‘തുപ്പാക്കി’, ‘കത്തി’ എന്നീ വിജയ ചിത്രങ്ങള്‍ക്ക് ശേഷം സംവിധായകന്‍ എ ആര്‍ മുരുഗദാസും ഇളയദളപതി വിജയും ഒന്നിക്കുന്ന ചിത്രമാണ് ‘സര്‍ക്കാര്‍’. മുഖ്യമന്ത്രിയുടെ മരണം ഉള്‍പ്പടെയുള്ള സമകാലിക തമിഴ് രാഷ്ട്രീയത്തിലെ സംഭവങ്ങള്‍ പ്രതിപാദിക്കുന്ന ‘സര്‍ക്കാര്‍’ പൊളിറ്റികല്‍ ത്രില്ലെര്‍ ഗണത്തില്‍ പെട്ട ചിത്രമാണ്.

എ ആര്‍ റഹ്മാന്‍ സംഗീത സംവിധാനം നിര്‍വ്വഹിച്ച ഗാനങ്ങള്‍ റിലീസ് ചെയ്ത സമയം മുതല്‍ തന്നെ വലിയ തരംഗം സൃഷ്ടിച്ചിരുന്നു. സണ്‍ പിക്ചേര്‍സ് നിര്‍മ്മിക്കുന്ന ചിത്രത്തില്‍ കീര്‍ത്തി സുരേഷ്, വരലക്ഷ്മി ശരത്കുമാര്‍, യോഗി ബാബു, രാധാ രവി എന്നിവരും പ്രധാന വേഷങ്ങളില്‍ എത്തുന്നു. ദീപാവലി റിലീസ് ആയി ഇന്ന് തിയേറ്ററുകളില്‍ എത്തിയ ചിത്രം ലോകമെമ്പാടുമുള്ള 80 രാജ്യങ്ങളിലെ 3,000 സ്ക്രീനുകളിലേക്ക് എത്തുന്നു. ദക്ഷിണാഫ്രിക്ക, പോളണ്ട്, ഉക്രൈന്‍ എന്നീ രാജ്യങ്ങളിലും റിലീസ് ചെയ്യപ്പെടുന്നു എന്നത് ശ്രദ്ധേയമാണ്.

Read in English Logo Indian Express

ഇതിനിടയില്‍ തമിഴ് റോക്കേര്‍സ് എന്ന സിനിമാ ഡൌണ്‍ലോഡ് വെബ്‌സൈറ്റ് ചിത്രം ഇന്റര്‍നെറ്റ്‌ വഴി ലീക്ക് ചെയ്യും എന്ന ട്വീറ്റുമായി രംഗത്തെത്തി. ഈ വാര്‍ത്ത തമിഴ് ഫിലിം പ്രൊഡ്യൂസേര്‍സ് കൌണ്‍സില്‍ ‘സര്‍ക്കാര്‍’ നിര്‍മ്മാതാക്കളെ അറിയിച്ചു. ഈ ഇല്ലീഗല്‍ ദൗത്യത്തില്‍ തമിഴ് റോക്കേര്‍സ് വിജയിക്കാന്‍ പാടില്ല എന്നും തിയേറ്ററുകളില്‍ മൊബൈല്‍ ഫോണ്‍, ക്യാമറ ഇന്നിവ കടത്താതിരിക്കാന്‍ വേണ്ട നടപടികള്‍ ഉടമകള്‍ എടുക്കണം എന്നും പ്രൊഡ്യൂസേര്‍സ് കൌണ്‍സില്‍ ആവശ്യപ്പെട്ടു.

Get Malayalam News and latest news update from India and around the world. Stay updated with today's latest Entertainment news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ