scorecardresearch

ഉർവശിയെ ഇംഗ്ലീഷ് പറഞ്ഞ് കുഴപ്പിച്ച ആ മിടുക്കി പ്രീസ്റ്റിൽ മമ്മൂട്ടിക്കൊപ്പം എത്തിയപ്പോൾ

ജോർജിന്റേയും ജിജിയുടേയും ഇംഗ്ലീഷ് മീഡിയംകാരി മകളെ മലയാളികൾ അത്ര പെട്ടെന്ന് മറക്കില്ല

ഉർവശിയെ ഇംഗ്ലീഷ് പറഞ്ഞ് കുഴപ്പിച്ച ആ മിടുക്കി പ്രീസ്റ്റിൽ മമ്മൂട്ടിക്കൊപ്പം എത്തിയപ്പോൾ

സത്യൻ അന്തിക്കാട് ചിത്രമായ തലയണമന്ത്രത്തിൽ’ ഉർവശിയെ ഇംഗ്ലീഷ് പറഞ്ഞ് വെള്ളം കുടിപ്പിക്കുന്ന ആ ഇംഗ്ലീഷ് മീഡിയംകാരി പെൺകുട്ടി, ജോർജിന്റേയും ജിജിയുടേയും മകളെ, മലയാളികൾ അത്ര പെട്ടെന്ന് മറക്കില്ല. ആ പെൺകുട്ടി എവിടേയും പോയിട്ടില്ല. അടുത്തിടെ പുറത്തിറങ്ങിയ ഒരു സൂപ്പർ ഹിറ്റ് ചിത്രത്തിൽ ആ പെൺകുട്ടിയെ നമ്മൾ കണ്ടിരുന്നു. മമ്മൂട്ടി ചിത്രം പ്രീസ്റ്റിൽ സിസ്റ്റർ മഗ്ദലിന്റെ വേഷത്തിലാണ് സിന്ധു വർമ എന്ന ആ കലാകാരി പ്രത്യക്ഷപ്പെട്ടത്.

വി.ആർ.ഗോപിനാഥ് സംവിധാനം ചെയ്ത് 2018ൽ പുറത്തിറങ്ങിയ ദേവസ്പർശം എന്ന ചിത്രത്തിലും, രമേഷ് പിഷാരടിയുടെ ഗാനഗന്ധർവൻ എന്ന ചിത്രത്തിൽ സ്കൂൾ പ്രിൻസിപ്പൽ ലക്ഷ്മിയായും സിന്ധു വർമയെ നമ്മൾ കണ്ടിട്ടുണ്ട്. ടിവി സീരിയലുകളിലും സിന്ധു വേഷമിട്ടിട്ടുണ്ട്.

നടൻ ജഗന്നാഥവർമ്മയുടെ മകനും സിനിമാ- മിനിസ്‌ക്രീൻ താരവുമായ മനുവർമ്മയുടെ ഭാര്യ കൂടിയാണ് സിന്ധു വർമ.

Stay updated with the latest news headlines and all the latest Entertainment news download Indian Express Malayalam App.

Web Title: Thalayanamanthram child artist in mammoottys the priest