ഈ വർഷം വരാനിരിക്കുന്ന 7 മമ്മൂട്ടി ചിത്രങ്ങൾ

2025-ൽ ആരോഗ്യപരമായ കാരണങ്ങളാൽ മമ്മൂട്ടിക്ക് തന്റെ അഭിനയജീവിതത്തിൽ ചെറിയൊരു ഇടവേള നൽകേണ്ടി വന്നിരുന്നു. ആ വിടവ് തീർക്കാൻ ഇരട്ടി കരുത്തോടെയും അതിലേറെ ആവേശത്തോടെയുമാണ് മമ്മൂട്ടിയുടെ 2026 കടന്നുവരുന്നത്

Written byEntertainment Desk

2025-ൽ ആരോഗ്യപരമായ കാരണങ്ങളാൽ മമ്മൂട്ടിക്ക് തന്റെ അഭിനയജീവിതത്തിൽ ചെറിയൊരു ഇടവേള നൽകേണ്ടി വന്നിരുന്നു. ആ വിടവ് തീർക്കാൻ ഇരട്ടി കരുത്തോടെയും അതിലേറെ ആവേശത്തോടെയുമാണ് മമ്മൂട്ടിയുടെ 2026 കടന്നുവരുന്നത്

Entertainment Desk

12 Jan 2026 14:32 IST

New Update

1/7

ധനുഷ് ചിത്രം

അമരന് ശേഷം രാജ്കുമാർ പെരിയസാമി സംവിധാനം ചെയ്യുന്ന ചിത്രത്തിലും മമ്മൂട്ടി ഉണ്ടെന്നാണ് റിപ്പോർട്ട്. ധനുഷ് നായകനായെത്തുന്ന ചിത്രത്തിന് ഡി 55 എന്നാണ് നിലവിൽ പേരു നൽകിയിരിക്കുന്നത്.

2/7

ചത്താ പച്ചയിലെ കാമിയോ വേഷം

റെസ്‌ലിങിൽ നിന്നും പ്രചോദനമുൾക്കൊണ്ട് അദ്വൈത് നായർ സംവിധാനം ചെയ്യുന്നചത്താ പച്ചയിൽ കാമിയോ റോളിൽ മമ്മൂട്ടിയെത്തും. ചിത്രത്തിൽ റെസിലിങ് കോച്ചായിട്ടാണ് മമ്മൂട്ടി എത്തുക. അർജുൻ അശോകൻ നായകനായി എത്തുന്ന ചിത്രത്തിൽ റോഷൻ മാത്യു, ഇഷാൻ ഷൗക്കത്, വിശാഖ് നായർ, പൂജ മോഹൻദാസ് എന്നിവരും വേഷമിടുന്നു.

3/7

പാട്രിയറ്റ്

17 വർഷങ്ങൾക്കു ശേഷം മമ്മൂട്ടിയും മോഹൻലാലും ഒന്നിക്കുന്ന പാട്രിയറ്റ് ആണ് ഈ വർഷത്തെ പ്രധാന റിലീസുകളിൽ ഒന്ന്. മഹേഷ് നാരായണന്റെ സംവിധാനത്തിൽ ഒരുങ്ങുന്ന ചിത്രത്തിൽ ഫഹദ് ഫാസിൽ, കുഞ്ചാക്കോ ബോബൻ, നയൻതാര, രേവതി, ദർശന രാജേന്ദ്രൻ, സെറിൻ ഷിഹാബ്, ജിനു ജോസഫ്, രാജീവ് മേനോൻ, ഡാനിഷ് ഹുസൈൻ, ഷഹീൻ സിദ്ദിഖ്, സനൽ അമൻ തുടങ്ങി വൻതാരനിരയാണ് അണിനിരക്കുന്നത്.

Advertisment

4/7

അടൂർ- മമ്മൂട്ടി ചിത്രം

അനന്തരം, വിധേയന്‍, മതിലുകള്‍ എന്നീ സിനിമകൾക്കു ശേഷം അടൂര്‍ ഗോപാലകൃഷ്ണനും മമ്മൂട്ടിയും വീണ്ടും ഒരുമിക്കുന്ന ചിത്രം വരുന്നു.കളകാവൽ എന്ന ചിത്രത്തിന് ശേഷം മമ്മൂട്ടി കമ്പനി നിർമിക്കുന്ന നിർമിക്കുന്ന ചിത്രമാണിതെന്നും റിപ്പോർട്ടുണ്ട്. ചിത്രത്തിൽ നായികയായി നയൻ‌താര അത്തുമെന്നും തകഴി ശിവശങ്കരപിള്ളയുടെ രണ്ടിടങ്ങഴി എന്ന ചിത്രത്തെ ആസ്‌പദമാക്കിയൊരുക്കുന്ന ചിത്രമാണിതെന്നും സ്ഥിരീകരിക്കാത്ത റിപ്പോർട്ടുണ്ട്.

5/7

മമ്മൂട്ടി- ഖാലിദ് റഹ്മാൻ- ചിത്രം

‘ഉണ്ട’ എന്ന സിനിമയ്ക്കു ശേഷം മമ്മൂട്ടിയും ഖാലിദ് റഹ്മാനും വീണ്ടും ഒന്നിക്കുന്ന ചിത്രം നിർമിക്കുന്നത് ക്യൂബ്‌സ് എന്റര്‍ടെയ്ന്‍മെന്റ്‌സ് ആണ്. ആസിഫ് അലി, നസ്ലിൻ, ലുക്മാൻ അവറാൻ എന്നിവരും ചിത്രത്തിലുണ്ടെന്നാണ് റിപ്പോർട്ട്.

6/7

രഞ്ജിത് ചിത്രത്തിലെ കാമിയോ വേഷം

22 വർഷങ്ങൾക്കുശേഷം കാരിക്കാമുറി ഷൺമുഖൻ ആയി മമ്മൂട്ടി വീണ്ടും വരികയാണ്. പ്രകാശ് വര്‍മയെ കേന്ദ്ര കഥാപാത്രമാക്കി രഞ്ജിത്ത് സംവിധാനം ചെയ്യുന്ന ചിത്രത്തിലാണ് ഷണ്‍മുഖനായി മമ്മൂട്ടി വീണ്ടും എത്തുന്നത്. 2004ല്‍, രഞ്ജിത്ത് എഴുതി സംവിധാനം ചെയ്ത ബ്ലാക്ക് എന്ന ചിത്രത്തിൽ മമ്മൂട്ടി അവതരിപ്പിച്ച പൊലീസുകാരനായ ഗുണ്ടയാണ് കാരിക്കാമുറി ഷൺമുഖൻ.

7/7

മമ്മൂട്ടി- നിതീഷ് സഹദേവ് ചിത്രം

നിതീഷ് സഹദേവ് സംവിധാനം ചെയ്യുന്ന ഈ ചിത്രം മമ്മൂട്ടി കമ്പനിയും കാവ്യ ഫിലിംസും ചേർന്നാണ് നിർമിക്കുന്നതെന്നാണ് വിവരം. കേരള-തമിഴ്നാട് ബോർഡർ പശ്ചാത്തലമാക്കി ഒരുങ്ങുന്ന സിനിമയിൽ മമ്മൂട്ടി ഒരു ഗ്യാങ്സ്റ്റർ ആയിട്ടാണ് എത്തുന്നതെന്നും റിപ്പോർട്ടുണ്ട്. സിനിമയുടെ ഷൂട്ടിംഗ് മേയ് മാസം ആരംഭിക്കുമെന്നാണ് ഇപ്പോൾ ലഭിക്കുന്ന വിവരം.

Mammootty

Stay updated with the latest news headlines and all the latest Lifestyle news. Download Indian Express Malayalam App - Android or iOS.