scorecardresearch

Latest News
ടീസ്റ്റ സെതല്‍വാദിനെയും ആര്‍ ബി ശ്രീകുമാറിനെയും അറസറ്റ് ചെയ്ത് ഗുജറാത്ത് പൊലീസ്

Omicron| ഒമിക്രോൺ കോവിഡ് വകഭേദത്തെ ആർടി-പിസിആർ പരിശോധനയിൽ കണ്ടെത്താനാവുമോ

ആർടി-പിസിആർ പരിശോധനയിലൂടെ മാത്രമേ വ്യക്തിക്ക് അണുബാധയുണ്ടോ ഇല്ലയോ എന്നാണ് സ്ഥിരീകരിക്കുക. ഏത് പ്രത്യേക വേരിയന്റാണ് വ്യക്തിയെ ബാധിച്ചതെന്ന് നിർണ്ണയിക്കാൻ രൂപകൽപ്പന ചെയ്തതല്ല അവ

Omicron, Omicron in India, Omicron Karnataka, Omicron news, Omicron strain, Covid variant Omicron, Omicron testing, Omicron symptoms, Omicron test, Omicron news, Indian Express, കോവിഡ്, ഒമിക്രോൺ, Malayalam News, IE Malayalam

കോവിഡിന് കാരണമാവുന്ന സാർസ് കോവി2 വൈറസിന്റെ ഒമിക്രോൺ വകഭേദത്തെ ആഗോള അപകട സാധ്യത കൂടുതലുള്ള ഒരു വകഭേദമെന്നാണ് ലോകാരോഗ്യ സംഘടന വിലയിരുത്തിയത്. ഒമിക്രോണിന് ഉയർന്ന സംക്രമണക്ഷമതയുണ്ടാകാമെന്നും മുൻകാല അണുബാധയിലൂടെയോ വാക്സിനുകൾ വഴിയോ ഉണ്ടാകുന്ന രോഗപ്രതിരോധ പ്രതികരണത്തെ മറികടക്കാനുള്ള വലിയ കഴിവ് ഉണ്ടെന്നും പ്രാഥമിക ഡാറ്റ സൂചിപ്പിക്കുന്നു.

ഈ വകഭേദത്തിന്റെ സമയോചിതമായ കണ്ടെത്തൽ, അതിനാൽ, അതിന്റെ വ്യാപനം തടയുന്നതിൽ നിർണായക ഘടകമാണ് എന്നാണ്. ഈ വേരിയന്റിനെക്കുറിച്ച് ലോകാരോഗ്യ സംഘടന ഒരു നല്ല കാര്യം പറഞ്ഞു, ലോകമെമ്പാടും ഉപയോഗിക്കുന്ന ചില ആർടി-പിസിആർ ടെസ്റ്റുകളിൽ ഇത് കണ്ടെത്താനാകും എന്നാണ്. മറ്റ് വകഭേദങ്ങളിൽ ജനിതക സീക്വൻസിങ്ങിന് ശേഷം മാത്രമേ സാന്നിധ്യം നിർണ്ണയിക്കാൻ കഴിയൂ. ഇത് രോഗം കണ്ടെത്തൽ വേഗത്തിലാക്കാനും വ്യാപനം നിയന്ത്രിക്കാനും സഹായിക്കും.

എന്നാൽ ഈ കാര്യത്തെ പൂർണമായി അംഗീകരിക്കാനാവില്ലെന്നും ഇന്ത്യയിലെ ഒട്ടുമിക്ക ആർടിപിസിആർ പരിശോധനകൾക്കും ഒമിക്രോണിനെയും മറ്റ് വകഭേദങ്ങളും തമ്മിൽ വേർതിരിച്ചറിയാൻ കഴിഞ്ഞേക്കില്ലെന്നും ശാസ്ത്രജ്ഞർ പറയുന്നു.

ആർടി-പിസിആർ പരിശോധനയും ഒമിക്രോൺ വകഭേദവും

ആർടി-പിസിആർ പരിശോധനയിലൂടെ മാത്രമേ വ്യക്തിക്ക് അണുബാധയുണ്ടോ ഇല്ലയോ എന്നാണ് സ്ഥിരീകരിക്കുക. ഏത് പ്രത്യേക വേരിയന്റാണ് വ്യക്തിയെ ബാധിച്ചതെന്ന് നിർണ്ണയിക്കാൻ രൂപകൽപ്പന ചെയ്തതല്ല അവ. അതിനായി ജീനോം സീക്വൻസിങ് പഠനം നടത്തണം.

രോഗബാധിതരായ എല്ലാ സാമ്പിളുകളും ജീനോം സീക്വൻസിംഗിനായി അയച്ചിട്ടില്ല, കാരണം ഇത് സാവധാനം നടക്കുന്നതും സങ്കീർണ്ണവും ചെലവേറിയതുമായ പ്രക്രിയയാണ്. സാധാരണയായി, എല്ലാ പോസിറ്റീവ് സാമ്പിളുകളുടെയും വളരെ ചെറിയ ഉപവിഭാഗം മാത്രമേ – ഏകദേശം രണ്ട് മുതൽ അഞ്ച് ശതമാനം വരെ – ജീൻ വിശകലനത്തിനായി അയയ്‌ക്കുകയുള്ളൂ.

Also Read: ഒമിക്രോൺ വകഭേദത്തെ വാക്സിനുകൾ തടയുമോ? കൂടുതൽ ഗവേഷണങ്ങളിലേക്ക് കടന്ന് ശാസ്ത്രജ്ഞർ

ആർടി-പിസിആർ ടെസ്റ്റുകൾ മനുഷ്യ ശരീരത്തിലെ വൈറസിന്റെ ജനിതക വസ്തുക്കളിൽ (മുഴുവൻ ജീൻ സീക്വൻസല്ല) ചില പ്രത്യേക ഐഡന്റിഫയറുകളുടെ സാന്നിധ്യം പരിശോധിക്കുന്നു. സാധാരണയായി, ഒരു പൊരുത്തം കണ്ടെത്താനുള്ള സാധ്യത വർദ്ധിപ്പിക്കുന്നതിന് രണ്ടോ അതിലധികമോ ഐഡന്റിഫയറുകൾ തിരയുന്നു. ഐഡന്റിഫയറുകളിൽ ഒന്ന് പരിവർത്തനം ചെയ്‌തിട്ടുണ്ടെങ്കിൽ, മറ്റൊന്ന് പോസിറ്റീവ് ഫലം നൽകാം.

പല ആർടി-പിസിആർ ടെസ്റ്റുകളും കൊറോണ വൈറസ് സ്പൈക്ക് പ്രോട്ടീനിൽ ഒരു ഐഡന്റിഫയറിനായി തിരയുന്നു, ഇത് വൈറസിനെ മനുഷ്യശരീരത്തിൽ പ്രവേശിക്കാൻ അനുവദിക്കുന്ന നീളത്തിലുള്ള ഇടമാണ് സ്പൈക്ക് പ്രോട്ടീൻ. ഒമിക്രോൺ വകഭേദത്തിന്റെ കാര്യത്തിലെന്നപോലെ സ്പൈക്ക് പ്രോട്ടീനിലും മ്യൂട്ടേഷനുകൾ ഉണ്ടെങ്കിൽ, ഈ പ്രദേശത്തെ ഐഡന്റിഫയറുകൾക്കായി തിരയുന്ന അത്തരം ആർടി-പിസിആർ പരിശോധനകൾ ആ മ്യൂട്ടേഷനുള്ള സ്പൈക്ക് പ്രോട്ടീനെ തിരിച്ചറിയാതെ പോകും. അങ്ങനെയായാൽ ആ പരിശോധനയിൽ നെഗറ്റീവ് ഫലം ലഭിക്കും.

എന്നാൽ മുകളിൽ സൂചിപ്പിച്ചതുപോലെ, ആർടി-പിസിആർ ടെസ്റ്റുകൾ ഒന്നിലധികം ഐഡന്റിഫയറുകൾക്കായി തിരയുന്നു. അതിനാൽ, പരിശോധനയിൽ മറ്റൊരു മേഖലയിൽ ഐഡന്റിഫയർ കണ്ടെത്തുകയും (അതായത് വ്യക്തിക്ക് കൊറോണ വൈറസ് അണുബാധയുണ്ടെന്ന് അർത്ഥമാക്കുന്നു) എന്നാൽ സ്പൈക്ക് പ്രോട്ടീനിൽ ഐഡന്റിഫയർ കണ്ടെത്താതിരിക്കുകയും ചെയ്താൽ, അണുബാധ ഒമിക്‌റോൺ വകഭേദത്തിന്റേതാണെന്ന സൂചനയായിരിക്കാം.

Also Read: അന്താരാഷ്ട്ര വിമാന യാത്രാ ഇളവുകൾ പുനപരിശോധിക്കാൻ പ്രധാനമന്ത്രി ആവശ്യപ്പെടാനുള്ള കാരണങ്ങൾ ഇവയാണ്

സ്പൈക്ക് പ്രോട്ടീനിൽ മ്യൂട്ടേഷനുകൾ ഉള്ള ഒരേ ഒരു വകഭേദമല്ല ഒമിക്രോൺ. മറ്റ് ചിലതിൽ, പ്രത്യേകിച്ച് ആൽഫ വകഭേദത്തിൽ, ഈ മേഖലയിൽ മ്യൂട്ടേഷനുകൾ ഉണ്ട്. അതിനാൽ ആർടി-പിസിആർ ടെസ്റ്റുകളിൽ സമാനമായ സ്വഭാവം കാണിക്കാം.

എന്നിരുന്നാലും, അത്തരം ഒരു ഫലം ഒമിക്‌റോൺ വേരിയന്റിനുള്ള ഒരു തിരിച്ചറിയാനവുള്ള വഴിയായി കാണാൻ കഴിയും, പ്രത്യേകിച്ചും ഇന്ത്യൻ ജനസംഖ്യയിൽ ആൽഫ വകഭേദത്തിന്റെ വ്യാപനം ഗണ്യമായി കുറഞ്ഞു എന്നതിനാൽ . പരിശോധനയിൽ അത്തരം വേർതിരിച്ചറിയൽ ഒമിക്രോൺ വകഭേദമാവാൻ സാധ്യതയുള്ള അണുബാധകൾ തിരിച്ചറിയുന്നതിനും വേർതിരിക്കുന്നതിനും പ്രധാനമാണ്.

സ്ഥിരീകരണത്തിനായി ജീൻ സീക്വൻസിങ്

എന്നാൽ ആർടി-പിസിആർ ഫലം ഒമിക്‌റോൺ വകഭേദത്തിന്റെ സാന്നിധ്യത്തെ മാത്രമേ സൂചിപ്പിക്കുക മാത്രമേ ഉള്ളൂവെന്നും, ജീൻ സീക്വൻസിംഗിലൂടെയാണ് ഇത് സ്ഥിരീകരിക്കേണ്ടതെന്നും ഡൽഹി ആസ്ഥാനമായുള്ള ഇൻസ്റ്റിറ്റ്യൂട്ട് ഓഫ് ജീനോമിക്‌സ് ആൻഡ് ഇന്റഗ്രേറ്റീവ് ബയോളജി (ഐജിഐബി) ഡയറക്ടർ അനുരാഗ് അഗർവാൾ വിശദീകരിച്ചു. എന്നാൽ ആർടി-പിസിആ ഇപ്പോഴും ഒരു പ്രധാന തുടക്കമാണെന്നും അദ്ദേഹം പറഞ്ഞു.

തെർമോ ഫിഷർ സയന്റിഫിക് വികസിപ്പിച്ച വ്യാപകമായി ഉപയോഗിക്കുന്ന ആർടി-പിസിആർ കിറ്റുകളിൽ ഒന്നിന് ഒമിക്രോൺ വകഭേദത്തിന്റെ സാന്നിധ്യം കണ്ടെത്താൻ കഴിയുമെന്ന് ലോകാരോഗ്യ സംഘടന പറഞ്ഞു. ഇന്ത്യയിൽ ഉപയോഗിക്കുന്ന ചില കിറ്റുകൾക്ക് വകഭേദത്തെ കണ്ടെത്താനും കഴിയും. വകഭേദത്തെ കണ്ടെത്താനുള്ള കിറ്റിന്റെ കഴിവ് ഉപയോഗിക്കുന്ന പ്രൈമറുകളെ (ഐഡന്റിഫയറുകൾ എടുക്കുന്ന രാസവസ്തുക്കൾ) ആശ്രയിച്ചിരിക്കുന്നു ഐ‌ജി‌ഐ‌ബിയിലെ ശാസ്ത്രജ്ഞനായ വിനോദ് സ്കറിയ പറഞ്ഞു.

Also Read: ആശങ്ക ഉയർത്തി ഒമിക്രോൺ; പുതിയ കോവിഡ് വകഭേദത്തെക്കുറിച്ച് അറിയേണ്ടതെല്ലാം

“നിർഭാഗ്യവശാൽ, ഇന്ത്യയിൽ ഉപയോഗിക്കുന്ന മിക്ക കിറ്റുകളുടെയും പ്രൈമർ വിശദാംശങ്ങൾ പൊതുവായി ലഭ്യമല്ല. അതിനാൽ, ഉപയോഗിക്കുന്ന ഒരു പ്രത്യേക കിറ്റിന് ഈ വകഭേദം കണ്ടെത്താനാകുമോ ഇല്ലയോ എന്ന് ആർക്കും പറയാനാവില്ല,” സ്കറിയ പറഞ്ഞു.

പരിശോധനകൾ ഒരു സൂചനയും നൽകുന്നില്ലെങ്കിൽ, ഒമിക്റോണിന്റെ അല്ലെങ്കിൽ മറ്റേതെങ്കിലും വകഭേദത്തെ കണ്ടെത്താൻ 24 മുതൽ 96 മണിക്കൂർ വരെ എടുക്കുന്ന ജീൻ സീക്വൻസിങ് വ്യായാമത്തിന്റെ ഫലം കാത്തിരിക്കേണ്ടി വരും. എന്നാൽ എല്ലാ സാമ്പിളുകളും സീക്വൻസിങ്ങിനായി അയക്കാത്തതിനാൽ, ഒമിക്‌റോൺ വകഭേദം പ്രചരിക്കാൻ തുടങ്ങിയിട്ടുണ്ടെങ്കിലും കണ്ടെത്തപ്പെടാതിരിക്കാൻ സാധ്യതയുണ്ട്. സീക്വൻസിംഗിനായി അയച്ച സാമ്പിളുകളുടെ എണ്ണം വർദ്ധിപ്പിക്കുക എന്നതാണ് ഇതിനെ പ്രതിരോധിക്കാനുള്ള ഒരു മാർഗം.

ജീൻ സീക്വൻസിംഗിനായി എല്ലാ സാമ്പിളുകളും അയയ്ക്കാൻ കഴിയാത്തതിനാൽ ഒരു മികച്ച തന്ത്രം രൂപപ്പെടുത്തേണ്ടതുണ്ടെന്ന് ഐസിഎംആറിലെ മുൻ എപ്പിഡെമിയോളജി മേധാവി ആർ ആർ ഗംഗാഖേദ്കർ പറഞ്ഞു. ഇന്ത്യയിൽ, ഇപ്പോഴും ഡെൽറ്റ വകഭേദമാണ് ഏറ്റവും പ്രചാരത്തിലുള്ളതെന്നും അതിനാൽ, ബാധകമായ ഇടങ്ങളിലെല്ലാം, പരിശോധനാ കേന്ദ്രങ്ങളിൽ സ്പൈക്ക് പ്രോട്ടീനിലെ തിരിച്ചറിയപ്പെടാത്ത ഐഡന്റിഫയർ അന്വേഷിക്കണമെന്നും ജീൻ സീക്വൻസിംഗിനായി ഉടൻ തന്നെ ഇവ രേഖപ്പെടുത്തണമെന്നും അദ്ദേഹം പറഞ്ഞു.

Stay updated with the latest news headlines and all the latest Explained news download Indian Express Malayalam App.

Web Title: Can an rt pcr test detect infection with omicron