ഒരു സിനിമയ്ക്ക് പ്രതിഫലമായി വാങ്ങുന്നത് 10 കോടി; ഈ കുട്ടി ഇന്നൊരു സൂപ്പർ സ്റ്റാറാണ്

Throwback Thursday: നടിമാരുടെ ബാല്യകാല ഫോട്ടോകൾ പലപ്പോഴും സോഷ്യൽ മീഡിയയിൽ ശ്രദ്ധ കവരാറുണ്ട്. തെന്നിന്ത്യൻ സിനിമകളിലും ബോളിവുഡിലും ഒരേപോലെ തിളങ്ങുന്ന ഒരു താരത്തിന്റെ കുട്ടിക്കാലത്തു നിന്നുള്ള ചിത്രങ്ങളാണിത്.

മാറ്റാരുമല്ല, ബോക്സ് ഓഫീസ് ക്വീൻ, നാഷണൽ ക്രഷ് എന്നിങ്ങനെയൊക്കെ വിശേഷണങ്ങളുള്ള രശ്മിക മന്ദാനയാണ് ചിത്രത്തിൽ നമ്മൾ കണ്ട പെൺകുട്ടി.

ഇന്ന് തെന്നിന്ത്യൻ സിനിമകളിലും ബോളിവുഡിലും ഒരേപോലെ തിളങ്ങുന്ന രശ്മിക, ചുരുങ്ങിയ കാലം കൊണ്ട് ഇന്ത്യയിലെ ഏറ്റവും കൂടുതൽ പ്രതിഫലം വാങ്ങുന്ന നടിമാരിൽ ഒരാളായി വളരുകയായിരുന്നു.

കുടകിലെ വിരാജ്പേട്ട സ്വദേശിയായ രശ്മി, ജന്മനാടായ കുടകിൽ ഏറ്റവും കൂടുതൽ ആദായനികുതി അടയ്ക്കുന്ന വ്യക്തി കൂടിയാണ്.

2016 ൽ പുറത്തിറങ്ങിയ ഗ്രിക് പാർട്ടി എന്ന കന്നഡ ചിത്രത്തിലൂടെയാണ് അവർ നായികയായി അരങ്ങേറ്റം കുറിച്ചത്. അതിനുശേഷം, ഗീത ഗോവിന്ദം, ഡിയർ കോമ്രേഡ്, ഭീഷ്മ തുടങ്ങിയ ചിത്രങ്ങളിലൂടെ ശ്രദ്ധ നേടി.

സുൽത്താൻ' എന്ന ചിത്രത്തിലൂടെ തമിഴിൽ അരങ്ങേറ്റം കുറിച്ച അവർ നടൻ വിജയ്‌ക്കൊപ്പം 'വാരിസു' എന്ന ചിത്രത്തിലും അഭിനയിച്ചു. 'ആനിമൽ' എന്ന ചിത്രത്തിലൂടെയാണ് ബോളിവുഡിലും അരങ്ങേറ്റം കുറിച്ചത്. പുഷ്പ എന്ന ചിത്രത്തിലെ അല്ലു അർജുന്റെ നായികയായതും ഏറെ ശ്രദ്ധ നേടി.

29 വയസ്സുള്ള രശ്മികയുടെ ആകെ ആസ്തി 66 കോടി രൂപയാണ്. വമ്പൻ ഹിറ്റായ 'പുഷ്പ 2' വിനായി താരം 10 കോടി രൂപയാണ് പ്രതിഫലം വാങ്ങിയതെന്നാണ് റിപ്പോർട്ടുകൾ.

ബംഗളൂരുവിലെ 8 കോടിയുടെ വീടിന് പുറമെ മുംബൈ, ഹൈദരാബാദ്, ഗോവ, കൂർഗ് എന്നിവിടങ്ങളിലും താരത്തിന് സ്വത്തുക്കളുണ്ട്. മെഴ്‌സിഡസ് ബെൻസ് സി-ക്ലാസ്, റേഞ്ച് റോവർ സ്‌പോർട്ട് തുടങ്ങി മികച്ച കാറുകളുടെ ഒരു നിര തന്നെ രശ്മികയ്ക്കും സ്വന്തമായുണ്ട്.

പ്രൊഫഷണൽ ജീവിതത്തിലെ നേട്ടങ്ങൾക്കൊപ്പം തന്നെ രശ്മികയുടെ വ്യക്തിജീവിതവും ഇപ്പോൾ വലിയ ചർച്ചയാണ്. നടൻ വിജയ് ദേവരകൊണ്ടയുമായുള്ള വിവാഹം ഫെബ്രുവരി 26-ന് ഉദയ്പൂരിൽ വെച്ച് നടക്കുമെന്ന് റിപ്പോർട്ടുകളുണ്ട്.