Latest News

സായ് പല്ലവിയും റാണാ ദഗ്ഗുബാട്ടിയും ഒന്നിക്കുന്ന ‘വിരാടപർവ്വം’; ഫസ്റ്റ് ലുക്ക്

യഥാർത്ഥ സംഭവങ്ങളെ ആസ്പദമായി ഒരുങ്ങുന്ന ചിത്രമാണ് ‘വിരാടപർവ്വം’

Sai pallavi, Sai pallavi birthday, Rana daggubatti, Virarparavam film, Virarparavam photos sai pallavi, sai pallavi rana daggubatti, Indian express malayalam, IE Malayalam

‘ബാഹുബലി’ താരം റാണാ ദഗ്ഗുബാട്ടിയ്ക്ക് ഒപ്പം സായ് പല്ലവി അഭിനയിക്കുന്ന തെലുങ്ക് ചിത്രമാണ് ‘വിരാടപർവ്വം’. സായ് പല്ലവിയുടെ പിറന്നാൾ ദിനത്തിൽ ചിത്രത്തിന്റെ ഫസ്റ്റ് ലുക്ക് പോസ്റ്റർ റിലീസ് ചെയ്തിരിക്കുകയാണ് അണിയറപ്രവർത്തകർ. വേണു ഉദുഗാല സംവിധാനം ചെയ്യുന്ന ചിത്രത്തിൽ തബു, പ്രിയാമണി​ എന്നിവരും പ്രധാന വേഷങ്ങളിലെത്തുന്നുണ്ട്.

Read more: അന്ന് ശ്രീദേവിയായി ചുവടുവെച്ചവൾ, ഇന്ന് തെന്നിന്ത്യയുടെ സ്വന്തം ‘റൗഡി ബേബി’; പിറന്നാൾ നിറവിൽ സായ് പല്ലവി

യഥാർത്ഥ സംഭവങ്ങളിൽ നിന്നും പ്രചോദനം ഉൾകൊണ്ട് നിർമ്മിക്കുന്ന ചിത്രമാണിതെന്ന് സംവിധായകൻ മുൻപു തന്നെ വ്യക്തമാക്കിയിരുന്നു. തെലുങ്കാനയിലെ കരിംനഗർ, വാറങ്കൽ ജില്ലകളിലാണ് ചിത്രം ഷൂട്ട് ചെയ്തത്.

ക്രൂരനായ ഒരു രാഷ്ട്രീയ പ്രവർത്തകനും യൗവ്വനകാലത്ത് വിദ്യാർത്ഥി നേതാവുമൊക്കെയായ ഒരു കഥാപാത്രമായാണ് റാണ എത്തുന്നത്. ഒരു മനുഷ്യാവകാശ പ്രവർത്തകയുടെ വേഷമാണ് തബു കൈകാര്യം ചെയ്യുന്നത്. തന്ത്രപ്രധാനമായൊരു വേഷത്തിൽ പ്രിയാ മണിയും ചിത്രത്തിലുണ്ട്,” ചിത്രത്തിന്റെ വക്താക്കളിൽ ഒരാൾ ഇന്ത്യൻ എക്സ്‌പ്രസ്സിനോട് പറഞ്ഞു. ഒരിടവേളയ്ക്ക് ശേഷം തെലുങ്ക് സിനിമയിലേക്കുള്ള തബുവിന്റെ തിരിച്ചുവരവ് കൂടിയാണ് ‘വിരാടപർവ്വം’.

“‘വിരാടപർവ്വം’ ഒരു പൊളിറ്റിക്കൽ ത്രില്ലറാണ്, ഒപ്പം ഒരു മനോഹരമായ ലവ് സ്റ്റോറിയും. ഒരു എക്സ്‌ട്രാ ഓർഡിനറി കഥാപാത്രത്തെയാണ് സായ് പല്ലവി അവതരിപ്പിക്കുന്നത്. സ്ത്രീകളുടെ വിവിധ ഘട്ടത്തിലുള്ള പ്രശ്നങ്ങളെ അഭിമുഖീകരിക്കുന്ന കഥാപാത്രമാണ് സായിയുടേത്. തെലുങ്കിൽ ഒരുങ്ങുന്ന ചിത്രം മറ്റു ഭാഷകളിലേക്കും മൊഴിമാറ്റി ഇറക്കാനാണ് ശ്രമം,” ചിത്രത്തിന്റെെ വക്താവ് വ്യക്തമാക്കുന്നു. സുരേഷ് ബാബു ദഗ്ഗുബാട്ടി, സുധാകർ ചെറുകുറി എന്നിവർ ചേർന്നാണ് ചിത്രം നിർമ്മിക്കുന്നത്.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Viratparavam first look sai pallavi rana daggubatti

Next Story
Happy Birthday Sai Pallavi: അന്ന് ശ്രീദേവിയായി ചുവടുവെച്ചവൾ, ഇന്ന് തെന്നിന്ത്യയുടെ സ്വന്തം ‘റൗഡി ബേബി’; പിറന്നാൾ നിറവിൽ സായ് പല്ലവിsai pallavi, സായ് പല്ലവി, happy birthday sai pallavi, സായ് പല്ലവി ജന്മദിനം, സായ് പല്ലവി പ്രായം, sai pallavi age, sai pallavi photos, sai pallavi pics, sai pallavi images, sai pallavi pic, sai pallavi photo, sai pallavi birthday, Indian express malayalam
The moderation of comments is automated and not cleared manually by malayalam.indianexpress.com