'ആഭാസ'ത്തിന്‍റെ പ്രതിഷേധം പ്രേക്ഷകസമക്ഷമെത്തിക്കാന്‍ അഭിമാനമെന്ന് പാര്‍വ്വതി

'ആഭാസ'ത്തിലെ പ്രതിരോധ ഗാനമായ 'വിടരുതിവിടെ' നടി പാര്‍വ്വതി തന്‍റെ ഫെയ്സ്ബുക്കിലൂടെ പ്രേക്ഷകര്‍ക്കായി പങ്കുവച്ചു. റിമ കല്ലിങ്കല്‍, സുരാജ് വെഞ്ഞാറമൂട് തുടങ്ങിയവര്‍ മുഖ്യ വേഷത്തിലഭിനയിക്കുന്ന ചിത്രത്തിന് മികച്ച പ്രതികരണമാണ് ലഭിക്കുന്നത്.

സുരാജ് വെഞ്ഞാറമൂടാണ് ഗാനത്തില്‍ അഭിനയിച്ചിരിക്കുന്നത്. ചിത്രത്തിന്‍റെ സ്വഭാവം വിളിച്ചോതുന്നതാണ് ഗാനം. പ്രതിഷേധ ഗാനങ്ങളിലൂടെ ശ്രദ്ധേയരായ ഊരാളി ബാന്റാണ് ഗാനം തയ്യാറാക്കിയിരിക്കുന്നത്.

'ആര്‍ഷഭാരത സംസ്‌കാരം' എന്നതിന്‍റെ ചുരുക്കമായ 'ആഭാസം' ഭരണകൂട ഭീകരതകളേയും കപട സദാചാരവാദത്തേയും ശക്തമായി എതിര്‍ക്കുന്ന ചിത്രമാണ്.