എക്കോയിലെ ഈ ഫ്രെയിമുകൾക്കെന്ത് ഭംഗി; സിനിമയുടെ മാജിക് ഇതിലുണ്ടെന്ന് ആരാധകർ!

നവംബറിൽ തിയേറ്ററുകളിൽ തരംഗം സൃഷ്ടിച്ച 'എക്കോ' ഇപ്പോൾ നെറ്റ്ഫ്ലിക്സിലും തരംഗമാവുകയാണ്. തിയേറ്റർ വിജയത്തിന് ശേഷം ഒടിടിയിൽ എത്തിയ 'എക്കോ' ചുരുങ്ങിയ ദിവസങ്ങൾക്കുള്ളിൽ തന്നെ നെറ്റ്ഫ്ലിക്സ് ട്രെൻഡിംഗ് ലിസ്റ്റിൽ ഇടംപിടിച്ചു.

"The frames of Eko are breathtaking" എന്ന ക്യാപ്ഷനോടെ നെറ്റ്ഫ്ലിക്സ് പങ്കുവെച്ച ചിത്രങ്ങൾ സിനിമയുടെ വിഷ്വൽ ക്വാളിറ്റി വിളിച്ചോതുന്നതാണ്.

ബ്ലോക്ക്ബസ്റ്റർ ചിത്രം 'കിഷ്കിന്ധ കാണ്ഡ'ത്തിന് ശേഷം സംവിധായകൻ ദിൻജിത് അയ്യത്താനും തിരക്കഥാകൃത്ത് ബാഹുൽ രമേശും വീണ്ടും ഒന്നിച്ചപ്പോൾ പിറന്നത് മറ്റൊരു മികച്ച ചിത്രം.

സിനിമയുടെ കഥ, തിരക്കഥ, സംഭാഷണം എന്നിവയ്ക്ക് പുറമെ ഛായാഗ്രഹണവും ബാഹുൽ തന്നെയാണ് നിർവഹിച്ചിരിക്കുന്നത്. ഓരോ ഫ്രെയിമിലും ആ മികവ് പ്രകടമാണ്.

സിനിമയുടെ മാജിക് മൊത്തം അതിന്റെ അതിമനോഹരമായ ഫ്രെയിമുകളിൽ ഉണ്ടെന്നാണ് സോഷ്യൽ മീഡിയയുടെ പൊതുവായ അഭിപ്രായം.

പ്രേക്ഷകർക്ക് ചിന്തിക്കാൻ അവസരം നൽകുന്ന രീതിയിൽ ഒരുക്കിയ ചിത്രത്തിന്റെ ക്ലൈമാക്സ് ഒടിടി റിലീസിന് ശേഷവും വലിയ ചർച്ചകൾക്ക് വഴിവെക്കുന്നു.

സന്ദീപ് പ്രദീപ്, ബിയാന മോമിൻ, സൗരബ് സച്ചിദേ, വിനീത്, നരേൻ, അശോകൻ, ബിനു പപ്പു തുടങ്ങി വലിയൊരു താരനിര തന്നെ ചിത്രത്തിൽ അണിനിരക്കുന്നുണ്ട്.

മുജീബ് മജീദിന്റെ സംഗീതവും സൂരജ് ഇ എസ്സിന്റെ എഡിറ്റിംഗും സിനിമയുടെ നിഗൂഢമായ അന്തരീക്ഷത്തെ മികച്ച രീതിയിൽ സപ്പോർട്ട് ചെയ്യുന്നു.

എം.ആർ.കെ. ജയറാം നിർമ്മിച്ച ഈ ചിത്രം മലയാള സിനിമയിലെ മികച്ച ടെക്നിക്കൽ ക്വാളിറ്റിയുള്ള സിനിമകളിലൊന്നായി മാറിക്കഴിഞ്ഞു.

സിനിമയുടെ കഥാതന്തു പോലെ തന്നെ നിഗൂഢതയും ഭംഗിയും ഒളിപ്പിച്ചുവെച്ച ലൊക്കേഷനുകളും ഫ്രെയിമുകളുമാണ് 'എക്കോ'യുടെ ഹൈലൈറ്റ്.