യുഎസ് എംബസിക്ക് പുറത്തുള്ള സുരക്ഷാ സംവിധാനങ്ങൾ പിൻവലിക്കുകയും ആറുമാസത്തോളം ബന്ധം മരവിക്കുകയും ചെയ്തു.

കുറ്റപത്രത്തിലെ ആരോപണത്തിലെ  ഗൗരവം കണക്കിലെടുത്താണ് ഇത്തവണ ഇന്ത്യൻ സർക്കാർ സംയമനം പാലിച്ചിരിക്കുന്നത്. ഒരു ഇന്ത്യൻ ഉദ്യോഗസ്ഥനെതിരായ ആരോപണങ്ങളേക്കാൾ യുഎസുമായുള്ള ബന്ധത്തിന്റെ ആഴവും പ്രാധാന്യവുമാണ് മുൻഗണന നൽകിയിരിക്കുന്നത്.

നാശനഷ്ടങ്ങൾ നിയന്ത്രിക്കാനും അത് ഒരു സമ്പൂർണ്ണ നയതന്ത്ര പ്രതിസന്ധിയായി മാറാതിരിക്കാനും സർക്കാർ ആഗ്രഹിക്കുന്നുവെന്ന് ഇത് കാണിക്കുന്നു. ഇത് "ആശങ്കാകുലമായ കാര്യമാണ്", "ഇന്ത്യൻ ഗവൺമെന്റിന്റെ നയത്തിന് വിരുദ്ധമാണ്" എന്ന കുറ്റപത്രത്തോടുള്ള വിദേശകാര്യ (MEA) വക്താവിന്റെ പ്രതികരണം ഈ സമീപനത്തിന്റെ സൂചകമാണ്.

എല്ലാത്തിനുമുപരി, അടുത്ത വർഷം ജനുവരിയിൽ റിപ്പബ്ലിക് ദിനാഘോഷത്തിന് മറ്റ് ക്വാഡ് നേതാക്കൾക്കൊപ്പം ബൈഡനെയും ഉൾപ്പെടുത്താൻ ഇന്ത്യൻ സർക്കാരും താൽപ്പര്യപ്പെടുന്നു.

യുഎസ്-ഇന്ത്യ ബന്ധം

യു എസും ഇന്ത്യയും തന്ത്രപരമായ ബന്ധത്തിന്റെ ആഴം കുറ്റപത്രം അഴിച്ചുവിട്ട പ്രക്ഷുബ്ധതയെ മറികടക്കാൻ അതിന് കുറച്ച് ഇടം നൽകുന്നു.

ഇവിടെയാണ് ഇന്ത്യ-യുഎസ് ബന്ധത്തിന്റെ പ്രധാന ചർച്ചകളിലൊന്ന് വീണ്ടും ഉയർന്നുവന്നത് - ഇത് മൂല്യാധിഷ്ഠിത ബന്ധമാണോ അതോ താൽപ്പര്യങ്ങൾ അടിസ്ഥാനമാക്കിയുള്ളതാണോ? ഒപ്പം, ഓഹരികൾ ഉയർന്നതായിരിക്കുമ്പോൾ, താൽപ്പര്യങ്ങൾ മൂല്യങ്ങളെ പരാജയപ്പെടുത്തുമോ?

യുഎസിൽ, മുൻഗാമിയായ ഡൊണാൾഡ് ട്രംപിൽ നിന്ന് വ്യത്യസ്തമായി മൂല്യങ്ങൾക്ക് വില നൽകുന്ന ഒരു ഡെമോക്രാറ്റിക് ഭരണകൂടത്തിന് ഈ ചോദ്യം പ്രത്യേകിച്ചും ബുദ്ധിമുട്ടാണ്.

കഴിഞ്ഞ 75 വർഷമായി യുഎസ്-ഇന്ത്യ ബന്ധം യഥാർത്ഥത്തിൽ പ്രതിസന്ധിയില്‍ ഉടലെടുത്തതാണ്. 1947 മുതൽ ഫോർജ്ഡ് ഇൻ ക്രൈസിസ്: ഇന്ത്യ ആൻഡ് യു എസ് സിൻസ് 1947 എന്ന തന്റെ പുസ്തകത്തിൽ  രുദ്ര ചൗധരി പറയുന്നത് പോലെ, "യുഎസുമായുള്ള ഇന്ത്യയുടെ ബന്ധം സ്വാതന്ത്ര്യത്തിന് ശേഷം രാജ്യത്തിന് ഉണ്ടായിരുന്ന ഏറ്റവും സമഗ്രമായ ബന്ധമാണ്... ഇത് യഥാർത്ഥത്തിൽ പ്രതിസന്ധിയിൽ ഉടലെടുത്ത ബന്ധമാണ്."

നിക്‌സൺ-കിസിജ്ഞർ കാലത്ത്, യുഎസ് ശത്രുതാപരമായ നിലപാട് സ്വീകരിച്ച 1971-ലെ യുദ്ധം മുതൽ ഈ ബന്ധം വർഷങ്ങളോളം ഉയർച്ച താഴ്ചകളിലൂടെ കടന്നുപോയി. 1974-ലും 1998-ലും രണ്ട് ആണവപരീക്ഷണങ്ങൾ ഇന്ത്യയ്ക്ക് ഉപരോധം ഏർപ്പെടുത്തുന്നതിന് കാരണമായി,  ഇന്തോ- യുഎസ് ആണവ കരാറിൽ അതവസാനിച്ചു. ദേവയാനി ഖോബ്രഗഡെയുടെ അറസ്റ്റിനെച്ചൊല്ലിയുള്ള നയതന്ത്രപരമായ അഭിപ്രായവ്യത്യാസങ്ങളും റഷ്യ-യുക്രെയ്ൻ യുദ്ധത്തെക്കുറിച്ചുള്ള സമീപകാല ഭിന്നതകളും പോലുള്ള വെല്ലുവിളികൾക്കിടയിലും, ബന്ധം സുസ്ഥിരമാണ്.

ചരക്കുകളുടെയും സേവനങ്ങളുടെയും ഉഭയകക്ഷി വ്യാപാരവുമായി 2022-ൽ 191 ബില്യൺ യുഎസ് ഡോളർ കടക്കുന്ന ഇന്ത്യയുടെ ഏറ്റവും വലിയ വ്യാപാര പങ്കാളിയായ യുഎസ്, ഇന്തോ-പസഫിക് മേഖലയിലെ യുദ്ധ്യോക്തമായ ചൈനയെ  നേരിടാൻ ഇരു രാജ്യങ്ങളും ഏകോപിപ്പിച്ച് പ്രവർത്തിക്കുമ്പോൾ, ഒത്തുചേരലിന്റെ കേന്ദ്രങ്ങൾ വളരെ കൂടുതലാണ് - കടൽ മുതൽ നക്ഷത്രങ്ങൾ വരെ - ഓഹരികൾ വളരെ ഉയർന്നതാണ്.

അതിനാൽ യു എസുമായി സുതാര്യമായിരിക്കുക എന്നത് ഇന്ത്യയുടെ താൽപ്പര്യമാണ്, കൂടാതെ ഏതെങ്കിലും തരത്തിലുള്ള നഷ്ടം ഒഴിവാക്കാൻ "ഉന്നതതല അന്വേഷണ സമിതിയുടെ കണ്ടെത്തലുകളെ അടിസ്ഥാനമാക്കി ആവശ്യമായ തുടർനടപടികൾ" എടുക്കുക. അല്ലെങ്കിൽ, ഇന്ത്യയ്ക്കും യുഎസിനും പന്നൂന്റെ  സംഭവം വലിയ വിഷയമായി മാറും.