വിദ്യാ ബാലന്റെ നാല്പതാം ജന്മദിനം: സര്‍പ്രൈസ് സമ്മാനവുമായി ഭര്‍ത്താവ് സിദ്ധാര്‍ഥ്

ബോളിവുഡ് താരമാണെങ്കിലും ദക്ഷിണേന്ത്യക്ക് പ്രിയങ്കരിയാണ് വിദ്യ ബാലന്‍. പ്രത്യേകിച്ചും മലയാളികള്‍ക്ക്. ഇക്കഴിഞ്ഞ പുതുവര്‍ഷ ദിനത്തില്‍, അതായത് ജനുവരി ഒന്നിനാണ് വിദ്യ ബാലന്‍ തന്റെ നാല്പതാം ജന്മദിനം ആഘോഷിച്ചത്. വിദ്യയ്ക്ക് ജന്മദിന സമ്മാനമായി ഭര്‍ത്താവ് സിദ്ദാര്‍ത്ഥ് റോയ് കപൂര്‍ നല്‍കിയത് ഒരു കിടിലൻ സര്‍പ്രൈസ് ആയിരുന്നു.

ബംഗാളി ചിത്രം ഭലോ ദേഖോയിലൂടെ 2003ലാണ് വിദ്യ സിനിമാ രംഗത്ത് അരങ്ങേറ്റം കുറിച്ചതെങ്കിലും, 2005ല്‍ പുറത്തിറങ്ങിയ പരിനീത ആയിരുന്നു വിദ്യ ബാലന്റെ ആദ്യ ബോളിവുഡ് ചിത്രം. എങ്കിലും വിദ്യ ബാലന്റെ എക്കാലത്തേയും ആഗ്രഹം 1960-70 കാലഘട്ടങ്ങളിലെ നടിയാകാനാണ്. ഒടുവില്‍ ഒരുവിധം ആ ആഗ്രഹം സാധിച്ചു കൊടുത്തിരിക്കുകയാണ് ഭര്‍ത്താവ് സിദ്ദാര്‍ത്ഥ്.

View this post on Instagram

Ive often said i was born too late and that i would’ve loved to be an actor in the 60’s & 70’s. My special someone ,#siddarthroykapur took me seriously and guess what!?? ... He got my face printed onto posters of some of the films that released in 1979 ,the year i was born !! #Canyoubelievethis!?

A post shared by Vidya Balan (@balanvidya) on Jan 3, 2019 at 12:41am PST

വിദ്യ ബാലന്‍ ജനിച്ച വര്‍ഷമായ 1979ല്‍ പുറത്തിറങ്ങിയ ചില ചിത്രങ്ങളുടെ പോസ്റ്ററുകളില്‍, വിദ്യയുടെ കൂടി ചിത്രങ്ങള്‍ പ്രിന്റ് ചെയ്തുകൊണ്ടാണ് സിദ്ദാര്‍ത്ഥ് തന്റെ പ്രിയതമയ്ക്ക് സര്‍പ്രൈസ് നല്‍കിയത്. '1979ല്‍ ജനിച്ച ഒരു താരം,' എന്ന് വലിയ അക്ഷരത്തില്‍ എഴുതിയിട്ടുമുണ്ട്.

'ഗോല്‍ മാല്‍', 'മിസ്റ്റര്‍ നട്വര്‍ലാല്‍', 'സുഹാഗ്', 'മുഖാബ്‌ല, 'നൂറി', 'ജാനി ദുഷ്മാന്‍', 'ജന്ദാര്‍' തുടങ്ങി നിരവധി ചിത്രങ്ങളുടെ പോസ്റ്ററുകളില്‍ സിദ്ദാര്‍ത്ഥ് വിദ്യയുടെ ചിത്രം പ്രിന്റ് ചെയ്തിട്ടുണ്ട്.