അമ്മയുടെ തനിപകർപ്പായ മകൾ; അമ്മയ്ക്ക് ഒപ്പമിരിക്കുന്ന ഈ നടിയെ മനസ്സിലായോ?

Throwback: തെന്നിന്ത്യയുടെ പ്രിയപ്പെട്ട നടിമാരിൽ ഒരാളാണ് ഈ ചിത്രത്തിലുള്ളത്. അമ്മയുടെ മടിയിലിരിക്കുന്ന ഈ നടി ആരെന്നു മനസ്സിലായോ? കൗതുകകരമായൊരു കാര്യം, അമ്മയ്ക്ക് നടിയുടെ ഇന്നത്തെ രൂപവുമായി സാമ്യമുണ്ട് എന്നതാണ്.

നൃത്തം കൊണ്ടും അഭിനയം കൊണ്ടും മാത്രമല്ല, തന്റെ ലളിതമായ ജീവിതം കൊണ്ടും ആരാധകരെ അമ്പരപ്പിച്ച സായ് പല്ലവിയാണ് ചിത്രത്തിലുള്ളത്.

ഗ്ലാമർ ഇൻഡസ്ട്രി എന്നു വിളിപ്പേരുള്ള സിനിമാലോകത്ത് എത്തിയിട്ടുപോലും വലിയ മാറ്റമൊന്നും വന്നിട്ടില്ല സായ് പല്ലവിയ്ക്ക്. മേക്കപ്പ് ഉപയോഗിക്കാതെയാണ് സായി പൊതുചടങ്ങുകളിൽ പ്രത്യക്ഷപ്പെടാറുണ്ട്. തന്റെ പല സിനിമകളിലും മേക്കപ്പ് ഇല്ലാതെയാണ് സായി അഭിനയിച്ചിട്ടുള്ളത്.

വിലകൂടിയ വസ്ത്രങ്ങൾ, അത്യാധുനിക മേക്കപ്പ് പ്രൊഡക്റ്റുകൾ ഇതൊന്നും സായ് പല്ലവിയുടെ ജീവിതശൈലിയെ സ്വാധീനിച്ചിട്ടേയില്ലെന്നു വേണം പറയാൻ.

നാഗ ചൈതന്യയ്ക്ക് ഒപ്പം അഭിനയിച്ച തണ്ടേൽ ആണ് ഒടുവിൽ തിയേറ്ററുകളിലെത്തിയ സായ് പല്ലവി ചിത്രം.

സായ് പല്ലവിയുടേതായി നിരവധി സിനിമകൾ അണിയറയിൽ ഒരുങ്ങുന്നുണ്ട്. നിതേഷ് തിവാരിയുടെ രാമായണ അഡാപ്റ്റേഷനും ഇതിൽ പെടുന്നു.