ഈ കൊച്ചു മിടുക്കന്മാരെ മനസ്സിലായോ?

സൂര്യ, കാര്‍ത്തി എന്നിവരുടെ കുട്ടിക്കാലത്തെ ഒരു ചിത്രമാണിത്. അച്ഛന്‍ ശിവകുമാറിനും അമ്മയ്ക്കും സഹോദരിയ്ക്കും ഒപ്പം സൂര്യയും കാര്‍ത്തിയും നില്‍കുന്ന ഈ ചിത്രം ഇപ്പോള്‍ സോഷ്യല്‍ മീഡിയയില്‍ വൈറല്‍ ആകുന്നു.

സിനിമാപാരമ്പര്യമുള്ള കുടുംബത്തിൽ നിന്ന് തന്നെയാണ് സൂര്യ- കാർത്തി സഹോദരന്മാരുടെ വരവ്. പ്രമുഖ നടനായ ശിവകുമാറിന്റെ മകനാണ് സൂര്യയും കാർത്തിയും. നടിപ്പിൻ നായകൻ എന്നറിയപ്പെടുന്ന സൂര്യയുടെ യഥാർത്ഥ പേര് ശരവണൻ സൂര്യ ശിവകുമാർ എന്നാണ്. 'നേർക്കു നേർ' എന്ന ചിത്രത്തിലൂടെ അരങ്ങേറ്റം കുറിച്ച സൂര്യയെ ശ്രദ്ധേയനാക്കിയത് 2001 ൽ ബാലാ സംവിധാനം ചെയ്ത 'നന്ദ' എന്ന ചിത്രമായിരുന്നു. ഇന്ന് തമിഴകത്തെ അനിഷേധ്യമായ താരസാന്നിധ്യമാണ് സൂര്യ.

View this post on Instagram

A post shared by Suriya (@suriyasivakumarofficial) on Feb 17, 2020 at 7:18pm PST

ചേട്ടനു പിറകെ കാർത്തിയും അഭിനയരംഗത്തേക്ക് എത്തുന്നത് 2007-ൽ മികച്ച വിജയം നേടിയ 'പരുത്തിവീരൻ' എന്ന ചിത്രത്തിലൂടെയായിരുന്നു. 'ആയിരത്തിൽ ഒരുവൻ', 'പൈയ്യ', 'നാൻ മഹാൻ അല്ല', 'സിരുതെയ്‌' എന്നി ചിത്രങ്ങളിലൂടെ തന്റെ സ്ഥാനം ഉറപ്പിച്ച കാർത്തിയുടെ കഴിഞ്ഞ വർഷം ഇറങ്ങിയ'കൈദി'യെന്ന ചിത്രവും ഏറെ ശ്രദ്ധിക്കപ്പെട്ടിരുന്നു.

Read more: ട്രാൻസിലേത് പ്രിയപ്പെട്ട കഥാപാത്രം, സിനിമയിൽ നിന്ന് ബ്രേക്ക് എടുത്തതിനു കാരണമുണ്ട്: സ്രിന്റയുമായി അഭിമുഖം