ഒരു കാലത്ത് ബോളിവുഡിൽ തിളങ്ങി നിന്ന നായിക; ഇപ്പോൾ എഴുത്തുകാരിയായ ഈ നടി ആരെന്ന് മനസ്സിലായോ?

ബോളിവുഡ് താരങ്ങളായ രാജേഷ് ഖന്നയുടെയും ഡിമ്പിൾ കപാഡിയയുടെയും മകളായ ട്വിങ്കിൾ ഖന്നയാണിത്.

അച്ഛനമ്മമാരുടെ വഴിയെ അഭിനയത്തിലേക്ക് എത്തിയ മകൾ പിന്നീട് അഭിനയത്തോട് വിട പറഞ്ഞ് ഇൻ്റീരിയർ ഡിസൈനിംഗിലേക്കും എഴുത്തിലേക്കുമെല്ലാം തിരിയുകയായിരുന്നു.

ട്വിങ്കിൾ വിവാഹം ചെയ്തതാവട്ടെ ബോളിവുഡിലെ സൂപ്പർതാരങ്ങളിലൊരാളായ അക്ഷയ് കുമാറിനെയും. 2001 ലാണ് അക്ഷയ് കുമാറും ട്വിങ്കില്‍ ഖന്നയും വിവാഹിതരായത്.

'സുല്‍മി', 'ഇന്റര്‍നാഷ്ണല്‍ ഖിലാഡി' തുടങ്ങിയ ചിത്രങ്ങളില്‍ അക്ഷയും ട്വിങ്കിളും ജോഡികളായി അഭിനയിക്കുകയും ചെയ്തു. ആ പരിചയം പിന്നീട് പ്രണയമായി മാറുകയായിരുന്നു.

ആരവ്, നിതാര എന്നിങ്ങനെ രണ്ട് കുട്ടികളാണ് അക്ഷയ്ക്കും ട്വിങ്കിളിനും ഉള്ളത്.

'മിസ്സിസ് ഫണ്ണിബോൺസ്, 'ദി ലെജൻഡ് ഓഫ് ലക്ഷ്മി പ്രസാദ്', 'പൈജാമാസ് ആർ ഫോർഗിവിംഗ്', 'വെൽക്കം റ്റു പാരഡൈസ്' തുടങ്ങി ഒട്ടേറെ പുസ്തകൾ ട്വിങ്കിൾ എഴുതിയിട്ടുണ്ട്.