അച്ഛനും അമ്മയും ചേട്ടനും പിന്നെ ഞാനും; കുടുംബചിത്രങ്ങളുമായി വിസ്മയ മോഹൻലാൽ

ചേട്ടൻ പ്രണവിനെ പോലെ തന്നെ വലിയ യാത്രാപ്രേമിയാണ് വിസ്മയ മോഹൻലാലും. തന്റെ യാത്രാചിത്രങ്ങൾ ഇടയ്ക്ക് വിസ്മയയും പങ്കുവയ്ക്കാറുണ്ട്.

ഇപ്പോഴിതാ, കുടുംബത്തിനൊപ്പമുള്ള ഏതാനും ചിത്രങ്ങളാണ് വിസ്മയ ഷെയർ ചെയ്തിരിക്കുന്നത്. മോഹൻലാൽ, സുചിത്ര മോഹൻലാൽ, പ്രണവ് മോഹൻലാൽ എന്നിവരെയും ചിത്രങ്ങളിൽ കാണാം

അച്ഛന്റെ പാത പിന്തുടർന്ന് പ്രണവിനു പിന്നലെ വിസ്മയയും സിനിമയിലേക്ക് എത്തിയിരിക്കുകയാണ്. ജൂഡ് ആന്റണിയുടെ ചിത്രത്തിലൂടെയാണ് വിസ്മയുടെ സിനിമാ അരങ്ങേറ്റം.

വരകളുടെയും എഴുത്തിന്റെയും നാടകാഭിനയത്തിന്റെയുമെല്ലാം ലോകത്തായിരുന്നു വിസ്മയ ഇത്രയും നാൾ.

ഇതിനു പുറമേ തായ് ആയോധന കലയിലും വിസ്മയയ്ക്ക് ഏറെ താൽപ്പര്യമുണ്ട്. തായ് ആയോധന കല അഭ്യസിക്കുന്നതിന്റെ വീഡിയോകൾ ഇടയ്ക്ക് വിസ്മയ ഇൻസ്റ്റഗ്രാം പേജിൽ പങ്കുവക്കാറുണ്ട്.

എഴുത്താണ് വിസ്മയയുടെ മറ്റൊരിഷ്ടം. താൻ എഴുതിയ കവിതകളും വരച്ച ചിത്രങ്ങളും ചേര്‍ത്ത് 'ഗ്രെയ്ന്‍സ് ഓഫ് സ്റ്റാര്‍ഡസ്റ്റ്' എന്നൊരു പുസ്തകവും വിസ്മയ അടുത്തിടെ പുറത്തിറക്കിയിരുന്നു. മോഹൻലാൽ, അമിതാഭ് ബച്ചൻ, ദുൽഖർ സൽമാൻ, നസ്രിയ, സുപ്രിയ പൃഥ്വിരാജ് തുടങ്ങിയവരെല്ലാം വിസ്മയയുടെ പുസ്തകത്തിന് ആശംസകളുമായി എത്തിയിരുന്നു.