Virus Movie Release Highlights: സമകാലിക കേരളത്തിലെ ആരോഗ്യരംഗം കണ്ട ഏറ്റവും കടുത്ത പ്രതിസന്ധികളില്‍ ഒന്നായ നിപാ വൈറസ് ബാധയെക്കുറിച്ചും അതിന്റെ അതിജീവനത്തിനായി നടത്തിയ പോരാട്ടത്തെക്കുറിച്ചും പറയുന്ന ‘വൈറസ്’ തിയേറ്ററുകളിലേക്ക്. മുഹ്സിന്‍ പരാരി, സുഹാസ്, ഷറഫു എന്നിവര്‍ ചേര്‍ന്നെഴുതിയ തിരക്കഥയ്ക്ക് സംവിധാനം നിര്‍വ്വഹിക്കുന്നത് ആഷിക് അബുവാണ്.
Virus Movie Poster
നിപ രോഗബാധിതരെ ചികിത്സിക്കുന്നതിനിടയില്‍ രോഗം ബാധിച്ചു മരണമടഞ്ഞ നഴ്സ് ലിനിയുടെ വേഷത്തില്‍ എത്തുന്ന റിമ കല്ലിങ്കല്‍ ഉള്‍പ്പടെ ഒരു വലിയ താരനിര തന്നെ ഈ ചിത്രത്തിന് വേണ്ടി അണിനിരക്കുന്നുണ്ട്. കേരളത്തിന്റെ നിപാ അദ്ധ്യായത്തിന്റെ ഏറ്റവും പ്രധാനപ്പെട്ട വ്യക്തിയായ ആരോഗ്യമന്ത്രി കെ കെ ശൈലജ ടീച്ചറെ അവതരിപ്പിക്കുന്നത്‌ രേവതിയാണ്‌.
Read More: ‘കാറ്റത്തെ കിളിക്കൂട്’മുതൽ ‘വൈറസ്’വരെ: രേവതി മിന്നിച്ച വേഷങ്ങള്‍
ഇവര്‍ക്ക് പുറമേ, ടൊവിനോ തോമസ്, കുഞ്ചാക്കോ ബോബന്‍, ആസിഫ് അലി, പാര്‍വതി, രമ്യാ നമ്പീശന്‍, സൗബിന്‍ ഷാഹിര്‍, ദിലീഷ് പോത്തന്‍, പൂര്‍ണിമ ഇന്ദ്രജിത്ത്, ഇന്ദ്രജിത്ത് സുകുമാരന്‍, ശ്രീനാഥ് ഭാസി, ജോജു ജോര്‍ജ്, ദർശന രാജേന്ദ്രൻ തുടങ്ങിയ താരങ്ങളും ഉണ്ട്.
രാജീവ് രവിയാണ് ഛായാഗ്രഹണം. എഡിറ്റിംഗ് സൈജു ശ്രീധരന്‍, സംഗീതം സുഷിന്‍ ശ്യാം. ആഷിഖ് അബുവിന്റെയും റിമയുടേയും ഉടമസ്ഥതയിലുള്ള ഒപിഎം ബാനറാണ് ചിത്രം നിര്‍മിക്കുന്നത്.
‘വൈകുന്നേരം ആറ് മണിക്ക് ശേഷം ടീം വൈറസിനൊപ്പം എറണാകുളത്ത് വച്ചാണ് സിനിമ കാണുന്നത്. രാവിലെ അലങ്കാര്‍ തിയേറ്ററില്‍ ഫാന്‍സ് ഷോയുടെ ആദ്യ ടിക്കറ്റ് നല്‍കാന്‍ പോയപ്പോള്‍ കുറച്ച് നേരം കണ്ടിരുന്നു. പിന്നെ ഞാന്‍ പോന്നു. സിനിമ അവര്‍ നന്നായി തന്നെ ചെയ്തിട്ടുണ്ട്. പക്ഷെ എനിക്കറിയില്ല ഞാന്‍ ഈ സിനിമ എങ്ങനെ കണ്ടുതീര്‍ക്കും എന്ന്. എനിക്കിത് വെറും സിനിമയല്ലല്ലോ,’ സജീഷ് പറയുന്നു.
Read More: Virus Movie Release: എനിക്കറിയില്ല ഞാനീ സിനിമ എങ്ങനെ കണ്ടുതീര്‍ക്കുമെന്ന്; ലിനിയുടെ സജീഷേട്ടന്‍ പറയുന്നു
വൈറസ് ഇന്ന് തിയേറ്ററുകളിൽ എത്തുമ്പോൾ ആശംസകളുമായി മലയാളത്തിന്റെ ലേഡി സൂപ്പർ സ്റ്റാർ മഞ്ജു വാര്യർ. തന്റെ ഇൻസ്റ്റഗ്രാം സ്റ്റോറിയിലൂടെയാണ് മഞ്ജു ചിത്രത്തിന്റെ സംവിധായകൻ ആഷിഖ് അബുവിനേയും നിർമ്മാതാവും നടിയുമായ റിമ കല്ലിങ്കലിനേയും മറ്റ് താരങ്ങളേും ടാഗ് ചെയ്തു കൊണ്ട് ആശംസകൾ അറിയിച്ചത്.
മെഡിക്കല്‍ വേസ്റ്റുകള്‍ നശിപ്പിക്കുന്ന ജോലിക്കാരില്‍ നിന്നും, ആംബലുന്‍സ് ഡ്രൈവര്‍മാരില്‍ നിന്നുമൊക്കെയാണ് ശരിക്കും അത് കാണാന്‍ സാധിച്ചത്. അവര്‍ മുന്നോട്ട് വന്ന് സ്വന്തം ജീവന്‍ പോലും അപകടത്തില്‍ നിര്‍ത്തി ഇതിനെതിരെ പോരാടി. മറ്റുള്ളവരെ പോലെ തുടക്കത്തില്‍ അവരും ഭയപ്പെട്ടിരുന്നു. എന്നാല്‍ അവര്‍ പോരാടി. ഈ കഥാപാത്രങ്ങളോടും അവരുടെ കഥകളോടും നീതിപുലര്‍ത്താന്‍ ഞങ്ങള്‍ ശ്രമിച്ചിട്ടുണ്ട്,' ഇന്ത്യന്‍ എക്സ്പ്രസ്സ്‌ അഭിമുഖത്തില്‍ ആഷിഖ് അബു പറയുന്നു.
Read Aashiq Abu interview here: Aashiq Abu on Virus: നിപ എന്ന പോരാട്ടം: 'വൈറസിനെ'ക്കുറിച്ച് ആഷിക് അബു
ഇന്ത്യയിലെ മറ്റു കേന്ദ്രങ്ങളിലും ഗള്‍ഫ്‌ രാജ്യങ്ങളിലും വൈറസ് റിലീസ് ചെയ്യുന്നുണ്ട്. ചിത്രത്തിന്റെ ട്രെയിലര്‍ ലോഞ്ചും ഗള്‍ഫില്‍ വച്ചാണ് നടന്നത്. ഔട്ട്‌സൈഡ് കേരള തിയേറ്റര്‍ ലിസ്റ്റ് ചുവടെ
ഒന്‍പതു മണിയോടെയാണ് ആദ്യ ഷോ ആരംഭിക്കുന്നത്. കേരളത്തില്‍ പലയിടങ്ങളിലും ഈ വാരാന്ത്യത്തിലേക്കുള്ള ടിക്കറ്റുകള്‍ സോള്‍ഡ്‌ ഔട്ട്‌ ആയിട്ടുണ്ട്‌. കേരള തിയേറ്റര്‍ ലിസ്റ്റ് കാണാം