എന്നുമീ ഏട്ടന്റെ ചിങ്കാരി; ഈ പെൺകുട്ടി ഇന്ന് ആരാധകരുടെ സ്വപ്നറാണി

Throwback Thursday: ചേട്ടന്റെ കൈകളിൽ ചിരിയോടെയിരിക്കുന്ന ഈ പെൺകുട്ടി ഇന്ന് ലക്ഷകണക്കിനു ആരാധകരുള്ള താരമാണ്. സിനിമയിൽ 20 വർഷങ്ങൾ പൂർത്തിയാക്കിയ താരം. ആളെ മനസ്സിലായോ?

മറ്റാരുമല്ല, തമന്നയുടെ കുട്ടിക്കാലചിത്രമാണ് ഇപ്പോൾ സോഷ്യൽ മീഡിയയുടെ ശ്രദ്ധ കവരുന്നത്. സഹോദരൻ ആനന്ദ് ഭാട്ടിയയ്ക്ക് പിറന്നാൾ ആശംസകൾ നേർന്നുകൊണ്ട് തമന്ന പങ്കുവച്ചതാണ് ഈ കുട്ടിക്കാലചിത്രം. കൗമാരക്കാലത്ത് നിന്നുള്ള, സഹോദരനൊപ്പമുള്ള മറ്റൊരു ചിത്രവും തമന്ന പങ്കിട്ടുണ്ട്.

മഹാരാഷ്ട്ര സ്വദേശിയും വജ്ര വ്യാപാരിയുമായ സന്തോഷിന്റേയും രജനി ഭാട്ടിയായുടേയും മകളായ തമന്ന 2015ല്‍ 'ചാന്ദ് സ റോഷൻ ചേഹ്‍ര' എന്ന ഹിന്ദി സിനിമയിലൂടെയാണ് വെള്ളിത്തിരയില്‍ അരങ്ങേറ്റം കുറിക്കുന്നത്.

2015ല്‍ തന്നെ, ശ്രീ എന്ന ചിത്രത്തിലൂടെ തെലുങ്കിലും തമന്ന അരങ്ങേറ്റം നടത്തി. വിജയ്, മഹേഷ് ബാബു, അജിത്ത്, ചിരഞ്‍ജീവി തുടങ്ങിയ മുൻനിര നായകൻമാരുടെയെല്ലാം നായികയായി തമന്ന അഭിനയിച്ചിട്ടുണ്ട്.

ഇന്ന്, തെന്നിന്ത്യയിലെ മുൻനിര നായികയാണ് തമന്ന. തമിഴിലും തെലുങ്കിലും ബോളിവുഡിലടക്കം കൈനിറയെ ചിത്രങ്ങളാണ് താരത്തിന്.

അഭിനയപ്രാധാന്യമുള്ള റോളുകളും ഗ്ലാമർ റോളുകളും അനായാസേന കൈകാര്യം ചെയ്യുന്ന ഈ താര സുന്ദരിക്ക് കേരളത്തിലും ആരാധകർ ഏറെയാണ്.

2017ൽ രാജമൗലിയുടെ ബാഹുബലി 2: ദി കൺക്ലൂഷൻ എന്ന ചിത്രത്തിനു ശേഷം അധികം പ്രൊജക്റ്റുകളൊന്നും ചെയ്തില്ലെങ്കിലും പിന്നീട് 'ലസ്റ്റ് സ്റ്റോറീസ് 2' എന്ന ഹിന്ദി ആന്തോളജി ചിത്രത്തിലൂടെ തമന്ന ശ്രദ്ധേയമായ തിരിച്ചുവരവ് നടത്തിയിരുന്നു.

2024 ൽ സിക്കന്ദർ കാ മുഖദ്ദർ, ആഖ്രി സച്ച് തുടങ്ങിയ ഹിറ്റുകളിലൂടെ തമന്നയുടെ ജനപ്രീതി കുതിച്ചുയരുകയായിരുന്നു.

ഏതാനും വർഷങ്ങളായി നടൻ വിജയ് വര്‍മയുമായി റിലേഷനിലായിരുന്നു തമന്ന. ആ പ്രണയം വിവാഹത്തിലെത്തുമെന്ന് ആരാധകരെല്ലാം പ്രതീക്ഷിച്ചിരുന്നെങ്കിലും അപ്രതീക്ഷിതമായി ഇരുവരും ബ്രേക്കപ്പ് ആവുകയായിരുന്നു.