scorecardresearch
Latest News

മുൻകാമുകി ഐശ്വര്യയെ അപമാനിക്കുന്ന ട്രോൾ പങ്കുവച്ച് വിവേക് ഒബ്റോയ്; താൻ എന്തു ദുരന്തമാണെന്ന് സോഷ്യൽ മീഡിയ

ആരാണ് നിങ്ങൾക്ക് ‘വിവേക്’ എന്ന പേരിട്ടത് എന്നാണ് വിമർശകരുടെ ചോദ്യം

Vivek Oberoi, Aiswariya Rai Bachchan, Vivek Oberoi insult Aiswarya Rai, Salman Khan, Abhishek Bachchan, വിവേക് ഒബ്റോയ്, ഐശ്വര്യാറായ്, അഭിഷേക് ബച്ചൻ, ഐശ്വര്യാറായ് ബച്ചൻ, സൽമാൻ ഖാൻ, Vivek oberoi Aishwarya troll meme, Indian Express Malayalam, ഇന്ത്യൻ എക്സ്‌പ്രസ്സ് മലയാളം, Vivek Oberoi Aishwarya Rai photo, Salman Khan Aishwarya rai photo

ലോക് സഭ ഇലക്ഷന്റെ എക്സിറ്റ് പോൾ ഫലങ്ങളാണ് ഇപ്പോൾ എല്ലായിടത്തും ചർച്ച. ചായക്കടകളിൽ തുടങ്ങി ട്രോൾ ഗ്രൂപ്പുകളിൽ വരെ എക്സിറ്റ് പോൾ ഫലങ്ങൾ തന്നെയാണ് ചർച്ച ചെയ്യപ്പെടുന്നത്. വിവേക് ഒബ്റോയി തന്റെ ഔദ്വോഗിക ട്വിറ്റർ പേജിൽ പങ്കുവച്ചിരിക്കുന്ന ഒരു ട്വീറ്റാണ് ഇപ്പോൾ ശ്രദ്ധ നേടുന്നത്.

രാഷ്ട്രീയമില്ല, ജീവിതം മാത്രം എന്ന ക്യാപ്ഷനോടെയാണ് മെം ഷെയർ ചെയ്തിരിക്കുന്നത്. സൽമാൻ ഖാൻ  (ഒപ്പിനിയൻ പോൾ) വിവേക് ഒബ്റോയ് (എക്സിറ്റ് പോൾ), അഭിഷേക് ബച്ചൻ (എൻഡ് റിസൽറ്റ്) എന്നിങ്ങനെ ക്യാപ്ഷൻ കൊടുത്താണ് മെമിൽ ഐശ്വര്യയെ അവതരിപ്പിച്ചിരിക്കുന്നത്.

ട്രോളിനെതിരെ വ്യാപകമായ പ്രതിഷേധമാണ് ഉയരുന്നത്. മറ്റൊരു വ്യക്തിയുടെ സ്വകാര്യജീവിതത്തെ ബാധിക്കുന്ന രീതിയിലുള്ള ട്രോൾ പങ്കുവെച്ച വിവേകിന് നെഗറ്റീവ് കമന്റുകളാണ് ലഭിച്ചുകൊണ്ടിരിക്കുന്നത്. സന്തോഷകരമായൊരു ദാമ്പത്യജീവിതം ജീവിക്കുന്ന സ്ത്രീയെ അപമാനിക്കാൻ നിങ്ങൾക്കെങ്ങനെ തോന്നി, വിവേകെന്നല്ല അവിവേക് എന്നാവണമായിരുന്നു താങ്കളുടെ പേര് എന്നിങ്ങനെ രൂക്ഷ വിമർശനങ്ങളാണ് ട്വിറ്റർ പോസ്റ്റിന് ലഭിച്ചു കൊണ്ടിരിക്കുന്നത്.

ഈ ലോക്‌സഭ ഇലക്ഷനിൽ ബിജെപിയ്ക്ക് വേണ്ടി വിവേക് ഒബ്റോയ് ക്യാംപെയിൻ നടത്തിയിരുന്നു. പ്രധാനമന്ത്രി നരേന്ദ്ര മോദിയുടെ ജീവിതം ആസ്പദമാക്കി ഒരുക്കിയ ചിത്രത്തില്‍ മോദിയുടെ വേഷം കൈകാര്യം ചെയ്തിരിക്കുന്നതും വിവേക് ആണ്. ചിത്രത്തിന് അനുഗ്രഹം തേടി മഹാരാഷ്ട്രയിലെ അഹമ്മദ്‌നഗര്‍ ജില്ലയിലെ ഷിര്‍ദി നഗരത്തിലെ സായിബാബ ക്ഷേത്രത്തിലും അടുത്തിടെ വിവേക് സന്ദർശിച്ചിരുന്നു. ലോക്‌സഭ തിരഞ്ഞെടുപ്പിന്റ പെരുമാറ്റച്ചട്ട ലംഘനമാണ് ചിത്രം എന്ന് ആരോപണത്തെ തുടർന്ന്, തിരഞ്ഞെടുപ്പ് കമ്മീഷന്‍ ചിത്രത്തിന്റെ റിലീസ് തടഞ്ഞുവെച്ചതിനു പിന്നാലെയായിരുന്നു വിവേകിന്റെ ക്ഷേത്രസന്ദർശനം.

Read more: പിഎം നരേന്ദ്ര മോദിയുടെ റിലീസ്; അനുഗ്രഹം തേടി വിവേക് ഒബ്രോയ് സായിബാബ ക്ഷേത്രത്തില്‍

‘ഞങ്ങള്‍ സായിബാബയുടെ അനുഗ്രഹം തേടി എത്തിയതാണ്. ഞങ്ങളെ പിന്തുണയ്ക്കുന്നവരും ആരാധകരുമെല്ലാം ചിത്രത്തിനായി ആകാംക്ഷയോടെ കാത്തിരിക്കുകയാണ്. വളരെ പ്രചോദിപ്പിക്കുന്ന ഒരു കഥയില്‍ നിന്നുമാണ് ഞങ്ങള്‍ ആ ചിത്രം ഒരുക്കിയത്. എന്നാല്‍ രാഷ്ട്രീയ പാര്‍ട്ടികള്‍ ഞങ്ങളെ ആക്രമിക്കുകയാണ്. സിനിമ എത്രയും പെട്ടെന്ന് റിലീസ് ആകുമെന്ന് പ്രതീക്ഷിക്കുന്നു,’ എന്നാണ് വിവേക് ഒബ്റോയ് പ്രതികരിച്ചത്.

Vivek Oberoi, Aiswariya Rai Bachchan, Vivek Oberoi insult Aiswarya Rai, Salman Khan, Abhishek Bachchan, വിവേക് ഒബ്റോയ്, ഐശ്വര്യാറായ്, അഭിഷേക് ബച്ചൻ, ഐശ്വര്യാറായ് ബച്ചൻ, സൽമാൻ ഖാൻ, Vivek oberoi Aishwarya troll meme, Indian Express Malayalam, ഇന്ത്യൻ എക്സ്‌പ്രസ്സ് മലയാളം, Vivek Oberoi Aishwarya Rai photo, Salman Khan Aishwarya rai photo

അടുത്തിടെ, മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്ത ‘ലൂസിഫർ’ എന്ന ചിത്രത്തിലൂടെ മലയാളത്തിലും വിവേക് അരങ്ങേറ്റം കുറിച്ചിരുന്നു. ചിത്രത്തിൽ ബോബി എന്ന പ്രതിനായക വേഷമാണ് വിവേക് അവതരിപ്പിച്ചത്.

Read more: ലാലേട്ടന്‍, രാജു, ലൂസിഫര്‍: വിവേക് ഒബ്റോയ് മനസ്സു തുറക്കുന്നു, വീഡിയോ

Stay updated with the latest news headlines and all the latest Entertainment news download Indian Express Malayalam App.

Web Title: Vivek oberoi meme on aishwarya rai outrage on social media