Valsala Club OTT: വത്സല ക്ലബ് ഒടിടിയിൽ എവിടെ കാണാം?

Valsala Club OTT Release Date & Platform: നവാഗതനായ അനുഷ് മോഹൻ സംവിധാനം ചെയ്ത കോമഡി ചിത്രം  'വത്സല ക്ലബ്ബ്' ഒടിടി റിലീസിനൊരുങ്ങുന്നു.  ദീപാവലി റിലീസായാണ് ചിത്രം ഒടിടിയിലേക്ക് എത്തുന്നത്. 

Also Read: അന്ന് പൂവുമായി പിറകെ നടന്നവൻ; ഇന്ന് 'മേരി'യുടെ നായകൻ

രൂപേഷ് പീതാംബരൻ, വിനീത് തട്ടിൽ, കാർത്തിക് ശങ്കർ, 'ആക്ഷൻ ഹീറോ ബിജു' ഫെയിം അരിസ്റ്റോ സുരേഷ്, മല്ലിക സുകുമാരൻ, അഖിൽ കവലയൂർ, ജിബിൻ ഗോപിനാഥ്, അനിൽ രാജ്, അരുൺ സോൾ, ദീപു കരുണാകരൻ, വിശാഖ്, ഗൗരി, പ്രിയ ശ്രീജിത്ത്, ബിനോജ് കുളത്തൂർ, രാഹുൽ നായർ, ദീപു നാവായിക്കുളം എന്നിവരാണ് ചിത്രത്തിലെ പ്രധാന അഭിനേതാക്കൾ. ചിത്രത്തിൽ ധ്യാൻ ശ്രീനിവാസനും ശ്രദ്ധേയ വേഷത്തിൽ എത്തുന്നുണ്ട്.

 ഭാരതക്കുന്നി എന്ന സാങ്കൽപ്പിക പട്ടണത്തിൽ നടക്കുന്ന കഥയാണ് ചിത്രം പറയുന്നത്.  കല്യാണങ്ങൾ മുടക്കുന്നത് മോശമായി കാണുന്നതിനു പകരം ഒരു ആഘോഷമായി കൊണ്ടാടുന്ന വിചിത്രമായ ആചാരം അവിടെ നിലനിൽക്കുന്നു. സ്വന്തം വീട്ടിലെ ചെറുപ്പക്കാരുടെ വിവാഹം മുടക്കുന്നതിൽ കുടുംബാംഗങ്ങൾ സന്തോഷം കണ്ടെത്തുകയും, അത് നന്നായി ചെയ്യുന്നവർക്ക് 'മുടക്ക് ദണ്ഡ്' എന്ന ബഹുമതി ലഭിക്കുകയും ചെയ്യുന്നു.

Also Read: The Pet Detective Review: ഇത് ഷറഫുദ്ദീന്റെ 'സിഐഡി മൂസ'; ഫൺ റൈഡായി ദി പെറ്റ് ഡിറ്റക്ടീവ്, റിവ്യൂ

യുവജനങ്ങളുടെ കൂട്ടായ്മയായ 'വത്സല ക്ലബ്ബ്' ഈ ആചാരത്തെ എതിർക്കാൻ തീരുമാനിക്കുന്നു. അവരുടെ പ്രതിഷേധം കാരണം പാരമ്പര്യവും ആധുനികതയും തമ്മിൽ ഏറ്റുമുട്ടൽ ഉണ്ടാകുന്നു. ഈ സമയത്ത് പട്ടണത്തിലേക്കുള്ള ഒരു യുവതിയുടെ വരവ് അവരുടെ ലക്ഷ്യങ്ങളെ കൂടുതൽ വഴിതിരിച്ചുവിടുന്നു.  

Also Read: ലോകത്തിലെ ഏറ്റവും സുന്ദരിമാരായ 10 സ്ത്രീകളിൽ ഒരാൾ ദീപിക; മറ്റുള്ളവർ ആരൊക്കെ?

ഫൈസ് ജമാൽ തിരക്കഥ  ഒരുക്കിയ ചിത്രത്തിന്റെ ഛായാഗ്രഹണം രാകേഷ് അശോകും എഡിറ്റിംഗ് ഷൗരിനാഥും നിർവ്വഹിച്ചിരിക്കുന്നു. 

View this post on Instagram

A post shared by manoramaMAX (@manoramamax)

മനോരമ മാക്സ് ആണ് ചിത്രത്തിന്റെ സ്ട്രീമിംഗ് അവകാശം സ്വന്തമാക്കിയത്. ഒക്ടോബർ 19ന് ചിത്രം  മനോരമ മാക്സിൽ സ്ട്രീമിംഗ് ആരംഭിക്കും. 

Also Read: അനിയത്തിപ്രാവിലെ ഞങ്ങളുടെ മിനിയെ വീണ്ടും കണ്ടേ; വൈറലായി ശാലിനിയുടെ വീഡിയോ