നാല് പതിറ്റാണ്ടായി ഇന്ത്യൻ സിനിമയുടെ ഇതിഹാസമായി നിലകൊള്ളുന്ന താരമാണ് ഈ ചിത്രത്തിലുള്ളത്, ആളെ മനസ്സിലായോ?

ഇന്ത്യൻ സിനിമയുടെ ചരിത്രത്തിലെ തന്നെ ഏറ്റവും വലിയ ഇതിഹാസങ്ങളിൽ ഒരാളാണിത്. എഴുപതുകളിലെ 'ആംഗ്രി യങ് മാൻ' എന്ന പ്രതിച്ഛായയിൽ നിന്ന് തുടങ്ങി, ഇന്നും പ്രേക്ഷകരെ വിസ്മയിപ്പിക്കുന്ന 'ബിഗ് ബി'യുടെ കരിയർ വളർച്ച ഏതൊരു സിനിമാപ്രേമിക്കും പ്രചോദനമായ ആളെ മനസ്സിലായോ?

'സാത് ഹിന്ദുസ്ഥാനി' എന്ന ചിത്രത്തിലൂടെ ബോളിവുഡൻ്റെ മാത്രമല്ല സിനിമാ പ്രമികളുടെ മനസ്സിൽ കുടിയേറിയ അതുല്യ പ്രതിഭയായ അമിതാഭ് ബച്ചനാണിത്.

'സാത്ത് ഹിന്ദുസ്ഥാനി'യിലൂടെ ബോളിവുഡിൽ അരങ്ങേറ്റം കുറിച്ച ബച്ചൻ പിന്നീട് 'ഷോലെ', 'ദീവർ', 'സൻജീർ', 'കൂലി', 'സിൽസില', 'അഭിമാൻ', 'ഡോൺ', 'അമർ അക്ബർ ആന്റോണി'​എന്നു തുടങ്ങി നൂറുകണക്കിന് ഐക്കോണിക് ചിത്രങ്ങളുടെ ഭാഗമായി.

അമിതാഭ് ബച്ചനെ ഒരു സൂപ്പർ താരമായി ഉയർത്തിയത്, അന്നത്തെ സാമൂഹിക അസംതൃപ്തിയെ പ്രതിഫലിപ്പിച്ച 'ആംഗ്രി യങ് മാൻ' എന്ന പ്രതിച്ഛായയാണ്. സലിം-ജാവേദ് കൂട്ടുകെട്ടിന്റെ ശക്തമായ തിരക്കഥകളാണ് ഈ കഥാപാത്രങ്ങൾക്ക് ജീവൻ നൽകിയത്.

എന്നാൽ ആദ്യത്തെ കുറച്ചു സിനിമകൾക്കു ശേഷം അദ്ദേഹത്തിന് ചില തിരിച്ചടികളും നേരിട്ടു. ആക്ഷൻ ഹീറോ ഇമേജിൽ നിന്ന് മാറി റൊമാന്റിക്, കോമഡി വേഷങ്ങൾക്കും പ്രാധാന്യം നൽകി. എങ്കിലും, അദ്ദേഹത്തിന്റെ ജനപ്രീതിക്ക് കാര്യമായ ഇടിവുണ്ടായില്ല.

കോൻ ബനേഗാ ക്രോർപതി എന്ന ടെലിവിഷൻ ഷോയുടെ വിജയത്തോടെ സിനിമയിലേക്ക് ശക്തമായ തിരിച്ചുവരവ് നടത്തി. ഈ കാലഘട്ടത്തിൽ ആക്ഷൻ ഹീറോയിൽ നിന്ന് മാറി പ്രായത്തിന് അനുയോജ്യമായ, ശക്തമായ സ്വഭാവ വേഷങ്ങളിലാണ് അദ്ദേഹം കൂടുതൽ ശ്രദ്ധ കേന്ദ്രീകരിച്ചത്.

രണ്ടാം വരവിലും 'ബ്ലാക്ക്', 'മൊഹബത്തീൻ', 'പാ', 'പികു', 'ബാഗ്ബാൻ', 'സർക്കാർ' തുടങ്ങിയ ചിത്രങ്ങളിലൂടെ ബ്ലോക്ക്ബസ്റ്റർ ജൈത്രയാത്ര ആവർത്തിക്കുകയായിരുന്നു.

80കളിലും പകരക്കാരില്ലാത്ത ഊർജ്ജസാന്നിധ്യമാണ് അമിതാഭ് ബച്ചൻ.

ഇന്നും പുതിയ തലമുറയിലെ താരങ്ങൾക്കൊപ്പം അഭിനയിക്കുകയും സോഷ്യൽ മീഡിയയിൽ സജീവമായി ഇടപെഴകുകയും ചെയ്യുന്ന ഈ അതുല്യ പ്രതിഭ, ഇന്ത്യൻ സിനിമയുടെ ചരിത്രത്തിൽ ഒരു മായാത്ത അധ്യായമാണ്.

ഈ ഓരോ കാലഘട്ടത്തിലൂടെയും അമിതാഭ് ബച്ചൻ ഇന്ത്യൻ സിനിമയുടെ മുഖച്ഛായ തന്നെ മാറ്റിയെഴുതി. അദ്ദേഹത്തിന്റെ ശബ്ദവും അഭിനയ ശൈലിയും ഒരു തലമുറയ്ക്ക് തന്നെ പ്രചോദനമാണ്.