അന്നേ സ്റ്റൈലിഷാണ് ആ മഞ്ഞ പാന്റുകാരി: മലയാളികൾക്കേറെ പ്രിയപ്പെട്ട ഈ നായികയെ മനസ്സിലായോ?

Throwback Thursday: അമ്മയ്ക്കും അച്ഛനും അനിയത്തിയ്ക്കുമൊപ്പം പിക്നിക്ക് ആഘോഷിക്കുന്ന ഒരു കൊച്ചുപെൺകുട്ടിയുടെ ചിത്രം കണ്ടില്ലേ? മഞ്ഞ പാന്റ് അണിഞ്ഞ ഒരു കുസൃതിക്കുട്ടി. ഈ പെൺകുട്ടിയെ ഇന്ന് മലയാളികൾ അറിയും. ആരാണ് ചിത്രത്തിലെ പെൺകുട്ടി എന്ന് ഊഹിക്കാമോ?

മലയാളികളുടെ പ്രിയനായികമാരിൽ ഒരാളായ സംവൃത സുനിൽ ആണ് ചിത്രത്തിലെ കൊച്ചുകുട്ടി. സംവൃതയുടെ സഹോദരിയായ സംജുക്ത സുനിലാണ് ചിത്രം ഷെയർ ചെയ്തിരിക്കുന്നത്.

രഞ്ജിത്ത് സംവിധാനം ചെയ്ത 'നന്ദന'ത്തിൽ ബാലാമണി എന്ന കഥാപാത്രത്തെ അവതരിപ്പിക്കാൻ സംവിധായകൻ ആദ്യം സമീപിച്ചത് സംവൃതയെ ആയിരുന്നു. എന്നാൽ അന്ന് ഒൻപതാം ക്ലാസ്സ് വിദ്യാർത്ഥിനിയായിരുന്ന സംവൃത ആ ക്ഷണം നിരസിച്ചു.

പിന്നീട് 2004ൽ ലാൽ ജോസ് സംവിധാനം ചെയ്ത 'രസികൻ' എന്ന ചിത്രത്തിലൂടെയായിരുന്നു സംവൃതയുടെ അരങ്ങേറ്റം.

അഭിനയത്തിൽ സജീവമല്ലെങ്കിലും ഇടയ്ക്കിടെ സമൂഹമാധ്യമങ്ങളിലൂടെ തന്റെ വിശേഷങ്ങൾ സംവൃത ആരാധകരുമായി പങ്കുവയ്ക്കാറുണ്ട്. കുടുംബത്തോടൊപ്പം യുഎസിലാണ് സംവൃതയുടെ താമസം.

അഖിൽ രാജാണ് സംവൃതയുടെ പങ്കാളി. അഗസ്ത്യ, രുദ്ര എന്നിങ്ങനെ രണ്ടു ആൺകുട്ടികളാണ് സംവൃതയ്ക്കും അഖിലിനും.