scorecardresearch
Latest News

Thottappan Trailer: ഇത്താക്കിന് ഒരൊറ്റ ജീവിതമേയുള്ളൂ, അത് സാറയ്ക്ക് വേണ്ടിയാ; ‘തൊട്ടപ്പൻ’ ട്രെയിലർ

Thottappan Trailer: ജൂൺ അഞ്ചിനാണ് ചിത്രം തിയേറ്ററുകളിലെത്തുന്നത്

Thottappan Trailer: ഇത്താക്കിന് ഒരൊറ്റ ജീവിതമേയുള്ളൂ, അത് സാറയ്ക്ക് വേണ്ടിയാ; ‘തൊട്ടപ്പൻ’ ട്രെയിലർ

Thottappan Trailer: ഹൃദയബന്ധം കൊണ്ട് പരസ്പരം ജീവിതം ചേർത്തുപിടിച്ച ഒരച്ഛന്റെയും മകളുടെയും കഥ പറയുന്ന ‘തൊട്ടപ്പന്റെ’ ട്രെയിലർ എത്തി. വിനായകന്റെ മികച്ച പെർഫോമൻസ് നിമിഷങ്ങൾ കോർത്തിണക്കിയാണ് ട്രെയിലറും ഒരുക്കിയിരിക്കുന്നത്. ജൂൺ അഞ്ചിനാണ് ചിത്രം തിയേറ്ററുകളിലെത്തുന്നത്.

‘കിസ്മത്തി’ന് ശേഷം ഷാനവാസ് ബാവക്കുട്ടി സംവിധാനം ചെയ്യുന്ന ചിത്രമാണ് ‘തൊട്ടപ്പന്‍’. പ്രശസ്ത എഴുത്തുകാരന്‍ ഫ്രാന്‍സിസ് നൊറോണയുടെ കഥയാണ് ‘തൊട്ടപ്പന്‍’. മുഴുനീള നായകനായി വിനായകന്‍ ആദ്യമായെത്തുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് പിഎസ് റഫീക്കാണ്. പുതുമുഖം പ്രിയംവദയാണ് നായിക.

Read more: Thottappan Trailer: എനിക്കൊറ്റ ജീവിതമേയുള്ളൂ, അത് സാറയ്ക്ക് വേണ്ടിയാ; വിനായകന്റെ ഗംഭീര പെർഫോമൻസുമായി ‘തൊട്ടപ്പൻ’ ട്രെയിലർ

ചിത്രത്തിന്റെ ഛായാഗ്രഹണം സുരേഷ് രാജന്‍ നിര്‍വ്വഹിക്കുന്നു. സംഗീതം ഒരുക്കുന്നത് ഗിരീഷ് എം ലീല കുട്ടനാണ്. പശ്ചാത്തല സംഗീതം ജസ്റ്റിന്നും എഡിറ്റിംഗ് ജിതിന്‍ മനോഹറും നിർവ്വഹിച്ചു. റോഷന്‍ മാത്യു, മനോജ് കെ ജയന്‍, കൊച്ചു പ്രേമന്‍, പോളി വില്‍സണ്‍, ദിലീഷ് പോത്തന്‍ എന്നിവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. പട്ടം സിനിമാ കമ്പനിയുടെ ബാനറില്‍ ദേവദാസ് കാടഞ്ചേരിയും ശൈലജ മണികണ്ഠനും ചേര്‍ന്നാണ് നിര്‍മാണം.

“തൊട്ടപ്പൻ എന്ന കഥ വായിച്ചപ്പോൾ ആ കഥാപാത്രത്തിന് ഒരേ ഒരു മുഖമേ മനസ്സിൽ ഉണ്ടായിരുന്നുള്ളൂ. അത് വിനായകൻ മാത്രമാണ്. അപ്പനും മകളും തമ്മിലുള്ള ബന്ധം ഞാൻ മുൻപ് പറഞ്ഞതുപോലെ പല നടന്മാരും അവതരിപ്പിച്ചിട്ടുണ്ട്. പക്ഷേ, നായകന്റെ സ്റ്റൈലിൽ നമ്മൾ അത് കണ്ടിട്ടില്ല. വിനായകന്റെ സ്റ്റൈലിൽ അതു കാണുമ്പോൾ അതിലൊരു പുതുമയുമുണ്ട്. സിനിമയിൽ, റോഷൻ ചെയ്ത കഥാപാത്രത്തിന് ഞാൻ മറ്റു പലരെയും ആലോചിച്ചിരുന്നു. പക്ഷേ ഒടുവിൽ റോഷനിലെത്തുകയും അത് പെർഫെക്റ്റ് കാസ്റ്റിംഗ് ആവുകയുമായിരുന്നു. എന്നാൽ വിനായകന്റെ കഥാപാത്രത്തിന് പകരം മറ്റാരെയും തന്നെ സങ്കൽപ്പിച്ചു നോക്കിയിട്ടില്ല,” ചിത്രത്തിലേക്ക് വിനായകനെ തെരെഞ്ഞെടുത്തതിനെ കുറിച്ച് സംവിധായകൻ ഷാനവാസ് കെ ബാവക്കുട്ടി ഇന്ത്യൻ എക്സ്‌പ്രസ്സിനു നൽകിയ​ അഭിമുഖത്തിൽ പറഞ്ഞതിങ്ങനെ.

Stay updated with the latest news headlines and all the latest Entertainment news download Indian Express Malayalam App.

Web Title: Thottappan official trailer vinayakan shanavas k bavakutty