അന്നേ ഒരു ഗംഭീര പോസർ ആണ്; മലയാളികൾക്കെല്ലാം സുപരിചിതയായ ഈ ആളെ മനസ്സിലായോ?

Throwback Thursday: നിറഞ്ഞ ചിരിയോടെ കണ്ണടച്ച് ചിത്രത്തിനു പോസ് ചെയ്യുന്ന ഒരു പിങ്ക് ഉടുപ്പുകാരി. മലയാളികൾക്കെല്ലാം സുപരിചിതയായ ഒരു സെലിബ്രിറ്റിയുടെ കുട്ടിക്കാലചിത്രമാണിത്. "ഒരിക്കൽ ഒരു പോസറായാൽ എല്ലാകാലത്തും പോസർ ആയിരിക്കും," എന്ന രസകരമായ അടിക്കുറിപ്പോടെ ആ സെലിബ്രിറ്റി തന്നെയാണ് ഈ ചിത്രം പങ്കുവച്ചത്. ആളാരെന്നു മനസ്സിലായോ?

മലയാളത്തിലെ സെലിബ്രിറ്റി അവതാരകരുടെ പട്ടികയിൽ മുൻപന്തിയിൽ നിൽക്കുന്ന രഞ്ജിനി ഹരിദാസിന്റെ കുട്ടിക്കാലത്തു നിന്നുള്ള ചിത്രമാണ് മുകളിൽ കൊടുത്തത്.

മലയാളത്തിലെ സെലബ്രിറ്റി അവതാരകരുടെ പട്ടികയിൽ മുൻപന്തിയിൽ നിൽക്കുന്ന മിന്നും താരമാണ് രഞ്ജിനി ഹരിദാസ്. എത്ര വലിയ ആൾക്കൂട്ടത്തെയും മാനേജ് ചെയ്തുകൊണ്ട് ഒരു പരിപാടിയെ മുന്നോട്ടു കൊണ്ടുപോവാൻ രഞ്ജിനിയെ കഴിഞ്ഞിട്ടേ ആളുള്ളൂ. അവതാരകർക്കിടയിലെ സൂപ്പർസ്റ്റാർ പദവി  ഇന്നും രഞ്ജിനിയ്ക്കു സ്വന്തം.

ടെലിവിഷൻ പരിപാടികളിലും സ്റ്റേജ് ഷോകളിലുമെല്ലാം തിളങ്ങിയ രഞ്ജിനി അഭിനയത്തിലും അരങ്ങേറ്റം കുറിച്ചിരുന്നു.

‘ബിഗ് ബോസ്’ മലയാളം ആദ്യ സീസണിലെ മത്സരാർത്ഥി എന്ന രീതിയിലും രഞ്ജിനി ഹരിദാസ് ഏറെ ശ്രദ്ധിക്കപ്പെട്ടിരുന്നു.

"അവതാരകരുടെ 'നച്ചാപ്പിക്ക'വേതനം വിപ്ലവകരമായി കുട്ടുകയും മാന്യമായൊരു സ്ഥാനം ഉണ്ടാക്കിത്തരികയും ചെയ്ത നമ്മുടെ അൺസങ്ങ്‌ ട്രേഡ്‌ യൂണിയൻ നേതാവ്‌!," എന്നാണ് അടുത്തിടെ രഞ്ജിനിയെ അവതാരകനായ രാജ് കലേഷ് വിശേഷിപ്പിച്ചത്.