ഉയിരിന്റെയും ഉലകത്തിന്റെയും യഥാർത്ഥ പേര് വെളിപ്പെടുത്തി വിഘ്‌നേഷ് ശിവൻ

ഒക്‌ടോബർ 9നാണ് നയൻതാരയും വിഘ്‌നേഷും തങ്ങളുടെ ഇരട്ടകുട്ടികളായ ഉയിരിനെയും ഉലകത്തെയും സമൂഹമാധ്യമങ്ങളിലൂടെ പരിചയപ്പെടുത്തിയത്. ഇതാ ഇപ്പോൾ കുട്ടികളുടെ യഥാർത്ഥ പേരുകൾ ആരാധകരെ അറിയിച്ചിരിക്കുകയാണ് താരങ്ങൾ.

ഉയിർ- രുദ്രോനീൽ എൻ ശിവൻ, ഉലക് - ദൈവിക് എൻ ശിവൻ എന്നിങ്ങനെയാണ് പേരുകൾ നൽകിയിരിക്കുന്നത്. 'എൻ' എന്ന അക്ഷരം ലോകത്തെ ഏറ്റവും നല്ല അമ്മയെ സൂചിപ്പിക്കുന്നു എന്നാണ് വിഘ്നേഷ് കുറിച്ചിരിക്കുന്നത്. നയൻതാരയുടെ ആദ്യ അക്ഷരമായ എൻ ആണ് പേരുകൾക്കൊപ്പം ചേർത്തിരിക്കുന്നത്. കുട്ടികൾക്കൊപ്പം ഇരുവരുമിരിക്കുന്ന ചിത്രവും വിഘ്നേഷ് പങ്കുവച്ചിട്ടുണ്ട്.

ഇതുവരെയും താരങ്ങൾ കുട്ടികളുടെ മുഖം വ്യക്തമാക്കുന്ന ചിത്രങ്ങളൊന്നും തന്നെ ഷെയർ ചെയ്തിട്ടില്ല. ദീപാവലി, പൊങ്കൽ, ക്രിസ്മസ് എന്നീ ആഘോഷങ്ങൾക്ക് കുടുംബസമേതമുള്ള ചിത്രങ്ങൾ വിഘ്നേഷ് പങ്കുവച്ചിരുന്നു.

ഏഴു വര്‍ഷത്തെ പ്രണയത്തിനു ശേഷം ജൂണ്‍ 9 നാണ് വിഘ്‌നേഷ് നയന്‍താരയുടെ കഴുത്തില്‍ താലി ചാര്‍ത്തിയത്. കുടുംബജീവിതത്തിൽ കൂടൂതൽ അദ്ധ്യായങ്ങൾ തുറക്കുമ്പോഴും തൻെറ കരിയറിലും മികച്ച മുന്നേറ്റങ്ങൾക്കായി ഒരുങ്ങുകയാണ് നയൻതാര. അറ്റ്ലിയുടെ സംവിധാനത്തിലൊരുങ്ങുന്ന ഷാരൂഖ് ഖാൻ -നയൻതാര ചിത്രം 'ജവാൻ' അണിയറയിൽ ഒരുങ്ങുന്നുണ്ട്.