യൂത്തന്മാരുടെ മുതൽ സൂപ്പർസ്റ്റാർ ചിത്രങ്ങളിൽ വരെ നായികയായ നടിയാണ് ചിത്രത്തിലുള്ളത്; ആളെ മനസ്സിലായോ?

Throwback Thursday: മലയാളത്തിന്റെ പ്രിയപ്പെട്ട നായികമാരിൽ ഒരാളുടെ കുട്ടിക്കാല ചിത്രമാണ് ഇത്. കൂടെയുള്ളത് നടിയുടെ ചേച്ചിയാണ്. മലയാളത്തിലെ ഏറ്റവും പ്രോമിസിംഗായ യുവതാരങ്ങളുടെ പട്ടികയിലാണ് ഈ നടിയുടെ സ്ഥാനം. ഈ പടത്തിൽ നിന്നു ആളെ തിരിച്ചറിയാമോ?

ഒരു കാലത്ത് ഉര്‍വശിയെ കണ്ട് താന്‍ അതിശയിച്ചതുപോലെയാണ് ഈ പുതുതലമുറയിലെ നടിയുടെ അഭിനയം കാണുമ്പോൾ തോന്നുന്നത് എന്നാണ് നടനും കേന്ദ്രമന്ത്രിയുമായ സുരേഷ് ഗോപി ഈ നടിയെ അഭിനന്ദിച്ചുകൊണ്ടു പറഞ്ഞത്. മറ്റാരുമല്ല, അനശ്വര രാജനാണ് ആ നടി.

ഓരോ പുതിയ സിനിമകൾ പിന്നിടുമ്പോഴും തന്നിലെ അഭിനേത്രിയെ തേച്ചുമിനുക്കിയാണ് ഈ നടിയുടെ മുന്നേറ്റം. മറ്റാരുമല്ല, അനശ്വര രാജനാണ് കക്ഷി.

എട്ടാം ക്ലാസിൽ പഠിക്കുമ്പോഴാണ് അനശ്വര 'ഉദാഹരണം സുജാത' എന്ന ചിത്രത്തിൽ അഭിനയിക്കുന്നത്. പിന്നീടങ്ങോട് സ്ക്കൂൾ, കോളേജ് കഥാപാത്രങ്ങളാണ് അനശ്വര ഏറെയും അവതരിപ്പിച്ചത്.

‘തണ്ണീർമത്തൻ ദിനങ്ങൾ’ സിനിമയിലെ മികവാർന്ന അഭിനയം അനശ്വരയ്ക്ക് ഏറെ ശ്രദ്ധ നേടി കൊടുത്തു. എവിടെ, ,ആദ്യരാത്രി, സൂപ്പർ ശരണ്യ, മൈക്ക് എന്നീ ചിത്രങ്ങളിലും അനശ്വര ശ്രദ്ധേയമായ വേഷങ്ങൾ ചെയ്തു. നിഖിൽ മുരളിയുടെ സംവിധാനത്തിൽ ഒരുങ്ങിയ 'പ്രണയവിലാസം' എന്ന ചിത്രത്തിലും മറക്കാനാവാത്തൊരു കഥാപാത്രത്തെയാണ് അനശ്വര അവതരിപ്പിച്ചത്.

യൂത്തൻമാർക്കൊപ്പം മാത്രമല്ല, സൂപ്പർസ്റ്റാർ ചിത്രങ്ങളിലും അനശ്വര നായികയായി തിളങ്ങി. മോഹൻലാൽ- ജീത്തു ജോസഫ് ചിത്രം നേര്, ജയറാം- മമ്മൂട്ടി- മിഥുൻ മാനുവൽ ചിത്രം ഓസ്ലർ എന്നിവയും തിയേറ്ററുകളിൽ കയ്യടി നേടിയ അനശ്വരയുടെ ഹിറ്റ് ചിത്രങ്ങളാണ്.

പൈങ്കിളി, രേഖാചിത്രം എന്നിവയെല്ലാം അനശ്വരയുടെ ഏറെ ശ്രദ്ധ നേടിയ ചിത്രങ്ങളാണ്. രേഖാചിത്രത്തിൽ മമ്മൂട്ടി ചേട്ടനെ ആരാധിക്കുന്ന രേഖയായി മിന്നും പ്രകടനമാണ് അനശ്വര കാഴ്ച വച്ചത്.

വ്യസനസമേതം ബന്ധുമിത്രാദികൾ ആണ് അനശ്വരയുടെ ഏറ്റവും ഒടുവിൽ തിയേറ്ററിലെത്തിയ ചിത്രം.