scorecardresearch
Latest News

കിടപ്പുമുറിയിൽ വരെ എത്തി; സ്വകാര്യതയുടെ അതിർവരമ്പുകൾ എവിടെ എന്ന് അനുഷ്‌കയും കോഹ്‌ലിയും

തന്റെ ഹോട്ടല്‍ മുറിയില്‍ പ്രവേശിച്ച് വീഡിയോ പകര്‍ത്തിയ ആള്‍ക്കെതിരെ രംഗത്തു വന്നിരിക്കുകയാണ് കോഹ്‌ലി

കിടപ്പുമുറിയിൽ വരെ എത്തി; സ്വകാര്യതയുടെ അതിർവരമ്പുകൾ എവിടെ എന്ന് അനുഷ്‌കയും കോഹ്‌ലിയും

ക്രികറ്റ് താരം വിരാട് കോഹ്ലിയും ഭാര്യയും നടിയുമായ അനുഷ്‌ക ശര്‍മയും പങ്കുവച്ച സോഷ്യല്‍ മീഡിയ പോസ്റ്റ് വൈറലാവുകയാണ്. തന്റെ ഹോട്ടല്‍ മുറിയില്‍ പ്രവേശിച്ച് വീഡിയോ പകര്‍ത്തിയ ആള്‍ക്കെതിരെ രംഗത്തു വന്നിരിക്കുകയാണ് വിരാട്.

“തങ്ങളുടെ പ്രിയപ്പെട്ട കളിക്കാരെ കാണുമ്പോൾ ആരാധകർ വളരെ സന്തോഷവും ആവേശവും കൊള്ളുന്നതു എനിക്കു മനസ്സിലാക്കാനാകും.എന്നാൽ ഇവിടെയുള്ള ഈ വീഡിയോ ഭയാനകമാണ്, ഇത് സ്വകാര്യതയെക്കുറിച്ച് എനിക്ക് വളരെ പരിഭ്രാന്തി തോന്നിപ്പിച്ചു. എന്റെ സ്വന്തം ഹോട്ടൽ മുറിയിൽ എനിക്ക് സ്വകാര്യത സാധ്യമല്ലെങ്കിൽ, എനിക്ക് വ്യക്തിപരമായ ഇടം എവിടെ നിന്ന് പ്രതീക്ഷിക്കാനാകും?ഇത്തരത്തില്‍ സ്വകാര്യതയിലേക്കുള്ള കടന്നുകയറ്റം അംഗീകരിക്കാനാവില്ല. ദയവായി ആളുകളുടെ സ്വകാര്യതയെ മാനിക്കുക, അവരെ വിനോദത്തിനുള്ള ഒരു ഉത്പന്നമായി കണക്കാക്കരുത്” കോഹ്ലി വീഡിയോയ്ക്കു താഴെ കുറിച്ചു.

അനുഷ്‌കയും ഇതിനെതിരെയുളള തന്റെ എതിര്‍പ്പു പ്രകടപ്പിച്ചിട്ടുണ്ട്. ” ഇതിനു മുന്‍പും ആരാധകരുടെ ഇത്തരിത്തിലുളള ഉത്തരവാദിത്വമില്ലാത്ത പ്രവര്‍ത്തനങ്ങള്‍ക്കു ഞങ്ങള്‍ ഇരയാക്കപ്പെട്ടിട്ടുണ്ട്. എന്നാല്‍ ഇതു തികച്ചും മോശമായ ഒന്നാണ്. മനുഷ്യത്വമില്ലായ്മയാണിത്. സെലിബ്രിറ്റി ഇതല്ലാം നേരിടണം എന്നാണ് നിങ്ങളുടെ അഭിപ്രായമെങ്കില്‍ ഒന്ന് ചിന്തിച്ചു നോക്കൂ ഇതു നിങ്ങളുടെ മുറിയാലാണ് നടന്നിരുന്നതെങ്കില്‍ എന്തായിരിക്കും അവസ്ഥയെന്നത്’ അനുഷ്‌ക വീഡിയോയുടെ സ്‌ക്രീന്‍ഷോട് പങ്കുവച്ചു കൊണ്ട് കുറിച്ചു.

പ്രണയത്തിലായിരുന്നപ്പോള്‍ തന്നെ തങ്ങളുടെ ബന്ധത്തിന്റെ സ്വകാര്യത നിലനിര്‍ത്താന്‍ ആഗ്രഹിച്ചിരുന്നവരാണ് കോഹ്ലിയും അനുഷ്‌കയും. തങ്ങളുടെ മകള്‍ വാമികയുടെ ചിത്രങ്ങളും പ്രചരപ്പിക്കരുതെന്നു ഇരുവരും മാധ്യമങ്ങളോടു അഭ്യര്‍ത്ഥിച്ചിട്ടുണ്ട്. അവള്‍ വലുതാകുമ്പോള്‍ സ്വയം തീരുമാനിക്കട്ടെ എന്നതായിരുന്നു മറുപടി.

” ഞങ്ങള്‍ ഒരുപാട് ചിന്തിച്ചാണ് ഈ തീരുമാനത്തിലേയ്ക്കു എത്തിയത്. പൊതു ജനങ്ങള്‍ കാണ്‍കെ ഒരു കുട്ടിയെ വളര്‍ത്താന്‍ ഞങ്ങള്‍ ആഗ്രഹിക്കുന്നില്ല. അതുകൊണ്ട് തന്നെ മകളെ സോഷ്യല്‍ മീഡിയയില്‍ പരിചയപ്പെടുത്തിന്നില്ല. ഞങ്ങളുടെ മകളാണ് ആ തീരുമാനം എടുക്കേണ്ടത് ” അനുഷ്‌കയും വിരാടും മാധ്യമങ്ങളോടായി പറഞ്ഞു.

Stay updated with the latest news headlines and all the latest Entertainment news download Indian Express Malayalam App.

Web Title: Virat kohli anushka sharma shares video on fan breach privacy