Latest News

തകർപ്പൻ ആക്ഷനുമായി വിസ്മയിപ്പിക്കാൻ അജിത് വീണ്ടും; കാത്തിരിപ്പിനൊടുവിൽ വലിമൈ ട്രെയിലർ എത്തി

അജിത്തിന്റെ ആരാധകരെ തൃപ്തിപ്പെടുത്താൻ പ്രതീക്ഷിക്കുന്നതെല്ലാം ചിത്രത്തിലുണ്ടെന്ന് സൂചിപ്പിക്കുന്നതാണ് ട്രെയ്ലർ

Valimai trailer, Valimai movie trailer, Valimai movie, ajith kumar, Valimai release date, h vinoth, boney kapoor, Valimai, ajith, അജിത്ത്, വലിമൈ, IE Malayalam

ഏറെ പ്രതീക്ഷയോടെ കാത്തിരിക്കുന്ന അജിത് കുമാർ ചിത്രം വലിമൈയുടെ ട്രെയിലർ വ്യാഴാഴ്ച പുറത്തിറങ്ങി. സംവിധായകൻ എച്ച് വിനോദിന്റെ 2017ൽ പുറത്തിറങ്ങിയ തീരൻ അധികാരം ഒണ്ട്ര് എന്ന ചിത്രത്തിലെ സമാനമായ ഒരു രംഗം ഓർമ്മിപ്പിക്കുന്ന ചേസ് സീക്വൻസോടെയാണ് ട്രെയിലർ ആരംഭിക്കുന്നത്. ഓടിക്കൊണ്ടിരിക്കുന്ന ഒരു ബസിൽ രസകരമായ ആക്ഷൻ സീക്വൻസ് അവതരിപ്പിക്കുന്ന തരത്തിലാണ് സീക്വൻസ്.

സംഘടിത കുറ്റകൃത്യങ്ങളുടെ ഇതിവൃത്തം ആവിഷ്കരിക്കാനും ഈ ചിത്രത്തിൽ സംവിധായകൻ ശ്രമിക്കുന്നതായി ടീസർ സൂചിപ്പിക്കുന്നു.. തീരൻ അധികാരം ഒണ്ട്രിൽ, ലോറികളിൽ സഞ്ചരിക്കുന്ന കൊള്ളക്കാരുടെ കഥയാണ് സംവിധായകൻ പറഞ്ഞത്. വലിമൈയിൽ അദ്ദേഹം എടിഎം ക്യാഷ് വാനുകൾ ലക്ഷ്യമിടുന്നതായി തോന്നുന്ന ഒരു ചെറുപ്പക്കാരന്റെയും സംഘത്തിന്റെയും കഥ അദ്ദേഹം പറയുന്നു. പരസ്പരം അഭിവാദ്യം ചെയ്യുന്നതിനും ഒരു യൂണിറ്റായി പ്രവർത്തിക്കുന്നതിനും അവരുടേതായ രീതിയുള്ള ഒരു സംഘത്തെയാണ് ഇതിൽ കാണിച്ചിരിക്കുന്നത്.

ഈ കൊള്ളസംഘത്തെ നേരിടുന്ന പൊലീസുകാരനായി അജിത് അവതരിപ്പിക്കുന്ന കഥാപാത്രം എത്തുന്നു.പോലീസ് ഡിപ്പാർട്ട്‌മെന്റ് ഈ സംഘത്തിന്റെ ചതിയിൽ വീഴുകയും അജിത്തിന്റെ കഥാപാത്രത്തെ സസ്പെൻഡ് ചെയ്യുകയും ചെയ്യുന്നതായി ട്രെയിലർ വിലയിരുത്തുമ്പോൾ കാണാം. അതിനാൽ, സംഘത്തെ തകർക്കുക എന്നത് അജിത്ത് തന്റെ വ്യക്തിപരമായ ദൗത്യമായി മാറ്റുകയാണെന്ന് തോന്നുന്നു.

അജിത്ത് കെട്ടിടത്തിൽ നിന്ന് കെട്ടിടത്തിലേക്ക് ബൈക്ക് ഓടിക്കുന്നത് പോലുള്ള സാഹസിക രംഗങ്ങൾ അടങ്ങിയതാണ് ട്രെയ്ലർ. അജിത്തിന്റെ ആരാധകരെ തൃപ്തിപ്പെടുത്താൻ പ്രതീക്ഷിക്കുന്നതെല്ലാം ചിത്രത്തിലുണ്ടെന്ന് തോന്നുന്നു.

അജിത്തിനും എച്ച് വിനോദിനുമൊപ്പം ബോണി കപൂർ രണ്ടാമതായി ഒരുമിക്കുന്ന ചിത്രമാണ് വലിമൈ. നേരത്തെ, ബോളിവുഡ് ചിത്രമായ പിങ്കിന്റെ തമിഴ് റീമേക്കായ നേർകൊണ്ട പാർവൈ എന്ന ചിത്രത്തിനായി മൂവരും സഹകരിച്ചിരുന്നു. 2022-ലെ പൊങ്കൽ അവധിക്കാലത്ത് വലിമൈ സിനിമാ തിയേറ്ററുകളിൽ റിലീസ് ചെയ്യുമെന്ന് നിർമ്മാതാക്കൾ അറിയിച്ചു.

വലിമൈയുടെ റിലീസിന് ശേഷം ബോണിയും അജിത്തും വിനോദും മറ്റൊരു ചിത്രത്തിനായി ഒന്നിക്കുന്നുണ്ട്. എന്നിരുന്നാലും, നിർമ്മാതാക്കൾ ഇതുവരെ പ്രൊജക്റ്റ് ഔദ്യോഗികമായി പ്രഖ്യാപിച്ചിട്ടില്ല.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Valimai trailer ajith kumar vinoth boney kapoor

The moderation of comments is automated and not cleared manually by malayalam.indianexpress.com