Latest News

സാമി 2 വിൽനിന്നും പിന്മാറിയതിന്റെ കാരണം വെളിപ്പെടുത്തി തൃഷ

ചിത്രത്തിൽനിന്നും തൃഷയെ നീക്കിയത് എന്തുകൊണ്ടാണെന്ന് അണിയറപ്രവർത്തകർ വ്യക്തമാക്കിയിരുന്നില്ല

trisha, saamy 2

ചിയാൻ വിക്രമിന്റെ ഹിറ്റ് ചിത്രമാണ് സാമി. ചിത്രത്തിന്റെ രണ്ടാം ഭാഗത്തിന്റെ ചിത്രീകരണം പുരോഗമിക്കുകയാണ്. ആദ്യ ഭാഗം സംവിധാനം ചെയ്ത ഹരി തന്നെയാണ് രണ്ടാം പതിപ്പായ സാമി 2 വിന്റെയും സംവിധായകൻ. പക്ഷേ രണ്ടാം ഭാഗത്തിൽ തൃഷയല്ല നായിക. മറിച്ച് കീർത്തി സുരേഷാണ് വിക്രമിന്റെ നായികയായി സാമി 2 വിൽ എത്തുന്നത്.

Reda More: ‘സുചിത്ര ലീക്സി’ല്‍ ഞെട്ടി തെന്നിന്ത്യന്‍ സിനിമാലോകം’; തൃഷയുടേയും റാണാ ദഗുപതിയുടേയും സ്വകാര്യ ചിത്രം പുറത്ത്

ചിത്രത്തിൽ തൃഷയും കീർത്തിയും നായികമാരാകും എന്നായിരുന്നു പുറത്തുവന്ന റിപ്പോർട്ടുകൾ. പക്ഷേ പിന്നീട് കീർത്തിയെ മാത്രം നായികയാക്കുകയായിരുന്നു. ചിത്രത്തിൽനിന്നും തൃഷയെ നീക്കിയത് എന്തുകൊണ്ടാണെന്ന് അണിയറപ്രവർത്തകർ വ്യക്തമാക്കിയിരുന്നില്ല. ഇപ്പോഴിതാ എന്തുകൊണ്ട് സാമി 2 വിൽനിന്നും പിന്മാറിയെന്ന് തൃഷ തന്നെ വ്യക്തമാക്കിയിരിക്കുകയാണ്. തന്റെ ട്വിറ്റർ പേജിലൂടെയാണ് തൃഷ ഇക്കാര്യം അറിയിച്ചത്.

Read More: ധനൂഷിന്റേയും ആന്‍ഡ്രിയയുടേയും തൃഷയുടേയും സ്വകാര്യ ചിത്രങ്ങള്‍ പുറത്തുവിട്ട് ഗായിക സുചിത്ര

ചില സർഗാത്മകമായ അഭിപ്രായ വ്യത്യാസങ്ങളെത്തുടർന്ന് താൻ തന്നെയാണ് സാമി 2 വിൽനിന്ന് പിന്മാറിയതെന്ന് തൃഷ ട്വിറ്ററിൽ കുറിച്ചു. ഒപ്പം സാമി 2 വിന് എല്ലാവിധ ആശംസകളും തൃഷ നേർന്നിട്ടുണ്ട്.

2003 ൽ പുറത്തിറങ്ങിയ സാമിയിൽ പൊലീസ് ഓഫിസറുടെ വേഷമായിരുന്നു വിക്രമിന്റേത്. ചിത്രം വൻ ഹിറ്റായിരുന്നു. സാമി 2 വിൽ ബോബി സിൻഹയാണ് വില്ലൻ. വിക്രമും ബോബി സിൻഹയും തമ്മിലുളള രംഗങ്ങളായിരിക്കും ചിത്രത്തിന്റെ ഹൈലൈറ്റ്.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Trisha opts out of saamy 2 citing creative differences

Next Story
സ്വവര്‍ഗാനുരാഗവും മലയാള സിനിമയുംlesbian, malayalam, movies
The moderation of comments is automated and not cleared manually by malayalam.indianexpress.com