Latest News

ജനിക്കും മുൻപേ കൂട്ടായവർ ഞങ്ങൾ; പുനീതിന്റെ സ്മരണയിൽ കണ്ണ് നിറഞ്ഞു സൂര്യ

ഞങ്ങളുടെ അമ്മമാർ ഗർഭിണിയായിരിക്കുമ്പോഴാണ് ആദ്യമായി ഞങ്ങൾ കണ്ടുമുട്ടുന്നത്. അന്നെന്റെ അമ്മ നാലുമാസം ഗർഭിണിയാണ്, പുനീതിന്റെ അമ്മയ്ക്ക് 7 മാസവും

Suriya, Puneeth Rajkumar, Suriya about Puneeth Rajkumar Video, Suriya Jai Bhim

അപ്രതീക്ഷിതമായി വിട്ടുപിരിഞ്ഞ പ്രിയ സുഹൃത്ത് പുനീത് രാജ്‌കുമാറിന്റെ സ്മൃതികുടീരം സന്ദർശിച്ച് നടൻ സൂര്യ. പുനീത് മരിച്ചെന്ന് ഇപ്പോഴും വിശ്വസിക്കാനാവില്ലെന്നും സൂര്യ പറഞ്ഞു. ബാംഗ്ലൂരിലെത്തി പുനീതിന്റെ സ്മൃതികുടീരം സന്ദർശിക്കുന്നതിനിടയിൽ വികാരനിർഭരനായ സൂര്യയുടെ ഒരു വീഡിയോയും സമൂഹമാധ്യമങ്ങളിൽ പ്രചരിക്കുന്നത്.

Read more: പുനീതിന്റെ കണ്ണുകൾ കാഴ്ചയേകിയത് നാല് യുവാക്കൾക്ക്

” ഒരിക്കലും സംഭവിക്കാൻ പാടില്ലാത്തതാണ് നടന്നത്. സംഭവിച്ചതൊന്നും എനിക്കിപ്പോഴും ഉൾകൊള്ളാൻ കഴിയുന്നില്ല. എന്റെ കുടുംബവും അണ്ണയുടെ (ശിവരാജ് കുമാർ) കുടുംബവും പണ്ട് മുതൽക്കേ അടുപ്പമുള്ളതാണ്. അപ്പയ്ക്ക് (ശിവകുമാർ) ആ കുടുംബവുമായി ഏറെ സമയം ചെലവഴിച്ചിട്ടുണ്ട്, അവിസ്മരണീയമായ ഒരുപാട് സംഭവങ്ങളും ഉണ്ടായിട്ടുണ്ട്. ഞങ്ങൾ ആദ്യം കണ്ടുമുട്ടുന്നത് ഞങ്ങളുടെ അമ്മമാർ ഗർഭിണിയായിരിക്കുമ്പോഴാണ്. അന്നെന്റെ അമ്മ നാലുമാസം ഗർഭിണിയാണ്, പുനീതിന്റെ അമ്മയ്ക്ക് 7 മാസവും. അതായിരുന്നു ഞങ്ങളുടെ ആദ്യ കൂടിക്കാഴ്ച. എന്റെ അമ്മ പറഞ്ഞതാണിത്.”

“എല്ലാ ഫോട്ടോകളിലും വീഡിയോകളിലും എപ്പോഴും ചിരിക്കുന്ന മുഖമായിരുന്നു അദ്ദേഹത്തിന്. ജീവിതത്തിൽ അദ്ദേഹം നല്ല കാര്യങ്ങൾ ചെയ്തതായേ ഞാൻ കേട്ടിട്ടുള്ളൂ. ആ ഓർമകൾ മുറുകെ പിടിക്കുന്നു, ഞങ്ങളുടെ ഹൃദയത്തിൽ അദ്ദേഹമെപ്പോഴും ചിരിയോടെ നിൽക്കും. അതൊരിക്കലും മാഞ്ഞുപോവില്ല. അദ്ദേഹത്തിന്റെ കുടുംബത്തിനും മക്കൾക്കും ആരാധകർക്കും ഈ വിയോഗം താങ്ങാനുള്ള കരുത്തുണ്ടാകട്ടെ,” മാധ്യമങ്ങളോട് സംസാരിക്കവെ സൂര്യ പറഞ്ഞു.

കഴിഞ്ഞ ശനിയാഴ്ചയായിരുന്നു പ്രശസ്ത കന്നഡ നടൻ പുനീത് രാജ്‌കുമാർ ഹൃദയാഘാതത്തെ തുടർന്ന് അന്തരിച്ചത്.

Read more: പുനീത് സഹായിച്ചിരുന്ന 1800 വിദ്യാർത്ഥികളുടെയും പഠനച്ചെലവ് ഏറ്റെടുത്ത് വിശാൽ

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Suriya paid last respects to puneeth rajkumar at his memorial

Next Story
അടുത്ത സിനിമ എപ്പോള്‍? സെന്ന ഹെഗ്ഡെ അഭിമുഖംSenna Hegde, Director Senna Hegde, Senna Hegde new film, Thinkalazhcha Nishchayam, Thinkalazhcha Nishchayam director Senna Hegde, Senna Hegde Kanhangad, Director Senna Hegde interview, Thinkalazhcha Nishchayam malayalam movie, Thinkalazhcha Nishchayam malayalam film, Thinkalazhcha Nishchayam cast, Thinkalazhcha Nishchayam OTT release, Senna Hegde films, malayalam movies, malayalayalm movie ott release, indian express malayalam
The moderation of comments is automated and not cleared manually by malayalam.indianexpress.com