മോഹൻലാൽ ചിത്രത്തിലൂടെ അഭിനയത്തിൽ അരങ്ങേറ്റം, മേക്കോവറിലൂടെ വൈറലാകാറുള്ള ഈ നടിയെ മനസിലായോ?

മോഹൻലാൽ ചിത്രമായ 'സാഗർ ഏലിയാസ് ജാക്കി'യിലെ ഒരു ചെറിയ വേഷത്തിലൂടെ അഭിനയ രംഗത്ത് അരങ്ങേറ്റം കുറിച്ച് ഈ കൊച്ചുമിടുക്കി പിന്നീട് തമിഴ് സിനിമയിലൂടെയാണ് ശ്രദ്ധേയയാകുന്നത്.

ഉണ്ണി മുകുന്ദൻ നായകനായി അഭിനയിച്ച 'ഒരു മുറൈ വന്ത് പാർത്തായ' എന്ന ചിത്രത്തിലൂടെ നായികാ പ്രാധാന്യമുള്ള കഥാപാത്രത്തെ അവതരിപ്പിച്ച പ്രയാഗ മാർട്ടിൻ്റെ കുട്ടിക്കാല ചിത്രമാണിത്.

2014ൽ പുറത്തിറങ്ങിയ 'പിശാശ്' എന്ന തമിഴ് ചിത്രമാണ് പ്രയാഗയെ ശ്രദ്ധയേയാക്കിയത്.

പിന്നീട് 'പാവ,' 'കട്ടപ്പനയിലെ ഋത്വിക് റോഷൻ,' 'ഒരേ മുഖം,' 'വിശ്വാസപൂർവ്വം മൻസൂർ,' 'പോക്കിരി സൈമൺ,' 'രാമലീല ഒരു പഴയ ബോംബ് കഥ,' 'ഭൂമിയിലെ മനോഹര സ്വാകാര്യം' തുടങ്ങി നിരവധി സിനിമകളിൽ അഭിനയിച്ചു.

ഫാഷൻ രംഗത്തു നിന്നും അഭിനയത്തിലേയ്ക്ക് ചേക്കേറിയ പ്രയാഗയുടെ വ്യത്യസ്ത ലുക്കുകൾ പലപ്പോഴും സോഷ്യൽ മീഡിയയിൽ വിമർശിക്കപ്പെട്ടിട്ടുണ്ട്.

അഭിനയവും മോഡലിങ്ങും കൂടാതെ ഒരു പ്രൊഫഷണൽ നൃത്തകി കൂടിയാണ് പ്രയാഗ.