ബക്കറ്റ് ലിസ്റ്റിലെ ഒരു സ്വപ്നം കൂടി സാക്ഷാത്കരിച്ചു: സന്തോഷം പങ്കിട്ട് ടൊവിനോ തോമസ്

യാത്രകൾ ഏറെ ഇഷ്ടപ്പെടുന്ന താരങ്ങളിൽ ഒരാളാണ് ടൊവിനോ തോമസ്. സിനിമ തിരക്കുകളിൽ നിന്നും ബ്രേക്ക്  എടുത്ത് ഇടയ്ക്ക് കുടുംബത്തോടൊപ്പവും സുഹൃത്തുക്കൾക്കൊപ്പവുമൊക്കെ ധാരാളം യാത്രകൾ നടത്താൻ സമയം കണ്ടെത്താറുണ്ട് ടൊവിനോ.

Also Read: ഇത് അവരുടെ കുടുംബപ്രശ്നം, നമ്മളിതിൽ ഇല്ല; ധ്യാനിനെ ഓടിച്ചിട്ട് തല്ലി വിനീത്; വൈറൽ രംഗം

ഇപ്പോഴിതാ, ലോകത്തെ ഏതൊരു സഞ്ചാരിയെയും പോലെ താൻ ഏറെ കാലമായി കൊതിച്ചിരുന്ന ഒരു 'ബക്കറ്റ് ലിസ്റ്റ്' സ്വപ്നം പൂർത്തിയായതിന്റെ ആവേശത്തിലാണ് താരം. 

ഭൂമിയിലെ ഏറ്റവും മനോഹരമായ പ്രകൃതി പ്രതിഭാസങ്ങളിൽ ഒന്നായ നോർത്തേൺ ലൈറ്റ്‌സ് (Northern Lights) അഥവാ ധ്രുവദീപ്തി നേരിൽ കണ്ടിരിക്കുകയാണ് ടൊവിനോ. "ആ ബക്കറ്റ് ലിസ്റ്റും പൂർത്തിയായി" എന്ന് കുറിച്ചുകൊണ്ടാണ് ടൊവിനോ ഈ വിസ്മയ കാഴ്ചയുടെ വീഡിയോ പങ്കുവെച്ചത്.

Also Read: ശ്രീദേവിയുമായി സണ്ണി അമേരിക്കയിൽ, മാടമ്പള്ളി മോടിപിടിപ്പിച്ച് നകുലനും ഗംഗയും; വർഷങ്ങൾക്കു ശേഷം മണിച്ചിത്രത്താഴ്

View this post on Instagram

A post shared by Tovino⚡️Thomas (@tovinothomas)

എന്താണ് നോർത്തേൺ ലൈറ്റ്‌സ്?
ആകാശത്ത് പ്രകൃതി ഒരുക്കുന്ന വിസ്മയകരമായ ഒരു പ്രകാശ വിരുന്നാണിത്. വടക്കൻ ധ്രുവപ്രദേശങ്ങളിൽ കാണപ്പെടുന്നതിനാൽ ഇതിനെ അറോറ ബോറിയാലിസ് (Aurora Borealis) എന്നും വിളിക്കുന്നു. തെക്കൻ ധ്രുവത്തിലാണ് ഇത് സംഭവിക്കുന്നതെങ്കിൽ ഇതിനെ 'അറോറ ഓസ്‌ട്രാലിസ്' എന്നാണ് വിളിക്കുക. രാത്രികാലങ്ങളിൽ ആകാശത്ത് പച്ച, ചുവപ്പ്, നീല, മഞ്ഞ നിറങ്ങൾ വലിയ തിരശ്ശീലകൾ പോലെ ഇളകിയാടുന്ന കാഴ്ച ആരെയും വിസ്മയിപ്പിക്കുന്നതാണ്.

Also Read:  അവിടെ പാലുകാച്ചൽ, ഇവിടെ കല്യാണം; ശ്രീനിവാസന്റെ ചിറകൊടിഞ്ഞ കിനാക്കളിൽ ധ്യാനും വിനീതും നവ്യയും, എഐ വീഡിയോ

View this post on Instagram

A post shared by Tovino⚡️Thomas (@tovinothomas)

ഈ പ്രകാശ വിസ്മയത്തിന് പിന്നിലെ ശാസ്ത്രം
നോർത്തേൺ ലൈറ്റ്‌സ് വെറുമൊരു കാഴ്ചയല്ല, മറിച്ച് സൂര്യനും ഭൂമിയും തമ്മിലുള്ള സങ്കീർണ്ണമായ ഒരു ശാസ്ത്രീയ പ്രക്രിയയുടെ ഫലമാണ്. സൗരയൂഥത്തിലെ മനോഹരമായ പ്രതിഭാസമായ ധ്രുവദീപ്തി (Aurora) രൂപപ്പെടുന്നത് സൂര്യനിൽ നിന്നുള്ള കണികകളും ഭൂമിയുടെ കാന്തികമണ്ഡലവും തമ്മിലുള്ള സമ്പർക്കം മൂലമാണ്. 

സൂര്യനിൽ നിന്ന് നിരന്തരം പ്രവഹിക്കുന്ന ഇലക്ട്രോണുകളും പ്രോട്ടോണുകളും അടങ്ങിയ സൗരവാതം ഭൂമിക്ക് അടുത്തേക്ക് എത്തുമ്പോൾ, ഭൂമിയുടെ കാന്തികമണ്ഡലം അവയെ തടഞ്ഞുനിർത്തുകയും വടക്ക്, തെക്ക് ധ്രുവപ്രദേശങ്ങളിലേക്ക് തിരിച്ചുവിടുകയും ചെയ്യുന്നു. ഇത്തരത്തിൽ ധ്രുവങ്ങളിലെത്തുന്ന ഇലക്ട്രോണുകളും പ്രോട്ടോണുകളും അന്തരീക്ഷത്തിലെ ഓക്സിജൻ, നൈട്രജൻ തുടങ്ങിയ വാതകങ്ങളുമായി കൂട്ടിയിടിക്കുകയും, ഈ പ്രക്രിയയിലൂടെ പുറത്തുവിടുന്ന ഊർജ്ജം അതിമനോഹരമായ പ്രകാശമായി മാറുകയും ചെയ്യുന്നു. 

എവിടെ, എപ്പോൾ കാണാം?
സൂര്യന്റെ പ്രവർത്തനങ്ങൾ (Solar Activity) കൂടുന്ന സമയത്താണ് നോർത്തേൺ ലൈറ്റ്‌സ് കൂടുതൽ വ്യക്തമായി കാണാൻ സാധിക്കുന്നത്. സാധാരണയായി സെപ്റ്റംബർ മുതൽ മാർച്ച് വരെയുള്ള മാസങ്ങളാണ് ഇവ കാണാൻ ഏറ്റവും അനുയോജ്യം.

നോർവേ, ഐസ്‌ലാൻഡ്, സ്വീഡൻ, ഫിൻലാൻഡ്, കാനഡ, അലാസ്ക, ഗ്രീൻലാൻഡ് എന്നിവിടങ്ങളിലാണ് പ്രധാനമായും  ഈ കാഴ്ച കാണാനാവുക. 

തന്റെ തിരക്കേറിയ സിനിമാ ജീവിതത്തിനിടയിലും പ്രകൃതിയുടെ ഈ അപൂർവ്വ പ്രതിഭാസം ആസ്വദിക്കാൻ സമയം കണ്ടെത്തിയ ടൊവിനോയ്ക്ക് കയ്യടിക്കുകയാണ് ആരാധകർ.  ലക്ഷക്കണക്കിന് രൂപ ചിലവഴിച്ചും ദിവസങ്ങളോളം കാത്തിരുന്നും സഞ്ചാരികൾ തേടിപ്പോകുന്ന ഈ കാഴ്ച ടൊവിനോയുടെ യാത്രാ ജീവിതത്തിലെ ഏറ്റവും വലിയ നാഴികക്കല്ലുകളിൽ ഒന്നായി മാറിയിരിക്കുകയാണ്.

Also Read: നയൻതാരയോ കിയാരയോ? ടോക്സിക്കിൽ കൂടുതൽ പ്രതിഫലം വാങ്ങുന്നത് ആര്?