ആഘോഷം എന്തുമാവട്ടെ, കേക്ക് എന്റേത്; ചിത്രത്തിലെ നടിയെ മനസ്സിലായോ?

കേക്കിനു അരികിൽ പുഞ്ചിരിയോടെ നിൽക്കുന്ന പെൺകുട്ടി. കയ്യിൽ കത്തിയുമായി കേക്ക് വെട്ടാൻ റെഡിയാണ് കക്ഷി. അരികെ അച്ഛനും അമ്മയും. ഈ ചിത്രത്തിലുള്ള മിടുക്കിക്കുട്ടിയെ ഇന്നു മലയാളികൾ അറിയും.

കേക്ക് മുറിക്കാൻ ഉത്സാഹത്തോടെ നിൽക്കുന്ന ആ കൊച്ചു കുട്ടി സംവൃതയാണ്. മലയാളികളുടെ പ്രിയപ്പെട്ട നടി സംവൃത സുനിൽ. സംവൃത തന്നെയാണ് ഈ ചിത്രം സമൂഹമാധ്യമങ്ങളിൽ ഷെയർ ചെയ്തത്.

ലാല്‍ ജോസിന്റെ സംവിധാനത്തില്‍ ഒരുങ്ങിയ രസികനിലെ തങ്കിയെ ആര്‍ക്കും മറക്കാനാകില്ല. നിഷ്‌ക്കളങ്കയായ ആ പെണ്‍ക്കുട്ടിയെ മലയാളികള്‍ ഇരു കൈയ്യും നീട്ടി സ്വീകരിച്ചു. പിന്നീട് ചോക്ലേററ്, ഡയമണ്ട് നെക്ലെസ്, അയാളും ഞാനും തമ്മില്‍, വാസ്തവം തുടങ്ങിയ ചിത്രങ്ങളിലൂടെ സംവൃത സുനില്‍ എന്ന അഭിനേത്രി പ്രേക്ഷക ശ്രദ്ധ നേടി

ഡയമണ്ട് നെക്ലെസിലെ മായ എന്ന കഥാപാത്രത്തിന് സൈമ, ഫിലിം ഫെയര്‍ തുടങ്ങിയ അംഗീകാരങ്ങളും ലഭിച്ചു. 101 വെഡ്ഡിങ്ങ്‌സ് എന്ന ചിത്രത്തിനു ശേഷം വിവാഹിതയായ നടി പിന്നീട് തിരിച്ചെത്തുന്നത് നായികാ നായകന്‍ പരിപാടിയില്‍ വിധിക്കര്‍ത്താവായാണ്.

ഇടയ്ക്കാലത്ത് സത്യം പറഞ്ഞാൽ വിശ്വസിക്കുവോ എന്ന ചിത്രത്തിൽ നായികയായി സംവൃത അഭിനയത്തിലേക്ക് തിരിച്ചെത്തിയിരുന്നു.

ഭര്‍ത്താവ് അഖിൽ രാജിനും രണ്ട് ആണ്‍ക്കുട്ടികൾക്കുമൊപ്പം അമേരിക്കയിലാണ് സംവൃതയുടെ താമസം.