നാഷണൽ ക്രഷിനെ സ്വന്തമാക്കിയ ദേവരകൊണ്ട; ഇവരുടെ ആകെ ആസ്തി എത്രയെന്നറിയാമോ?

തെന്നിന്ത്യയിലെ ഏറ്റവും പ്രിയപ്പെട്ട പ്രണയജോഡികളാണ് വിജയ് ദേവരകൊണ്ടയും രശ്മിക മന്ദാനയും. വർഷങ്ങൾ നീണ്ട ഡേറ്റിംഗിനു ശേഷം ഇരുവരും വിവാഹിതരാവാൻ ഒരുങ്ങുകയാണ്. അുത്തിടെ ഇരുവരുടെയും വിവാഹനിശ്ചയം നടന്നു. 'ഗീത ഗോവിന്ദം', 'ഡിയർ കോമ്രേഡ്' എന്നീ ചിത്രങ്ങളിലൂടെ ആരാധകരുടെ മനസ്സിൽ ഇടം നേടിയ ഈ ജോഡികൾ 2026 ഫെബ്രുവരിയിൽ വിവാഹിതരാകും എന്നാണ് റിപ്പോർട്ട്.

പ്രശസ്തിയുടെയും സമ്പത്തിന്റെയും കാര്യത്തിൽ ഏറെക്കുറെ സമന്മാരാണ് ഇരുവരും. ബ്ലോക്ക്ബസ്റ്റർ ഹിറ്റുകൾ മുതൽ ബിസിനസ് സംരംഭങ്ങൾ വരെയുള്ള ഈ താരങ്ങളുടെ ആസ്തി, ആഢംബര വസതികൾ, വില കൂടിയ കാറുകൾ എന്നിവയെ കുറിച്ച് കൂടുതലറിയാം

'നാഷണൽ ക്രഷ്' എന്നറിയപ്പെടുന്ന രശ്മിക മന്ദാന, തെലുങ്ക് സിനിമയിലും ബോളിവുഡിലും സ്വന്തമായി ഒരിടം കണ്ടെത്തിയ നടിയാണ്. ഫോർബ്സിന്റെ കണക്കനുസരിച്ച്, രശ്മികയുടെ ആസ്തി ഏകദേശം 66 കോടി രൂപയാണ്. അല്ലു അർജുനൊപ്പമുള്ള ഹിറ്റ് ചിത്രം 'പുഷ്പ 2: ദി റൂളി'നായി രശ്മിക ഏതാണ്ട് 10 കോടി രൂപ പ്രതിഫലം വാങ്ങിച്ചു എന്നും റിപ്പോർട്ടുകളുണ്ട്.

രശ്മികയും ആഡംബര ജീവിതം ആസ്വദിക്കുന്ന വ്യക്തിയാണ്. ബംഗളൂരുവിൽ 8 കോടി രൂപ വിലമതിക്കുന്ന ഒരു വസതിയും, കൂടാതെ മുംബൈ, ഗോവ, കൂർഗ്, ഹൈദരാബാദ് എന്നിവിടങ്ങളിലും സ്വത്തുക്കളുണ്ട്. രശ്മിക മന്ദാനയുടെ ജീവിതശൈലിയും അവരുടെ കരിയർ പോലെ ആഡംബരപൂർണ്ണമാണ്. ഓഡി Q3, റേഞ്ച് റോവർ സ്പോർട്ട്, ടൊയോട്ട ഇന്നോവ, ഹ്യുണ്ടായ് ക്രെറ്റ, മെഴ്‌സിഡസ് ബെൻസ് സി-ക്ലാസ് എന്നിവ ഉൾപ്പെടുന്ന ആഢംബര കാറുകളുടെ വലിയൊരു ശേഖരം രശ്മികയ്ക്കുണ്ട്.

36 വയസ്സാണ് വിജയ് ദേവരകൊണ്ടയുടെ പ്രായം. അതേ സമയം 29 വയസ്സാണ് രശ്മികയ്ക്ക് പ്രായം.

ഡിഎൻഎ റിപ്പോർട്ട് പ്രകാരം, ഹൈദരാബാദിലെ ഫിലിം നഗറിലുള്ള വിജയുടെ ബംഗ്ലാവിന് ഏകദേശം 15 കോടി മതിപ്പുവിലയുണ്ട്. ഒന്നിലധികം നിലകളുള്ള ഈ വീട്ടിൽ ഒരു വലിയ പൂന്തോട്ടം, ടെറസ് ബാൽക്കണി, ബാർ, വിശാലമായ ലിവിംഗ് ഏരിയകൾ എന്നിവയുണ്ട്. കുടുംബത്തോടും വളർത്തുനായ സ്റ്റോമിനോടും ഒപ്പം താരം ഇവിടെയാണ് താമസിക്കുന്നത്. മഹേഷ് ബാബു, അല്ലു അർജുൻ, ചിരഞ്ജീവി തുടങ്ങിയ താരങ്ങൾ താമസിക്കുന്നതിനു അടുത്താണ് ഈ വീടും സ്ഥിതി ചെയ്യുന്നത്.

വിജയ്ക്ക് ആഢംബര കാറുകളോടുള്ള ഇഷ്ടവും പ്രശസ്തമാണ്. താരത്തിന്റെ ശേഖരത്തിൽ ഏകദേശം 61.48 ലക്ഷം രൂപ വിലയുള്ള ബിഎംഡബ്ല്യു 5 സീരീസ്, 75 ലക്ഷം രൂപ വിലയുള്ള ഫോർഡ് മസ്താങ്, 85 ലക്ഷം രൂപ വിലയുള്ള വോൾവോ XC90, 64 ലക്ഷം രൂപ വിലമതിക്കുന്ന റേഞ്ച് റോവർ എന്നിവ ഉൾപ്പെടുന്നു.

വിജയ് ദേവരകൊണ്ടയുടെയും രശ്മിക മന്ദാനയുടെയും ആകെ ആസ്തി ഏകദേശം 116 കോടി രൂപയാണ്.